Rossa

Saka Wikipédia Jawa, bauwarna bébas abasa Jawa
Rossa
Rossa
Rossa
Latar wuri
Jeneng lair Sri Rossa Roslaina Handayani
Jeneng liya Rossa, Ocha
Lair (1978-10-09) 9 Oktober 1978 (umur 38)
Indonésia Sumedang, Indonésia
Kabangsan Indonésia
Kutha papan padunungan Jakarta, Indonésia
Jinis Musik Pop
Pakaryan penyanyi, artis
Instrumen Vokal
Taun aktif 1995-saiki
Parusahan rekaman Trinity Optima Production
Diprabawani déning Christina Aguilera, Beyonce, Mariah Carey, Celine Dion
Agama Islam
Situs resmi http://www.pecintarossa.com/

Rossa penyanyi Indonésia kang anduwèni jeneng lengkap, Sri Rossa Roslaina Handiyani (lair ing Sumedang, 9 Oktober 1978; umur 38 taun) kang kondhang amarga nembangaké tetembangan sedhih, kaya ta Nada-Nada Cinta, Tegar, Hati Yang Terpilih, Atas Nama Cinta, Kini, Ayat-Ayat Cinta, Hey Ladies, Hati Yang Kau Sakiti, Tega, Cerita Cinta, Pudar, Ayar Ayat Cinta dan Tega, Dhèwèké penyanyi musik pop.[1] Kamampuan nyanyiné diturunaké saka ibuné, Eni Kusmiani, kang saiki dadi mantan penyanyi Cianjuran lan bapané iku wiraswasta, asma bapané Ukas Hasan Irawan.[1] Dhèwèké dhéwé iku anak kaping pisanan saka telung saudara, dhèwèké anduwèni adhi kang arané Iwan lan Hendra.[1]

Debut album Rossa kang pisanan judhulé UNTUK SAHABATKU, dirillis ning taun 1988, isiné tetembangan anak-anak kang alunan musiké dikerjakaké déning Franky Sahilatua, James F Sundah, Uce F Tekol, Areng Widodo lan Alex Lia.[1]

Sawisé ngrilis album kang pisanan, dhèwèké ngrilis album kang kaping loroné.[1] Album kang kaping loroné iku judhulé NADA NADA CINTA, dirilis nalika taun 1996.[1] Tetembangan kang ana ning album kasebut olih sambutan kang apik saka masarakat.[1] Dhèwèké tambah kondhang nalika ngrilis album kang judhulé TEGAR (2000), ning tetembangan kang ana ning album kasebut uga dadi theme-song sinetron kang diarahaké déning Putu Wijaya.[1] Sinetron iku judhulé SUAMI, ISTRI DAN DIA.[1] Sinetron kasebut diputer ning stasiun TV, RCTV.[1]

Dhèwèké lulusan saka Universitas Indonésia jurusan FISIP nalika Februari 2002.[1] Anduwèni anak siji kang diwenehi jeneng Rizky Langit Ramadhan.[1]

Album-album[besut | besut sumber]

Album-album déning Rossa[1]:

  • HATI YANG TERPILIH (2000),
  • KINI (2002),
  • KEMBALI (2004).
  • YANG TERPILIH, album iki isiné tetembangan kang dinyanyikaké manèh. Malah, album iki uga dirilis ning Malaysia nalika sasi Mei taun 2007.
  • ROSSA (2009)

Amarga dhèwèké sukses anggoné milih karir solo, dhèwèké dipercaya kanggo nyanyikaké soundtrack filem religi kang judhulé AYAT-AYAT CINTA.[1] Direwangi karo artis Melly Goeslaw, Rossa nrilis album OST AYAT-AYAT CINTA nalika taun 2008.[1]

26 November taun 2008 dhèwèké ngadakaké konser tunggal.[1] Konser tunggal iku temané Persembahan Cinta, konser iki direwangi karo komposer kodhang, Erwin Gutawa lan Jay Subiakto dianakaké ning Jakarta Convention Center (JCC).[1]

Taun 2009, dhèwèké ngrilis albumé kang kaping lima.[1] Nalika taun iku, dhèwèké lagi ana masalah anggoné bebrayanan karo Yoyo.[1] Album iku dijuduli ROSSA (2009) karo tetembangan kang dadi andalan ya iku Terlanjur Cinta kang diripta déning Yoyo.[1] Tetembangan mau dinyanyikaké sacara duet bareng karo Pasha Ungu.[1]

Tanggal 22 Juni taun 2009, Rossa ngajukaké gugatan cerai marang bojoné, Yoyo.[1] Sidang kang pisanan dilaksanakaké nalika tanggal 30 Juni taun 2009 lan nalika tanggal 14 Juli taun 2009, pasangan iki sah anggoné cerai.[1] Taun 2011, Rossa olih gelar bangsawan Mas Ayuu Tumenggung Sri Rossa Swarakaloka saka keraton Surakarta, salah sijiné keraton kang gedhé ning Indonésia.[2]

Cathetan suku[besut | besut sumber]

  1. ^ a b c d e f g h i j k l m n o p q r s t u v w biografi rossa dipununduh tanggal 19 Juli 2011
  2. ^ Rossa Dianugerahi Gelar Keraton Surakarta dipununduh tanggal 19 Juli 2011