Mauro Icardi

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Mauro Icardi
Mauro Icardi (PSG).jpg
Icardi with Inter Milan in 2018
Katerangan priangga
Jeneng dawa Mauro Emanuel Icardi Rivero
Tanggal lair (1993-02-19) 19 Fèbruari 1993 (umur 27)
Papan lair Rosario,  Argentina
Dhuwur 1.81 m (5 ft 11 in)
Posisi main Panyerang
Katerangan klub
Tim saiki
Paris Saint-Germain
Angka 18
Karir nom
2002–2008 Vecindario
2008–2011 Barcelona B
2011–2012 Sampdoria
Karir sénior*
Taun Tim Main (Gul)
2012–2013 Sampdoria 33 (11)
2013–2020 Inter Milan 188 (111)
2019–2020Paris Saint-Germain (silih) 20 (12)
2020–saiki Paris Saint-Germain 0 (0)
Tim nasional
2012–2013 Argentina U20 5 (3)
2013– Argentina 8 (1)

* Gunggung main lan gul ing klub sénior tumrap liga dhomèstik iki mligi lan patitis per pukul 23 Juli 2020.

‡ Gunggung main lan gul ing tim nasional iki patitis per pukul 20 November 2018

Mauro Icardi utawa jeneng jangkepe Mauro Imanuel Icardi Rivero yaiku salah sawijining pamain bal-balan aguna saka Argèntina kang main kanggo klub Paris Saint-Germain ing Ligue 1 Prancis. Icardi lair ing kutha Rosario, Argèntia surya ping 19 Februari 1993 (umur 27 taun) duwé dedeg 181 cm. Dhèwèké duwéni loro kawarganegaran yaiku Argentina lan Itali saka kaloro wong tuwane. Minangka pamain bal-balan Icardi mapan ing posisi panyerang utawa sisih ngarep lan miguakaké sikil tengen kanggo sikil karosané.[1][2]

Karir Nom-noman[besut | besut sumber]

Nalika umur 6 taun Icardi mèlu kulawargané alihan menyang Pulo Kanari, Spanyol. Nang kana Icardi mlebu sekolah bal-balan Vecindario ing Gran Kanaria. Sajroning ngangsu kawruh bal-balan, Icardi kasil nuduhaké kaprigelané main bal-balan minangka panyerang kanthi nyithak gol kang gunggungé 500. Kaprigelan Icardi kang wis kepara nyata marahi gawé sengsem mènèjemen klub raseksa Éropa kaya ta FC Barcelona, Real Madrid, Valencia, Sevilla, Espanyol, Deportivo La Coruna, Arsenal dan Liverpool ramé-ramé péngin nekakaké Icardi ing pungkasan mangsa 2007-08. Wiwitan mangsa 2008-09, Icardi resmi alihan menyang klub Barcelona, lan isih ana tingkat U17. Ing mangsa candhaké dhèwèké promosi menyang tim U19 ning karo mènèjemen disilihake menyang klub Serie A Itali, UC Sampdoria minangka pamain silihan wulan Januari 2011.[3] Mènèjemen Sampdoria uga wis ngiyani pawarta yèn Mauro Icardi wis dikontrak téka pungkasan mangsa, Icardi ngaku seneng wis bisa alihan saka Barcelona menyang Genova (propinsi asal klub Sampdoria), malah dhèwèké uga ngajab bakal bisa dadi pamain permanèn ing Sampdoria lan kuwi dudu pilihan kang èlèk. Enem wulan mangsa silih saka Barcelona menyang Sampdoria dadi mangsa kang ngasilaké kanggo Icardi. Dhèwèké kasik ngegolke telu saka 19 tetandhingan kanggo tim Primavéra kasebut. Pangaji-aji kasebut dibebanani kanthi dhuwit transfer 400 èwu Éuro lan kontrak telung taun ing wulan Juli 2011.

Karir Sénior[besut | besut sumber]

Mangsa 2012-13 Sampdoria promosi menyang Serie A sawisé ngalahaké Varésé ing babak play off promosi. Icardi banjur dadi panyerang utama klub peparab "blucherciati" kasebut sawisé nyithak gol sepisané ing Serie A nalika mbobol gawang Genoa ing giornata 13. Jeneng Icardi samsaya kondhang sawisé dhèwèké kasil ngglembuki kiper Juventus, Gianluigi Buffon kang mènèhi kamenangan kanggo Sampdoria ing Juventus Stadium. Telung Minggu candhaké, pamain kalairan 1993 kasebut kasil nyithak catur gol sajroning satetandhingan nalika Sampdoria mbabat Dèlfino Péscara kanthi angka 4-0. Cathetan 10 gol ing mangsa sepisané bareng Sampdoria cukup gawé dhèwèké diboyong menyang kutha Milan, Internazionale. Klub peparab "La Beneamata" kasebut kudu bayar sekitar 14 yuta Éuro kanggo nuku setengah hak duwé Icardi.[4]

