Marning

Marning punika kalebet salah sawijining panganan tradhisional ingkang asalipun saking woh jagung ingkang dipungoreng. Marning punika saged kanggé camilan. Marning punika wonten macem-macem kados ta marning gurih, marning pedes, marning asin, lan wonten ugi marning ingkang legi.

Caranipun damel marning jagung

Punika caranipun damel marning jagung

1. Jagung dipunresiki nganggé toya. Lajeng dipungodhog kaliyan kapur sirih dumugi jagungipun pecah.
2. Manawi sampun pecah lajeng dipunsaring saking toya godhoganipun lajeng dipunadhemaken.
3. Manawi sampun adhem marning punika dipunwisuhi dumugi kapur sirih punika ical dumugi resik.
4. Lajeng dipungodhog kanthi tambahan uyah. Dumugi raos uyahipun mlebet wonten jagung.
5. Manawi sampun cekap anggènipun nggodog, jagung dipunangkat banjur dipunadhemaken.
6. Dipunpepe wonten ing ngandhaping srengéngé dumugi garing.
7. Manawi sampun garing lajen dipuncampur kaliyan bumbu. Bumbunipun punika gumantung kaliyan raos ingkang dipunremeni saged dipuncampuri bawang, lombok, uyah , gula pasir utawi gula Jawa lansapinunggalipun ingkang dipunuleg dados satunggal miturut karemenanipun piyambak-piyambak.
8. Manawi sampun kacampur lajeng dipungoreng dumugi mateng.