Loncang

Saka Wikipédia Jawa, bauwarna bébas abasa Jawa
(Dilih saka Godhong bawang)
Loncang
Cong-Guizhou.jpg
Taneman Loncang
Klasifikasi ngèlmiah
Karajan: Plantae
Dhivisi: Magnoliophyta
Klas: Liliopsida
Ordho: Asparagales
Famili: Alliaceae
Génus: Allium
Spésies: A. fistulosum
Jeneng binomial
Allium fistulosum
(L.)

Loncang utawi onclang utawi Oncang utawi ron brambang, inggih punika salah setunggaling janganan ingkang limrahipun dipun-ginakaken kanggé bumbu arupi wuwuran ing masakan mi ayam, sup, utawi bakso ingkang wonten duduhipun.[1] Kejawi punika, ron brambang ugi asring dipun-ginakaken kanggé isi martabak.[1] Kejawi reginipun ingkang mirah janganan punika ugi kathah gizinipun.[1] Oncang gandanipun kados umumipun bawang-bawangan.[1] Janganan punika asring dipun-ginakaken kanggé nyedhepaken masakan.[1]

Loncang anggadhahi wujud bunder saha panjang kados pipa, ananging wonten ing pérangan pucukipun awujud lancip.[1] Werninipun ingkang pérangan ngandhap radi pethak, déné ronipun awerni ijem sepuh.[1] Ingkang limrahipun dipunkonsumsi saking oncang inggih punika pérangan ron enèm ingkang awerni ijem saha wit semu ingkang awerni pethak.[1]

Loncang gadhah nami latin Allium Fistulosum.[1] Kados dipunkutip saking Times of India, ron loncang tuwuh wonten ing kebon Cina 5.000 taun kapengker.

Kejawi kanggé bahan masakan, oncang ugi saged migunani tumrap kaséhatan.[1] Oncang punika ngandhut unsur-unsur aktif ingkang saged nglawan saha mejahi baktèri saéngga saged dados antibiotik saha saged ngrangsang thukulipun sèl ing badan.[1] Kejawi punika, oncang ugi ngandhut vitamin A saha vitamin C ingkang kathah cacahipun, kalsium, protein, lemak, karbohidrat, serat saha kalori.[1] Oncang ugi saged ngicalaken iler wonten ing kerongkongan, kanggé tamba rématik, saha anémia utawi kirang rah.[1] Loncang punika gadhah wit semu ingkang inggilipun antawis 60-70 cm.[2]

Cathetan suku[besut | besut sumber]

  1. ^ a b c d e f g h i j k l m detikfood.com(dipunundhuh tanggal 27 September 2011)
  2. ^ tanamanobat.org(dipunundhuh tanggal 27 September 20110)