Basa Konkani

Saka Wikipédia Jawa, bauwarna bébas abasa Jawa

Basa Konkani iku anak cabang kidul basa Indo-Arya lan dianggep minangka sempalan saka basa Marathi. Basa iki awalé pancèn asalé saka wewengkon Konkan lan Goa, nanging amarga masalah ékonomi mula panutur basa iki banjur pindhah menyang manéka wewengkon ing India. Saliyané faktor panyerbuan saka manéka bangsa kaya déné panguwasa Islam lan Portugis. Akibaté, para panutur basa Konkani iki bisa ditemoni ing nagara bagéan Goa, Maharastra, Karnataka, Kerala lan sapérangan bagéan Tamil Nadu. Panutur basa iki uga heterogen banget saka status sosial, uga agamané. Diprakirakaké ana 3 yuta wong sing migunakaké basa Konkani.

Status Basa[besut | besut sumber]

Basa Konkani wiwit diakoni minangka basa kasusastraan nalika taun 1975 déning Sahitya Academy, lan bener-bener didadèkaké basa resmi nagara bagéan Goa nalika taun 1987. Basa iki uga mlebu sajeroning konstitusi ka-8 nalika taun 1992 lan dadi salah siji basa nasional ing India sanajan isih ana kakurangan ing kana kéné. Wiwit uwal saka Portugis, basa Konkani digunakaké ing kabèh babagan kauripan déning masarakat Goa, formal uga informal.

Sistem Panulisan[besut | besut sumber]

Isih ana karancuan sajeroning sistem panulisan basa Konkani. Senajan huruf Devanagari dikukuhaké minangka huruf resmi, nanging akèh banget wong Konkani sing migunakaké huruf Latin uga huruf Kannada sajeroning nulis.

Conto :

  • Helo = Halo
  • Tum kaso aasaa? = Apa kabar?
  • Haamva baro aasaam. = Apik-apik.
  • Deva barem karum = Matur nuwun
  • Tumacem naamva kidem?= Sapa jenengmu?
  • Mhajem naamva….. = Jenengku……
  • Barem, melumya = Sampai jumpa