Suparto Brata
Suparto Brata (lair Surabaya, Setu Legi 19 Syawal taun Jé utawa 23 Fèbruari 1932) iku sastrawan Jawa Modern kang produktif. Dhèwèké kerepnampa pangaji-aji saka ngendi-ngendi, ing antarané, pungkasan iki yaiku ing sasi Oktober 2007, nampa SEA Write Award bebarengan karo para sastrawan liyané, yaiku Haji Moksin bin Haji Abdul Kadir (Brunei Darussalam), Ourn Suphany (Kamboja), Ratanavong Houmphanh (Laos), Prof. Rahman Shaari (Malaysia), Michael Coroza (Pilipina), Rex Shelley (Singapura), Montri Sriyong(Thailand), lan Tran Van Tuan (Vietnam). Carita rekan (fiksi) sepisanan kang kapacak yaiku ‘’Miss Rika di Angkasa’’ ing Majalah Garuda, 25 Oktober 1953. Sawisé iku, dhèwèké kerep nulis carita cekak, sandhiwara, utawa novèl. Saliyané nulis ing satra Jawa, dhèwèké uga nulis carita rekan ing sastra Indonésia. Malah, novèl pisanan kang digawé nganggo basa Indonésia, yaiku ‘’Tak Ada nasi Lain’’ kang banjur kapacak ing koran Kompas taun 1990, pirang-pirang taun sawisé novèl iku digawé.
Wiwitané nulis nganggo basa Jawa ing Kalawarti Panjebar Semangat ing taun 1959. Lan nalika kalawarta iku nganakaké sayembara, dhèwèké nulis Kaum Républik kang banjur menang lan kapacak taun 1960. Anakalané dhèwèké nganggo jeneng sesinglon (samaran) Peni utawa Eling Jatmiko.
Suparto Brata iku putrané Radèn Suratman Bratatanaya lan Bendara Radèn Ajeng Jembawati kang isih turun Pakubuwana V.
Karya
[besut | besut sumber]Buku-buku sastra Jawa kang katulis antarané:
Abasa Jawa
[besut | besut sumber]- Asmarani
- Dom Sumurup ing Banyu
- Donyane Wong Culika
- Emprit Abuntut Bedhug
- Garuda Putih
- Jaring Kalamangga
- Kadurakan ing Kidul Dringu
- Kamar Sandi
- Katresnan kang Angker
- Lara Lapane Kaum Républik
- Lelakone Si lan Man
- Lintang Panjer Sore
- Nglacak Ilange Sedulur Ipe
- Ngingu Kutuk ing Suwakan
- Nyawa 28
- Pethite Nyai Blorong
- Sanja Sangu Trebela (nganggo jeneng sesinglon Peni)
- Tanpa Tlacak
- Trem
- Tretes Tintrim
- Pawèstri Tanpa Idhèntiti
- Nona Sekretaris
- Gedhong Setan
- Suparto Brata’s Omnibus
- Lelabuhane Gubernur Surya
- Ser!Randha Cocak
- Cintrong Paju-Pat
Abasa Indonésia
[besut | besut sumber]- Gadis Tangsi (Trilogi Gadis Tangsi Buku I)
- Karajan Raminem (Trilogi Gadis Tangsi Buku II)
- Mahligai Diufuk Timur (Trilogi Gadis Tangsi Buku III)
Deleng uga
[besut | besut sumber]Pranala njaba
[besut | besut sumber]- Profil
- Situs Web Pribadi Archived 2007-11-01 at the Wayback Machine.
- Blogspot Pribadi
- Meet Suparto Brata Archived 2011-09-29 at the Wayback Machine.