Melly Goeslaw
| Melly Goeslaw | |
|---|---|
 | |
| Lair | Meliana Cessy Goeslaw Januari 7, 1974  Bandung, Jawa Barat, Indonesia |
| Bangsa | Indonesia |
| Pakaryan | Penyanyi |
Melly Goeslaw, duwé jeneng asli Mellyana, lair tanggal 7 Januari 1974.[1][2] Dhèwèké iku penyanyi lan panyerat tembang kang populèr kang diorbitaké karo para penyanyi.[1] Putri tunggal saka pasangan Ersi Sukaesih lan (Alm) Melky Goeslaw iki wus suksès nyiptakaké akèh tetembangan, kaya ta tetembangan kang diiringi karo mantan vokalis band Déwa 19, Ari Lasso.[1] Lan disusul karo kasuksèsané nyipta tembang kang judhulé Menghitung Hari, kang dinyanyikaké déning Krisdayanti. Sarta tetembangan kang judhulé Hati Yang Terpilih kang digawakaké déning Rossa.[1] Ora namung kui, tetembangan saka musisi Anto Hoed iki uga kerep dadi soundtrack filem, kaya ta Ada Apa Dengan Cinta ning taun 2002, Ost. Eiffel Im In Love ning taun 2003 lan Ost. Apa Artinya Cinta ning taun 2005.[1] Uga ngerilis album kang bertajuk Intuisi ning taun 2004 lan Mindsoul ning taun 2007, kang tetembangan mau duwé bit luwih rikat.[1]
Melly Goeslaw karo Anto Hoed saiki luwih sok nggawé soundtrack filem layar lebar ketimbang album pribadi.[1] Melly Goeslaw kang jenengé lumebu ning jajaran 17 Class Music Heroes iki dipercaya nangani soundtrack filem religi, KETIKA CINTA BERTASBIH.[1] Di soundtrack filem iki, Melly Goeslaw uga mèlu nembangaké tetembangan kang judhulé Ketika Cinta Bertasbih.[1]
Kaya penyanyi liyané, Melly Goeslaw uga duwé kepenginan kanggo nggelar konsér tunggal.[1] Akiré ning taun 2009, dhèwèké nggawé konsèr tunggal kang bertajuk GLOW kang dianakaké ning sasi Agustus, Diméntori karo KD Production anduwéné Krisdayanti.[1]
Melly Goeslaw kang ngrasa nagara durung mènèhi haké sakabèhé, dhèwèké mbentuk GASS (Gabungan Artis dan Seniman Sunda).[1] Dhèwèké uga kang dadi ketuaning organisasi iki.[1]
Melly Goeslaw, dadi Duta Hak Kekayaan Intelèktual ning Indonésia déning kementerian Hukum lan Hak Azasi Manusia.[2] Melly Goeslaw ngritik, babagan kerugian musisi kang disebabaké amarga aksi pambajakan kang nganti miliyaran rupiah.[2] Melly Goeslaw dinobataké dadi duta HKI amarga kreativitasé kang wus nyiptakaké nganti 500 tembang.[2]