Basa Urdhu

Saka Wikipédia Jawa, bauwarna bébas abasa Jawa
(Dilih saka Basa Urdu)

Basa Urdhu (Urdhu: اردو, IPA: [ˈʊrd̪u]) iku sawijining basa ing Asia Kidul sing kalebu kulawarga Indo-Arya. Basa iki salah siji basa resminé Pakistan. Basa resmi sijiné ya iku basa Inggris. Saliyané iku bsa Urdhu uga dadi basa resmi ing limang nagara bagéyan India. Basa Urdhu kalebu kelompok basa Hindustani lan isih mèmper karo basa Hindhi. Prabédan utamané ya iku basa Urdhu tinulis mawa abjad Arab kamangka basa Hindhi tinulis mawa aksara Déwanagari. Saliyané iku basa Urdhu ngamot akèh tembung-tembung serapan saka basa Arab lan basa Farsi. Kamangka basa Hindhi sing mutakir luwih akèh ngamot tembung-tembung saka basa Sangskreta. Cacahé panutur ibu basa Urdhu ana kurang luwih 65 yuta jiwa.