Anto Hoed
Anto Hoed (lair 19 Mèi 1964) ya iku panulis tetembangan lan panata musik saka Indonésia.[1] Dhèwèké iku garwa saka penyanyi lan pangripta tetembangan kang kondhang ning Indonésia ya iku Meliana Goeslaw, kondhang ing masarakat nganggo jeneng Melly Goeslaw.[1] Saka palakramané karo Melli Goeslaow, dhèwèké duwé anak loro kang dijenengi, Anakku Lelaki Hoed kanggo anak mbarepé kang lair tanggal 22 Agustus taun 2000 lan Pria Bernama Hoed kanggo anak nomer loroné kang lair tanggal 9 Mèi taun 2003.[1]
Sasuwéné dhèwèké nglakoni énak lan repoté apa kang ana donya musik, Anto Hoed uga dadi pangadeg lan personèl grup musik kang jenengé Potret.[1] Dhèwèké ngurusi grup musik mau bebarengan karo Arie Ayunir kang pérangané nyekel drum lan garwané, Melly Goeslaw ing pérangan vokal, lan dhèwèké kang nyekel pérangan bass.[1] Dhèwèké madegaké grup musik Potret kawit taun 1995 lan wis suksès ngrilis album-albumé.[1] Saiki Anto lagi repot ngripta tetembangan lan asring uga katon dadi pangiring nalika garwané tampil.[1]
Ing taun 2011, pasangan musisi iki nindakaké ngibadah umrah ing Baitullah.[2] Amarga nindakaké ngibadah umrah mau, dhèwèké karo garwané tambah béda lan katon luwih meneng.[2] Dhèweké dibothaki lan nganggo peci.[2] Melly Goeslow kang mbiyèné émosian, saiki tambah sabar ngeladèni sapa baé.[2]
Anto Hoed lan Melly Goeslow ora tau bali kampung amarga wong tuwané loro lan mertuwané manggon saomah.[2]