Rangkong papan
| Rangkong Papan | |
|---|---|
| |
| Klasifikasi ngèlmiah | |
| Karajan: | Animalia |
| Filum: | Chordata |
| Klas: | Aves |
| Ordho: | Coraciiformes |
| Famili: | Bucerotidae |
| Génus: | Buceros |
| Spésies: | B. bicornis |
| Jeneng binomial | |
| Buceros bicornis Linnaeus, 1758 | |
| |
Rangkong Papan ngggadhahi nama Latin Buceros bicornis punika spésies ingkang paling ageng saking suku peksi Bucerotidae.[1] Rangkong papan ingkang sampun diwasa gadhah ukuran ingkang ageng sanget, dawanipun ngantos 160 cm.[1] Peksi Rangkong papan punika gadhah wulu ingkang warninipun cemeng, saha tamduk kuning-cemeng wonten ing nginggilipun cucuk ingkang ageng saha awerni kuning.[1] Kulit rainipun awerni cemeng kanthi wulu ing jangganipun ingkang awerni kuning radi coklat.[1] Wulunipun buntut peksi Rangkong papan punika gadhah warni pethak kanthi garis cemeng kandel wonten ing tengahipun.[1] Sungu manuk Rangkong papan punika gadhah bolongan.[1] Peksi Rangkong papan ingkang wadon ukuranipun langkung alit tinimbang ingkang jaler.[1] Peksi rangkong papan jaler saha rangkong wadon saged dipunbèntenaken saking mripatipun.[1] Mripat peksi rangkong papan wadon punika awerni biru, déné ingkang jaler gadhah mripatipun awerni abrit.[1]
Pakan peksi Rangkong papan inggih punika woh-wohan, kéwan ingkang ukuranipun alit, peksi, gegremet, saha reptil.[1] Peksi rangkong papan punika gadhah sipat monogami, tegesipun manuk rangkong papan punika namung gadhah satunggal pasangan.[1] Peksi rangkong papan gadhah susoh wonten ing salebetipun wit.[1]
Populasi peksi Rangkong papan sumebar wonten ing wana tropis ing nagara India, Republik Rakyat Cina, Indocina, Nepal, Bhutan, Ujung Malaysia saha wonten ing pulo Sumatra, Indonésia.[1] Wonten ing Indonésia, Manuk Rangkong papan punika dipunreksa wonten ing Taman Nasional Gunung Leuser.[2]
Cathetan suku
[besut | besut sumber]- ↑ a b c d e f g h i j k l m archive.kaskus.us[pranala mati permanèn](dipunundhuh tanggal 8 Oktober 2011)
- ↑ dephut.go.id Archived 2013-05-30 at the Wayback Machine.(dipunundhuh tanggal 8 Oktober 2011)
.png){kind=small} | Artikel bab kéwan iki minangka artikel rintisan. Kowé bisa ngéwangi Wikipédia ngembangaké. |