Bojoné Dadi Agènné[besut | besut sumber]

Sadurungé dadi pamain ajeg ing Paris Saint-Germain, Icardi mung dadi pamain silihan saka Inter Milan. Ujaring kandha, owahing status Icardi saka pamain silihan dadi pamain ajeng ing Paris yaiku amarga lelabuhan bojoné Wanda Nara. Mainé karir Icardi diarani bakal tamat sawisé ban kaptèné dicopot déning Inter Milan lan disilihaké menyang PSG ing mangsa ketiga 2019. Senajan disingkiraké nanging Icardi panggah nuduhaké kaprigelan dadi panyerang top Éropa, saka 31 tetandhingan kang dimainaké Icardi isih bisa nyithak 20 gol. Ora mung kuwi, Icardi uga biyantu PSG ngrengkuh gelar Ligue 1 mangsa 2018-19. Panampilan apiké Icardi banjur diganjar kontrak ajeg déning PSG lan ditebus saka Inter Milan kanthi rega 50 yuta Éuro utawa 812 Milyar Rupiah lan bonus 8 yuta Éuro utawa 130 Milyar Rupiah saka Inter Milan. Inter Milan biwarakaké manawa Icardi wis alihan klub menyang PSG kanthi permanèn lan klub ngaturaké panuwun marang dhèwèké karana wis awèh lelabuhan kang gedhé enem taun lawasé lan dongakaké kang apik-apik kanggo Icardi ana kariré mengarep. Suksès Icardi kasebut ora bisa uwal saka Wanda Nara minangka bojoné. Lelabuhan bojoné wigati banget ngèlingi yèn ora ana dhèwèké nyang-nyangan antara Inter Milan kalawan PSG bisa kadawa-dawa. Kanggo Wanda Nara, dadi agèné bojoné ora angèl jalaran wis apal patrap lan kepénginan Icardi.[5][6]

Bebungah[besut | besut sumber]

Priyangga[besut | besut sumber]

  • Top Skor Primavera Girone A 2011-12 (Sampdoria).[7]
  • Top Skor Serie A 2014-15 (Inter Milan).[7]
  • Top Skor Serie A 2017-18 (Inter Milan).[7]
  • Pamain bal-balan paling becik Itali 2018.[7]

Klub[besut | besut sumber]

  • Juwara Ligue 1 2018-19 (Paris Saint-Germain).[7]
  • Juwara Coupe de France 2019 (Paris Saint-Germain).[7]

Statistik ing Klub[besut | besut sumber]

Klub Mangsa Liga Piyala Piyala Liga Eropa Liyané Gunggung
Divisi Panampilan Gol Panampilan Gol Panampilan Gol Panampilan Gol Panampilan Gol Panampilan Gol
Sampdoria 2011–12 Serie B 2 1 0 0 2 1
2012–13 Serie A 31 10 0 0 31 10
Gunggung 33 11 0 0 33 11
Inter Milan 2013–14 Serie A 22 9 1 0 23 9
2014–15 36 22 2 1 10 4 48 27
2015–16 33 16 1 0 34 16
2016–17 34 24 2 0 5 2 41 26
2017–18 34 29 2 0 36 29
2018–19 29 11 2 2 6 4 37 17
Gunggung 188 111 10 3 21 10 219 124
Paris Saint-Germain (silih) 2019–20 Ligue 1 20 12 3 0 2 3 6 5 31 20
Gunggung Karir 241 134 13 3 2 3 27 15 0 0 283 155

Rujukan[besut | besut sumber]

  1. "Profil Pamain Muro Icardi (Saka Basa Inggris)". Transfermarkt. 2020-04-08. Retrieved 2020-07-21.
  2. "Arsip Mauro Icardi (Saka Basa Itali)". Inter Milan. Retrieved 2020-07-24.
  3. Kusuma Pertiwi, Dhianita. "Profil Pamain Mauro Emanuel Icardi Rivero (Saka Basa Inggris)". Retrieved 2020-07-22.
  4. Nurhadi Shufi, Ardi (2015-06-01). "Mauro Icardi si Bocah Ngglidhig (Saka Basa Indonesia)". Pandit Football. Retrieved 2020-07-24.
  5. Putra Pratama, Anggit (2020-06-20). "Wanda Nara Kunci Utama Mauro Icardi Dadi Pamain Ajeg PSG (Saka Basa Indonesia)". Bola Sport. Retrieved 2020-07-23.
  6. Ardita Widianto, Rifqi (2020-05-31). "PSG Resmi Nuku Mauro Icardi saka Inter Milan (Saka Basa Inggris)". Sport Detik. Retrieved 2020-07-24.
  7. a b c d e f "Mauro Icardi - Bebungah lan Pangaji-aji (Saka Basa Inggris)". www.transfermarkt.com (in Inggris). Retrieved 2020-07-25.