Kulawarga basa Austroasiatika

Saka Wikipédia Jawa, bauwarna mardika basa Jawa
(Kaelih saka Basa Austro-Asia)
Jump to navigation Jump to search
Austroasiatika
Austro-Asia
Pasebaran Asia Kidul lan Kidul-Wétan
Pepanthaning basa Salah siji kulawarga basa utama donya
Turun
Basa Austroasiatika

Kulawarga basa Austroasiatika kang kanthi harafiah ateges “Asia Kidul”, iku sawijining kulawarga basa-basa kang dicaturaké ing Asia Kidul-Wétan lan Asia Kidul. Ing antarané basa-basa kang kalebu kulawarga basa iki, mung basa Vietnam, basa Khmer, lan basa Mon kang duwé cathetan sajarah kang dawa. Basa Vietnam lan basa Khmer duwé status basa resmi (basa Vietnam ing Vietnam lan basa Khmer ing Kamboja), sauntara basa Santali lan basa Khasi duwé status basa resmi ing tingkat praja ing India. Basa liya saka rumpun iki dicaturaké déning saklompok cilik masarakat.

Rumpun basa Austroasiatika nyebar kapisah-pisah ing India, Bangladesh, lan Asia Kidul-Wétan, dipisahké déning laladan ing endi basa-basa liya dituturaké. Sacara wiyar dipercaya yèn kulawarga basa Austroasiatika wujud basa asli laladan ing Asia Kidul-Wétan lan pérangan wétan anak bawana India, lan yèn kulawarga basa liya ing laladan iku kalebu Indo-Éropah, Tai-Kadai, Dravida, lan Sino-Tibet, iku asil saka migrasi manungsa kang dumadi ing tembé wuri. (Minangka conto, ana tembung-tembung basa Austroasiatika ing kulawarga basa Tibeto-Burma ing Nepal wétan.) Sapérangan ahli basa wis nyoba mbuktèkaké yèn kulawarga basa Austroasiatika sakerabat karo kulawarga basa Austronesia, saéngga minangka rumpun gedhé Austrik.

Basa Austroasiatika kanthi skematis[besut | besut sumber]

Rumpun basa Austroasiatika kanthi skematis:

Austroasiatika

Pranala njaba[besut | besut sumber]