Yusi Avianto Pareanom

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Yusi Avianto Pareanom

Yusi Avianto Pareanom (lair ing Kutha Semarang, Jawa Tengah, 9 Novèmber 1968; umur 51 taun) inggih punika salah satunggalipun sastrawan saking Indonesia. Namanipun misuwur ing jagat kasusastran Indonesia lumantar pakaryanipun awujud novèl lan carita cekak ingkang sampun dipunmot wonten sawenèh ariwarta lan kalawarta. Awit saking kaprigelanipun, Yusi Avianto naté nampi bebungah saking Kusala Sastra Khatulistiwa taun 2016 ing kategori Prosa, miyos pakaryanipun, Raden Mandasia Si Pencuri Daging Sapi.[1][2][3][4][5][6][7] Tahun ingkang sami, KSK ugi maringi bebungah dhumateng F. Aziz Manna ing kategori Geguritan, miyos pakaryanipun, Playon.

Latar wingking[besut | besut sumber]

Yusi Avianto Pareanom lair ing Kutha Semarang, Jawa Tengah, surya 9 wulan November 1968. Piyambakipun nyerat sapérang buku fiksi lan nonfiksi. Buku fiksi pakaryanipun ingkang sampun kababar antawisipun Rumah Kopi Singa Tertawa (2011) lan Grave Sin No. 14 and Other Stories (2015, kajawi kababar wonten ing basa Indonesia, ugi kapertal wonten basa Inggris lan Jerman). Yusi nembé kemawon katetepaken minangka salah satunggalipun anggota Dewan Kesenian Jakarta. Kajawi nyerat pakaryan sastra, piyambakipun ugi nelatèni minangka juru besut lan juru pertal pakaryan manca nagari dhumateng basa Indonesia. Ing wulan Maret 2016, Yusi Avianto Pareanom mbabar novèlipun jejudhul Raden Mandasia Si Pencuri Daging Sapi. Novèl punika ugi ingkang nglantaraken piyambakipun nampi bebungah saking Kusala Sastra Khatulistiwa ing kategori Prosa.

Pakaryan[besut | besut sumber]

  • Rumah Kopi Singa Tertawa (2011)
  • Grave Sin No. 14 and Other Stories (2015)
  • Raden Mandasia Si Pencuri Daging Sapi

Ugi pirsani[besut | besut sumber]

Rujukan[besut | besut sumber]

  1. Medium Mandasia Si Pencuri Daging Sapi, kapundhut tanggal 4 Fèbruari 2017
  2. Good Reads Mandasia Si Pencuri Daging Sapi, kapundhut tanggal 4 Fèbruari 2017
  3. Bisikan Busuk Raden Mandasia si Pencuri Daging Sapi, kapundhut tanggal 4 Fèbruari 2017
  4. Claudialiberani Review buku Raden Mandasia Si Pencuri Daging Sapi, kapundhut tanggal 4 Fèbruari 2017
  5. Kusala Sastra Khatulistiwa Daftar Pemenang, kapundhut tanggal 4 Fèbruari 2017
  6. Republika Yusi Avianto Pareanom, kapundhut tanggal 4 Fèbruari 2017
  7. Experoscs Bincang Sastra Bersama Yusi Avianto, kapundhut tanggal 4 Fèbruari 2017