Kulawarga basa Indo-Éropah

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Barata Yuropah
PasebaranSadurungé abad kaping 15: Yuropah, Asiyah Kidul, Asiyah Tengah, lan Asiyah Kidulkulon. Saiki ing saindhenging donya.
Pepanthaning basaSalah sawiji basawangsa utama donya.
Turun
ISO 639-2 / 5ine
IE countries.png
Oranye: nagara kanthi mayoritas penutur basa IE
Kuning: nagara kanthi siji basa IE minangka basa resmi wondene minoritas

Basawangsa Barata Yuropah (Ind: rumpun bahasa Indo-Eropa) iku basawangsa sing gedhé dhéwé ing donya ditilik saka gunggung penuturé. Kurang luwih separuh saka 6 milyar wong sing ndunungi bumi duwé sawiji basa Barata Yuropah minangka basa ibu. Basawangsa iki karan Barata Yuropah amarga penuturé asli asal saka laladan Barata (Ind: India) lan Yuropah (Ind: Eropa).

Basa-basa Barata Yuropah nyakup wolung subrumpun ya iku: Barata-Iran (Ind: Indo-Iran); Armeniyah; Ellas (Ind: Yunani), Albania; Italiwangsa (Italik) Keltiwangsa (Keltik); Jermanwangsa (Jermanik); lan BaltiSlawuswangsa (Balto-Slavik).

Saka 20 basa masa saiki sing gedhé dhéwé miturut gunggung penuturé, miturut SIL Ethnologue 12 ing antarané ya iku basa Barata Yuropah: basa Spanyol, Inggris, Hindi, Portugis, Bengali, Rusiyah, Jerman, Marathi, Prancis, Itali, Punjabi lan Urdu. Ke-12 basa iki nyakup punjul 1,6 milyar penutur ibu.

Basawangsa iki kanggo sepisanan tinemu déning Sir William Jones.

Klasifikasi basa Indo-Éropah[besut | besut sumber]

Basa Barata Yuropah

Proto Indo-Éropah

Basa Albania

Basa Anatolia

Basa Armenia

Basa Balto-Slavik

Basa Indo-Iran

Basa Jermanik

Basa Italo-Keltik

Basa Tokharia

Basa Yunani

Basa Trasia

Basa Illiria

Basa Frigia

(†-Basa mati)

Basa-basa Barata Yuropah wis èwon taun ditulis. Basa Barata Yuropah tuwa dhéwé sing katulis iku basa Hitit saka taun 1800 s.M. Déné fragmen basa kitab Rgveda Sansekerta sing tuwa dhéwé kira-kira asal saka taun 1500 s.M.. Nanging ing kasus pungkasan iki, nyanyian iki nembé ditulis kira-kira taun 500. Saéngga ana budaya Sastra Kocap sadawaning paling ora 1.000 taun. Fragmen basa Ellas sing tuwa dhéwé iku sajeroning basa Misenia, lan ditulis migunakaké aksara Linear B lan asal saka kira-kira taun 1.200 s.M..

Hipotésa liya[besut | besut sumber]

Uga delengen[besut | besut sumber]