Dewan Kesenian Jakarta
Dewan Kesenian Jakarta (DKJ) inggih punika salah satunggalipun organisasi mitra ingkang nyengkuyung kagiyatan pangembangan seni-budaya wonten ing tlatah Provinsi Daerah Khusus Ibukota Jakarta ingkang dipunyasa déning masarakat seniman. Organisasi punika dipunkukuhaken déning Gubernur DKI Jakarta, Ali Sadikin, ing tanggal 17 Juni 1969. Wiwitanipun, anggota pengurus Dewan Kesenian Jakarta dpuntetepaken déning Akademi Jakarta, inggih punika para budayawan lan winasis saking saindengipun Indonesia. Sapunika, sansaya dangu, pamilihan anggota Dewan Kesenian Jakarta dipuntindakaken kanthi binuka, miyos tim pamilihan ingkang dipunayahi déning sakpérang ahli lan pengamat seni, kajawi anggota Akademi Jakarta piyambak. Para calon dipunajengaken saking kalangan masarakat utawi kelompok seni. Kala mangsa kapengurusan Dewan Kesenian Jakarta inggih punika tigang taun. Sakpérangan ageng wragad kanggé ngecakaken kagiyatan DKJ saking Pemerintah Provinsi DKI Jakarta. Nanging DKJ ugi makarya sesarengan kaliyan lembaga-lembaga nirlaba, perusahaan ingkang nyengkuyung kagiyatan seni-budaya, lan ugi kaliyan dhéwan kesenian kabupatèn/kutha/provinsi sanèsipun. Présidhèn kaping sekawan Republik Indonesia, Abdurrachman Wahid, naté kadhapuk Katuwa Dewan Kesenian Jakarta.[1][2][3][4][5]
Jejibahan
[besut | besut sumber]Dewan Kesenian Jakarta ngayahi jejibahan minangka mitranipun Pamaréntah Provinsi DKI Jakarta kanthi nyengkuyung sagung kagiyatan seni-budaya ugi ndhèrèk nemtokaken arah kebijakan pamaréntah babagan seni-budaya wonten tlatah Jakarta. Cacahipun anggota DKJ inggih punika selangkung tiyang, ngandhut para seniman, budayawan lan pamikir seni, ingkang dipunpantha wonten nem panitya: panitya filem, panitya seni musik, panitya sastra, panitya seni rupa, panitya seni jogèd, panitya komite seni teater. Kajawi punika, Dewan Kesenian Jakarta ugi ngawontenaken adicara adon-adon Sayembara Novèl Dewan Kesenian Jakarta.
Panitiya
[besut | besut sumber]| Jabatan | Asma |
|---|---|
| Komite Film |
|
| Komite Musik |
|
| Komite Sastra |
|
| Komite Seni Rupa |
|
| Komite Jogèd |
|
| Komite Teater |
|
Kagiyatan
[besut | besut sumber]- Penelitian
- Pengembangan
- Pendokumentasian karya dan kagiyatan
- Kajian seni-budaya (diskusi, seminar, workshop, pelatihan)
- Festival
- Pengiriman duta seni
- Kerjasama dengan lembaga-lembaga lain
- Penyediaan wahana apresiasi (pertunjukan seni, pemutaran film, pameran/gelar karya)
Rujukan
[besut | besut sumber]- ↑ Koalisi Seni: Dewan Kesenian Jakarta Archived 2016-02-13 at the Wayback Machine., kapundhut 7 Mèi 2017
- ↑ Tempo: Dewan Kesenian Jakarta[pranala mati permanèn], kapundhut 7 Mèi 2017
- ↑ Celebrity Okezone: ZIGGY ZEZSYAZEOVIENNAZABRIZKIE, PEMENANG SAYEMBARA NOVEL DEWAN KESENIAN JAKARTA, kapundhut 7 Mèi 2017
- ↑ Hot-Detik: Dewan Kesenian Jakarta: Lawan Berita Hoax dengan Seni, kapundhut 7 Mèi 2017
- ↑ Beritagar: Dewan Kesenian Jakarta mengkritisi sejarah melalui tari Archived 2017-06-29 at the Wayback Machine., kapundhut 7 Mèi 2017
Pranala njawi
[besut | besut sumber]- Situs resmi Pemprov DKI Archived 2021-01-28 at the Wayback Machine.
- Situs resmi DKJ
- Katalog Perpustakaan DKJ - Situs resmi Archived 2017-05-07 at the Wayback Machine.
| Artikel iki minangka artikel rintisan. Kowé bisa ngéwangi Wikipédia ngembangaké. |