Jagung

Jagung
Jagung
Taxonomi
Regnum: Plantae Rumpun: Magnoliophyta Kelas: Liliopsida Ordo: Poales
Kulawarga
Zea mays

Jagung iku panganan dhasar kang wigati nomer loro sajagat sawisé gandum lan sadurungé beras. Ing tanah Jawa lan sakiteré mligi wong Madura kang dhemen mangan jagung.

Jagung bisa thukul ing tlatah garing mulané disenengi wong Madura. Jagung sajatiné asalé saka jagat bawana Amérika. Para nimpuna ngira-ngira yèn jagung wis ditandur manungsa kurang luwih 6.500 - 12.000 taun kapungkur.

Jagung bisa digawé panganan warna-warna, kaya ta marning, brondong, lepet jagung lan bakwan jagung. Yèn digawé glepung jenengé maizéna, kena kanggo gawé jenang, nyamikan, kué putri ayu lan liya-liyané. Wit jagung (kang diarani tebon) bisa kanggo pakan sapi lan rajakaya liyané.

Jagung kalebu bahan pangan kang nanduré gampang lan akèh paédahé. Mangsa katiga utawa rendheng bisa nandur jagung. Yén katiga kudu gelem nyirami. Rabuké cukup rabuk kandhang lan uréa.

Prodhuksi jagung lan perdagangan donya

Indonesia ing taun 2012 lan 2013 mapani peringkat kaping 8 produsen jagung (pipilan garing) donya. Prodhuksi taun 2013 suda taun 2012, yaiku saka 19.377.030 ton dadi 18.511.853 ton, sanadyan produktivitas (prodhuksi dipara ambané tuwuhan) mundhak.

Prodhusen jagung gedhé dhéwé saikine (dhata 2013) yaiku Amérika Sarékat (34,74% saka total prodhuksi donya); candhaké Tiongkok 21,46%; Brazil 7,89%; Argentina 3,16%, Ukraina 3,04%; India 2,29%; Meksiko 2,23%; Indonesia 1,82%; Prancis 1,48%; lan Kanadha 1,39%.

Jagung pipilan minangka komodhitas perdhagangan donya. Lumrahé jagung kang didol kanggo pakan ternak lan kanggo gawé glepung maizena. Adhedhasar dhata FAO, prodhuksi jagung donya taun 2013 yaiku 1.018 yuta ton luwih pipilan garing. Dhata prodhuksi saka sumber kang padha miturut nagara pangasil. Dhata iki ora nglebokaké prodhuksi jagung manis, jantèn (babycorn), lan jagung kanggo ijonan pakan ternak.

Prodhusen jagung donya (FAO, 2013)

Peringkat	Negara	Prodhuksi (ton)		Peringkat	Negara	Prodhuksi (ton)
1	Amérika Sarékat	353 699 441		11	Afrika Selatan	12 486 000
2	Republik Rakyat Cina    F	208.130.000		12	Rusia	11 634 943
3	Brasil    *	80 273 172		13	Romania     || style="text-align:right" | 11 347 633
4	Argentina    F	32 119 211		14	Cithakan:NGA	10 400 000
5	Ukraina	30 949 550		15	Italia	7 899 617
6	India	23 290 000		16	Filipina     F|| style="text-align:right" |7 377 076
7	Mèksiko    F	22 663 953		17	Hungaria	6 724 800
8	Indonésia	18 511 853		18	Etiopia    F	6 674 048
9	Prancis	15 053 000		19	Turki	5 900 000
10	Kanada	14 193 800		20	Cithakan:SER    F	5 864 419
					Donya	1 018 111 958

* = angka tidak resmi
F = perkiraan FAO

Tuwuhan jagung.

Zea mays "fraise"

Zea mays "Oaxacan Green"

Zea mays 'Ottofile giallo Tortonese