Abdullah bin Syaibah

	Artikel iki bagéyan saka sèri; Islam ;
	Rukun Islam
	Sahadat · Salat · Pasa; Jakat · Kaji
	Rukun Iman
	Allah · Kuran · Malaékat; Nabi · Dina Akhir; Qada & Qadar
	Tokoh Islam
	Mukamad; Nabi & Rasul · Sakabat ; Ahlul Bait
	Kutha suci
	Mekkah ·Madinah · Yérusalem; Najaf · Karbala · Kufah; Kazimain · Mashhad ·Istanbul
	Riyaya
	Éjrah · Idul Fitri · Idul Adha · Asyura · Ghadir Khum
	Arsitèktur
	Mesjid ·Menara ·Mihrab; Ka'bah · Arsitèktur Islam
	Jabatan Fungsional
	Khalifah ·Ulama ·; Imam·Mullah·Ayatullah · Mufti
	Tèks & Ukum
	Kuran ·Kadis · Sunah ; Fiqih · Fatwa · Saréngat
	Madahab
	Sunni ; Kanapi ·Kambali ; Maliki ·Sapingi
	Singah ; Rolas Imam; Ismailiyah·Zaidiyah
	Liyané ; Ibadi · Khawarij; Murji'ah·Mu'taziliyah
	Delengen uga
	Gapura Islam
	Indeks perkara Islam
	deleng; rembug; besut;

Abdullāh bin Syaibah utawi ingkang misuwur Abdullah bin Abdul Muththalib (Basa Arab: عبدالله بن عبد المطلب‎)‎ (545-570) punika rama saking Mukamad, Nabi Islam, piyambakipun putra Abdul Muththalib. Abdullah seda rikala mlampah ing kafilah antawisipun Mekah saha Madinah, rikala Mukamad taksih ing guwa garba Aminah umur 2 sasi.

Silsilah jangkepipun inggih punika:

عبدالله بن عبد المطلب ابن هاشم بن عبد مناف بن قصي بن كلاب بن مرة بن كعب بن لؤي بن غالب ابن فهر بن مالك بن النضر بن كنانة بن خزيمة بن مدركة بن الياس بن مضر بن نزار بن معد بن عدنان

.

Manawi dipunlatinaken, 'Abdullah bin 'Abdul-Muththalib bin Hasyim (Amr) bin Abdul Manaf (al-Mughira) bin Qushay (Zaid) bin Kilab bin Murrah bin Ka`b bin Lu'ay bin Ghalib bin Fihr (Quraish) bin Malik bin an-Nadr (Qais) bin Kinanah bin Khuzaimah bin Mudrikah (Amir) bin Ilyas bin Mudar bin Nizar bin Ma`ad bin Adnan.^[1]

Abdulah misuwur kanthi tiyang kang resik ing tlatah Arab, boten naté nyakiti satunggal tiyang punapa.^[2] Ngantos piyambakipun boten naté nginggilaken suantenipun langkung saking tiyang sanès, ésemanipun sanget lembut ing tlatah Jazirah Arab, rohani ingkang bening, manah kang mulya. Abdullah angsal undian kanggé dipunsembeléh ugi dipundadosaken kurban jumbuh kaliyan nadzar Abdul-Muththalib. Manawi putranipun sampun ganep sedasa saha ngertos piyambakipun boten naté putra malih, pramila Abdul-Muththalib nguninga nadzar ingkang naté dipunngendikakaken ing putra-putrinipun, sadaya putra manut babagan nadzar punika, lajeng nama putra-putranipun dipunserat ing jemparingan kanggé dipunundi saha dipunserahaken déning patung Hubal. Sasampunipun jemparingan punika dipunkocok, medhal jeneng Abdullah. Pramila Abdul-Muththalib bekta Abdullah dhateng Ka'bah kanggé dipunsembeléh, nanging dipuncegah déning tiyang Kurès kang utami paman saking pihak ibu saking Bani Makhzum saha saderekipun Abu Thalib. Saderekipun ngusulaken kanggé séba dhateng dukun éstri, Abdullah kapanggih kaliyan dukun punika. Sasampunipun wonten ing dalemipun dukun punika Abdullah dipundhawuhi kanggé ngundi Abdullah kanthi sedasa Unta. Manawi ingkang medhal nama Abdullah, piyambakipun kedah nambahi malih kanthi sedasa unta, ngantos Allah ridha, nanging manawi ingkang medhal nama unta kala wau pramila unta punika ingkang dipunsembeléh. Lajeng Abdul-Muththalib medhal saking dalemipun dukun punika saha miwiti ngundi nama Abdullah kaliyan nama unta, nanging ingkang sapindha nama Abdullah kang medhal, lajeng dipunulangi malih kanthi nambah jumlah unta dados kalih dasa, ngantos jumlah unta punika dados 100, nembé nama unta ingkang medhal. Unta-unta punika dipunsembeléh minangka gantosipun Abdullah, nanging daging unta boten kepareng dipunpundhut déning manungsa utawa kéwan.^[3]

Deleng uga

Cathetan suku

↑ (ing basa Arab)Silsilah Abdullāh bin Syaibah (dipununduh 10 nopember 2012)
↑ Kalembutan Abdullah (dipununduh 10 nopember 2012)
↑ Nadzar Abdul-Muththalib Archived 2022-12-09 at the Wayback Machine. (dipununduh 10 nopember 2012)

[internet_1-1] (ing basa Arab)Silsilah Abdullāh bin Syaibah (dipununduh 10 nopember 2012)

[internet_2-2] Kalembutan Abdullah (dipununduh 10 nopember 2012)

[internet_3-3] Nadzar Abdul-Muththalib Archived 2022-12-09 at the Wayback Machine. (dipununduh 10 nopember 2012)

[1]

[2]

[3]