ꦲꦺꦴꦭꦃꦲꦤ꧀ꦩꦢꦸꦫ
ꦗꦮ
|
ꦩꦱꦏ꧀ꦏꦤ꧀ ꦩꦢꦸꦫ ꦩꦶꦤꦁꦩ ꦠꦿꦣꦶꦱꦶ ꦩꦱꦏ꧀ꦏꦤ꧀ ꦩꦱꦫꦏꦠ꧀ ꦩꦢꦸꦫ ꦱꦏ ꦥꦸꦭꦺꦴ ꦩꦢꦸꦫ ꦲꦶꦁ ꦆꦤ꧀ꦝꦺꦴꦤꦺꦱꦶꦪ. ꦩꦱꦏ꧀ꦏꦤ꧀ ꦲꦶꦏꦶ ꦲꦸꦒ ꦢꦶꦏꦼꦤꦭ꧀ ꦲꦶꦁ ꦗꦮ ꦮꦺꦠꦤ꧀ ꦲꦸꦒ ꦲꦶꦁ ꦥꦱꦶꦱꦶꦂ ꦏꦶꦢꦸꦭ꧀ ꦏꦭꦶꦩꦤ꧀ꦠꦤ꧀. ꦩꦱꦏ꧀ꦏꦤ꧀ ꦩꦢꦸꦫ ꦢꦸꦮꦺ ꦫꦱ ꦲꦱꦶꦤ꧀, ꦒꦸꦫꦶꦃ, ꦭꦤ꧀ ꦥꦼꦣꦼꦱ꧀ ꦏꦤ꧀ꦛꦶ ꦥꦼꦔꦫꦸꦃ ꦲꦺꦴꦭꦃꦲꦤ꧀ ꦗꦮ.
ꦥꦔꦤ꧀ꦤꦤ꧀ ꦩꦢꦸꦫ ꦤꦩ꧀ꦧꦃ ꦥꦼꦠꦶꦱ꧀ ꦲꦶꦮꦏ꧀ ꦏꦁ ꦢꦶꦒꦮꦺ ꦱꦏ ꦲꦶꦮꦏ꧀ ꦠꦶꦤꦶꦩ꧀ꦧꦁ ꦲꦸꦫꦁ. ꦱꦠꦺ ꦒꦪ ꦩꦢꦸꦫ ꦧꦶꦱ ꦲꦸꦒ ꦩꦶꦤꦁꦏ ꦥ꦳ꦫꦶꦪꦤ꧀ ꦱꦠꦺ ꦥꦭꦶꦁ ꦥꦺꦴꦥꦸꦭꦺꦂ ꦲꦶꦁ ꦆꦤ꧀ꦝꦺꦴꦤꦺꦱꦶꦪ. ꦱꦮꦼꦠꦫ ꦥꦔꦤ꧀ꦤꦤ꧀ ꦱꦶꦁ ꦥꦺꦴꦥꦸꦭꦺꦂ ꦪꦲꦶꦏꦸ ꦱꦠꦺ ꦲꦪꦩ꧀, [1] ꦱꦠꦺ ꦢꦒꦶꦁ ꦮꦼꦣꦸꦱ꧀, ꦱꦺꦴꦠꦺꦴ ꦩꦢꦸꦫ, ꦱꦸꦥ꧀ ꦮꦼꦣꦸꦱ꧀ ꦭꦤ꧀ ꦱꦲꦸꦱ꧀ ꦏꦕꦁ. ꦩꦶꦤꦁꦏ ꦥꦸꦱꦠ꧀ ꦥꦿꦺꦴꦣꦸꦏ꧀ꦱꦶ ꦲꦸꦪꦃ ꦲꦸꦠꦩ ꦲꦶꦁ ꦏꦥꦸꦭꦺꦴꦮꦤ꧀ ꦆꦤ꧀ꦝꦺꦴꦤꦺꦱꦶꦪ, ꦩꦱꦏꦤ꧀ ꦩꦢꦸꦫ ꦲꦱꦿꦶꦁ ꦭꦸꦮꦶꦃ ꦲꦱꦶꦤ꧀ ꦠꦶꦤꦶꦩ꧀ꦧꦁ ꦥꦔꦤ꧀ꦤꦤ꧀ ꦗꦮ ꦮꦺꦠꦤ꧀ ꦭꦶꦪꦤꦺ.
ꦣꦥ꧀ꦠꦂ ꦥꦔꦤ꧀ꦤꦤ꧀ ꦩꦢꦸꦫ
[besut | besut sumber]- ꦧꦺꦧꦺꦏ꧀ ꦒꦸꦫꦶꦁ, ꦧꦺꦧꦺꦏ꧀ ꦒꦺꦴꦫꦺꦁ ꦧꦸꦩ꧀ꦧꦸ ꦠꦿꦣꦶꦱꦶꦪꦺꦴꦤꦭ꧀.
