Abdul Hadi WM

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Abdul Hadi WM
Abdul Hadi WM.jpg
Lair (1946-06-24)Juni 24, 1946
Cianjur, Jawa Barat
Basa Basa Indonésia
Bangsa Indonésia Indonésia
Suku Madura
Warga nagara Indonésia

Prof. Dr. Abdul Hadi WM (ingkang miyos wonten ing Sumenep, Madura, Jawa Wétan, ing tanggal 24 Juni 1946; yuswanipun sak punika inggih 69 taun) inggih punika salah satunggaling sastrawan, pujangga, budayawan lan ahli filsafat Indonésia. Piyambakipun inggih misuwur kanthi asiling karya-karyanipun ingkang gadhah nuansa sufistik, panalitèn-panalitènipun ing babagan sastra Melayu Nusantara lan pamanggihipun ngèngingi Islam lan pluralisme.

Biografi[besut | besut sumber]

Abdul Hadi WM miyos saking garis keturunan sodagar saking Tionghoa ingkang ijrah lan dumunung netep ing SUmenep.[1] Bapakipun gadhah padamelan dados sodagar lan guru basa Jerman ingkang asma K. Abu Muthar lan rabi kaliyan putri kraton Sala ingkang nama RA Martiya.[1] Abdul Hadi WM inggih punika minangka putra pambarep saking sekawan sedhèrèkipun ingakng sedayanipun tiyang jaler. Piyambakipun wiwit alit inggih sampun asring remen maos waosan ingkang wosipun awrat saking para pamikir-pamikir kados ta Plato, Sokrates, Imam Ghazali, Rabindranath Tagore, lan Muhammad Iqbal.[1] Wiwit alit, piyambakipun ugi sampun tresna kaliyan manéka warna puisi lan dunya seratan.[1] Asiling seratanipun lajeng dipunsampurnakaken déning karya-karyanipun Amir Hamzah lan [1] Sesarengan kaliyan kanca-kancanipun, Zawawi Imron lan Ahmad Fudholi Zaini, Abdul Hadi ndhirikaken stunggaling pesantren ing kitha miyosipun ing taun 1990 ingkang lajeng dpunparingi nama "Pesantren An-Naba", ingkang ngewrat masjid, asrama, lan sanggar seni wondene ing papan punika para santri dipunwulang sastra, seni rupa (kalebet ing lebetipun kanggé mahat lan damel aptung), désain, kaligrafi, mengukir, keramik, musik, seni suara, lan drama.[2]

Pendhidhikan[besut | besut sumber]

Abdul Hadi WM ngrampungaken pendhidhikan dhasaripun lan sekolah menengah pertamanipun wonten ing kitha miyosipun.[3] Nalika badhé mlebet sekolah menengah atas, Abdul Hadi pindhah saking kitha miyosipun dhateng Surabaya kanggé sinau pados ngèlmu ing kitha mau.[3] Piyambakipun lajeng sinau mendhet pendhidhikan ing Fakultas Sastra, Universitas Gadjah Mada, Yogyakarta ngantos nggayuh sarjana mudha, lajeng piyambakipun pindhah sekolah dhateng studi filsafat barat ing universitas Gadjah Mada nanging boten rampung anggènipun sekolah.[3] Lajeng piyambakipun pindhah wonten ing Fakultas Sastra, Universitas Padjadjaran, Bandung lan mendhet program studi Antropologi.[3] Lajeng ing wekdal satunggal taun wiwit 1973-1974, Hadi dumuning ing Iowa, Amérikah Sarékat kanggé ndhèrèk International Writing Program ing University of Iowa, lajeng ing Hamburg, Jerman dangunipun mapinten-pinten taun kanggé nyinaoni kanthi tumemen ing bab sastra lan filsafat.[1] Ing taun 1992, piyambakipun pikantuk kalodhangan kanggé sekolah lan mendhet gelar master lan dhoktor filsafat saking Universiti Sains Malaysia ing Penang, Malaysia, lan ing wekdal sesarengan piyambakipun ugi dados dhosèn ing universitas mau.[1] Sak rampungipun wangsul dhateng Indonésia, Hadi pikantuk tawaran saking kanca lawasipun, Nurcholis Madjid kanggé mucal ing Universitas Paramadina, Jakarta, lan piyambakipun dipunadadosaken Guru Besar Falsafah lan Agama ing taun 2008 ing universitas mau.[4]

Bebungah[besut | besut sumber]

  • Bebungah Puisi Terbaik II Majalah Sastra Horison (1969)[1]
  • Bebungah Buku Puisi Terbaik Dewan Kesenian Jakarta (1978)[1]
  • Anugerah Seni Pamaréntah Republik Indonesia (1979)[1]
  • South-East Asia (SEA) Write Award, Bangkok, Thailand (1985)[1]
  • Anugerah Mastera (Majelis Sastra Asia Tenggara) (2003)[1]
  • Penghargaan Satyalancana Kebudayaan Pamaréntah Republik Indonesia (2010) [5]

Seratan ngèngingi Abdul Hadi WM[besut | besut sumber]

  • "Naturmagie und Sufismus-Gedichte des indonesischen Lyrikers Abdul Hadi W.M.", wonten ing Orientierungen 1/1991, S. 113-122.
  • "Struktur sajak penyair Abdul Hadi W.M." (1998) olèh Anita K. Rustapa
  • "Mysticism reborn? — The poet Abdul Hadi W.M." (1974) olèh Christine Deakin
  • "Arjuna in meditation: three young Indonesian poets: selected verse of Abdul Hadi W.M., Darmanto Jt & Sutardji Calzoum Bachri", (1976) Writers Workshop, Calcutta.

Cathetan suku[besut | besut sumber]

Pranala njaba[besut | besut sumber]