Kembang sedhep malem

Saka Wikipédia Jawa, bauwarna bébas abasa Jawa
(Dilih saka Kembang Sedep Malem)
Sedhep malem
Sedap malam
Klasifikasi ngèlmiah
Karajan: Plantae
Dhivisi: Magnoliophyta
Klas: Liliopsida
Ordho: Asparagales
Famili: Agavaceae
Génus: Polianthes
Spésies: P. tuberosa
Jeneng binomial
Polianthes tuberosa

Kembang sedhep malem (Polianthes tuberosa, basa Melayu: sundal malam) ya iku tanduran ijo abadi saka suku Agavaceae. Lenga saka kembang iki bisa digunaaké kanggo nggawé parfum. Jeneng tuberosa nunjukake manawa kembang iki duwé tela (tuber). Sakiki dikenal ana sakiwa-tengené 12 spésies saka génus Polianthes. Dijenengi Kembang sedhep Malem amarga kembang iki mekar lan mambu wangi ing wayah wengi.[1]

Kembang sedhep malem ya iku salah sawijining kembang hias kang duwé ambu kang sedhep lan awèt suwé. Kembang kang duwé mahkota kembang warna putih iki duwé urutan nomer loro sawisé kembang mawar. Ana telung jinis kembang sedhep malem didelok saka wujud kembangé, ya iku kembang ganda kang duwé kelopak kembang (petal) lapis-lapis, tipe kembang tunggal lan tipe kembang semiganda. Kembang sedhep malem kalebu kembang majemuk kang duwé jumlah kembang 30-60 iji saben malai.[2]

Panyebaran kembang sedhep malem[besut | besut sumber]

Tanduran kembang sedhep malem asalé saka Meksiko lan wis kasebar adoh ing Éropah, Afrika, lan Asia termasuk Indonesia. Ing Indonesia tanduran ini cocog ditandur ing tlatah dataran menengah nganti dhuwur (pagunungan).[2]

Kembang sedhep malem minangka tanduran introduksi kang wis nyebar adoh lan ngadaptasi kanthi apik karo iklim tropis (panas).

Ing Indonesia kembang sedhep malem cocog dibudidayaaké ing tlatah dhataran menengah nganti dhataran dhuwur (pagunungan).[1]

Ing Taiwan, kembang sedhep malem duwé warna kang manéka warna, ya iku jambon, ungu semu abang, oranye, lan kuning. Kembang sedhep malem mau racaké saka jinis hibrida, ya iku kasil saka persilangan watara varietas Polianthes tuberose tunggal utawa ganda lan Polianthes howardi.[2]

Manfaat kembang sedhep malem[besut | besut sumber]

Kembang sedhep malem duwé pirang-pirang manfaat ing antarané:

  1. Lumrahé digunaaké kanggo tanduran hias
  2. Bisa digunaake dadi tanduran kanggo ngusir nyamuk
  3. Bisa digunaaké dadi obat katarak, radang mata, wudunen, bengkak, angèl turu, nambah getih, nentremaké pikiran lan ati, mundhakaké stamina, influenza, radang tenggorokan, mambu cangkem, suara serak, lara nalika ngelek panganan, rematik, lan mudunake panas awak.[1]

Ing Indonesia racaké kembang sedhep malem didadèaké kembang hias lan kanggo wewangen omah nalika ana adicara gedhé kaya ta idul fitri.[2]

Cathetan suku[besut | besut sumber]