- ꦧꦺꦧꦺꦏ꧀ ꦱꦶꦚ꧀ꦗꦪ꧀, ꦧꦺꦧꦺꦏ꧀ ꦒꦺꦴꦫꦺꦁ ꦗꦸꦱ꧀ ꦏꦫꦺꦴ ꦱꦩ꧀ꦧꦼꦭ꧀ .
- ꦕꦩ꧀ꦥꦺꦴꦂ, ꦢꦸꦢꦸꦃ ꦏꦭ꧀ꦢꦸ ꦢꦶꦕꦩ꧀ꦥꦸꦂ ꦏꦫꦺꦴ ꦱꦲꦸꦱ꧀ ꦏꦕꦁ .
- ꦏꦭ꧀ꦢꦸ ꦏꦺꦴꦏꦺꦴꦠ꧀, ꦏꦕꦁ ꦲꦶꦗꦺꦴ ꦱꦶꦁ ꦢꦶꦩꦱꦏ꧀ ꦔꦁꦒꦺꦴ ꦢꦸꦢꦸꦃ ꦏꦭ꧀ꦢꦸ ꦢꦲꦶꦁ ꦱꦥꦶ.
- ꦤꦱꦺꦏ꧀ ꦧꦺꦧꦺꦏ꧀, ꦤꦱꦶ ꦱꦺꦒ ꦢꦒꦶꦁ ꦧꦺꦧꦺꦏ꧀. ꦥꦔꦤ꧀ꦤꦤ꧀ ꦲꦶꦏꦶ ꦩꦺꦃ ꦥꦣ ꦏꦫꦺꦴ ꦤꦱꦶ ꦧꦺꦧꦺꦏ꧀ .
- ꦤꦱꦺꦏ꧀ ꦕꦩ꧀ꦥꦸꦂ, ꦱꦗꦶꦪꦤ꧀ ꦕꦩ꧀ꦥꦸꦂꦫꦤ꧀-ꦕꦩ꧀ꦥꦸꦂꦫꦤ꧀ ꦲꦭ ꦩꦢꦸꦫ ꦏꦤ꧀ꦛꦶ ꦩꦕꦼꦩ꧀-ꦩꦕꦼꦩ꧀ ꦱꦪꦸꦂꦫꦤ꧀ ꦭꦤ꧀ ꦢꦲꦶꦁ ꦥꦶꦭꦶꦃꦲꦤ꧀.
- ꦤꦱꦺꦏ꧀ ꦗꦒꦸꦁ,ꦱꦸꦧ꧀ꦱꦼꦠꦶꦠꦸꦱꦶ ꦧꦼꦫꦱ꧀ ꦏꦸꦏꦸꦱ꧀ ꦔꦁꦒꦺꦴ ꦒ꧀ꦭꦼꦥꦸꦁ ꦗꦒꦸꦁ .
- ꦤꦱꦺꦏ꧀ ꦱꦼꦫꦸꦤ꧀ꦢꦺꦁ, ꦱꦗꦶꦪꦤ꧀ ꦱꦼꦒ ꦢꦶꦱꦸꦒꦸꦃꦲꦏꦺ ꦏꦫꦺꦴ ꦱꦼꦫꦸꦤ꧀ꦢꦺꦁ .
- ꦫꦺꦴꦗꦏ꧀ ꦕꦺꦔꦸꦂ, ꦕꦩ꧀ꦥꦸꦂꦫꦤ꧀ ꦱꦪꦸꦂꦫꦤ꧀, ꦠꦲꦸ, ꦠꦺꦩ꧀ꦥꦺ, ꦭꦺꦴꦤ꧀ꦛꦺꦴꦁ, ꦏꦕꦁ ꦧꦸꦚ꧀ꦕꦶꦱ꧀ ꦏꦤ꧀ꦛꦶ ꦱꦲꦸꦱ꧀ ꦠꦼꦩ꧀ꦥꦺꦭ꧀ ꦲꦶꦮꦏ꧀ ꦲꦶꦉꦁ ꦥꦼꦠꦶꦱ꧀ ꦭꦤ꧀ ꦲꦶꦫꦶꦱ꧀ꦱꦤ꧀ ꦕꦶꦔꦸꦂ ꦱꦥꦶ ꦱꦶꦁ ꦮꦶꦱ꧀ ꦢꦶꦒꦺꦴꦣꦺꦴꦒ꧀.
- ꦱꦠꦺ ꦩꦢꦸꦫ, ꦥ꦳ꦫꦶꦪꦤ꧀ ꦱꦠꦺ ꦩꦶꦱꦸꦮꦸꦂ ꦏꦁ ꦥꦭꦶꦁ ꦲꦱꦿꦶꦁ ꦢꦶꦒꦮꦺ ꦱꦏ ꦢꦒꦶꦁ ꦮꦼꦣꦸꦱ꧀ ꦲꦸꦠꦮ ꦢꦒꦶꦁ ꦥꦶꦠꦶꦏ꧀, ꦏꦫꦏ꧀ꦠꦼꦂꦫꦶꦱ꧀ꦠꦶꦏ꧀ ꦲꦸꦠꦩ ꦉꦱꦺꦥ꧀ ꦪꦲꦶꦏꦸ ꦱꦲꦸꦱ꧀ ꦲꦶꦉꦁ ꦏꦁ ꦢꦶꦒꦮꦺ ꦱꦏ ꦏꦺꦕꦥ꧀ ꦊꦒꦶ ꦱꦶꦁ ꦢꦶꦕꦩ꧀ꦥꦸꦂ ꦏꦫꦺꦴ ꦒꦸꦭ ꦲꦫꦺꦤ꧀, ꦧꦮꦁ ꦥꦸꦠꦶꦃ, ꦧꦮꦁ ꦒꦺꦴꦫꦺꦁ ꦗꦼꦫꦺꦴ, ꦱꦲꦸꦱ꧀ ꦏꦕꦁ, ꦱꦲꦸꦱ꧀ ꦲꦸꦫꦁ, ꦏꦼꦩꦶꦫꦶ ꦭꦤ꧀ ꦲꦸꦪꦃ .
- ꦱꦠꦺ ꦲꦪꦩ꧀, ꦱꦠꦺ ꦢꦶꦒꦮꦺ ꦱꦏ ꦢꦒꦶꦁ ꦥꦶꦠꦶꦏ꧀.
- ꦱꦠꦺ ꦮꦼꦣꦸꦱ꧀, ꦱꦠꦺ ꦢꦶꦒꦮꦺ ꦱꦏ ꦢꦒꦶꦁ ꦮꦼꦣꦸꦱ꧀.
- ꦱꦼꦫꦸꦤ꧀ꦢꦺꦁ, ꦥꦫꦸꦠ꧀ꦠꦤ꧀ ꦏ꧀ꦭꦥ ꦒꦺꦴꦫꦺꦁ ꦥꦼꦣꦼꦱ꧀, ꦏꦁ ꦢꦶꦒꦮꦺ ꦱꦏ ꦠꦸꦩꦶꦱ꧀ ꦏ꧀ꦭꦥ ꦥꦫꦸꦠ꧀, ꦭꦤ꧀ ꦲꦱꦿꦶꦁ ꦢꦶꦒꦸꦤꦏ꧀ꦏꦏꦺ ꦩꦶꦤꦁꦏ ꦭꦮꦸꦃ ꦏꦁꦒꦺꦴ ꦔꦶꦫꦶꦁꦔꦶ ꦱꦼꦒ.
- ꦱꦺꦴꦠꦺꦴ ꦩꦢꦸꦫ, ꦢꦸꦢꦸꦃ ꦱꦺꦴꦠꦺꦴ ꦢꦶꦒꦮꦺ ꦔꦁꦒꦺꦴ ꦢꦒꦶꦁ ꦥꦶꦠꦶꦏ꧀, ꦱꦥꦶ, ꦲꦸꦠꦮ ꦗꦼꦫꦺꦴꦮꦤ꧀, ꦲꦶꦁ ꦢꦸꦢꦸꦃ ꦧꦼꦤꦶꦁ ꦏꦁ ꦏꦸꦤꦶꦁ.
- ꦱꦸꦥ꧀ ꦏꦩ꧀ꦧꦶꦁ, ꦢꦸꦢꦸꦃ ꦢꦒꦶꦁ ꦮꦼꦣꦸꦱ꧀ ꦏꦁ ꦢꦶꦱꦶꦪꦥ꧀ꦥꦏꦺ ꦏꦫꦺꦴ ꦢꦒꦶꦁ ꦮꦼꦣꦸꦱ꧀, ꦠꦺꦴꦩꦠ꧀, ꦱ꧀ꦭꦺꦢꦿꦶ, ꦧꦮꦁ ꦧꦺꦴꦩ꧀ꦧꦺ, ꦗꦲꦺ, ꦏꦼꦩꦶꦫꦶ, ꦭꦤ꧀ ꦒꦺꦴꦣꦺꦴꦁ ꦗꦼꦫꦸꦏ꧀ ꦤꦶꦥꦶꦱ꧀, ꦢꦸꦢꦸꦲ ꦮꦼꦂꦤ ꦏꦸꦤꦶꦁ.
- ꦲꦥꦼꦩ꧀, ꦏꦸꦮꦺ ꦠꦿꦣꦶꦱꦶꦪꦺꦴꦤꦭ꧀ ꦲꦢꦺꦴꦤ꧀ꦤꦤ꧀ ꦏꦸꦏꦸꦱ꧀ ꦢꦶꦒꦮꦺ ꦱꦏ ꦒ꧀ꦭꦼꦥꦸꦁ ꦧꦼꦫꦱ꧀, ꦱꦤ꧀ꦠꦼꦤ꧀, ꦫꦒꦶ, ꦭꦤ꧀ ꦒꦸꦭ ꦲꦫꦺꦤ꧀.
- ꦣꦮꦼꦠ꧀, ꦥꦔꦤ꧀ꦤꦤ꧀ ꦕꦸꦕꦶ ꦩꦸꦭꦸꦠ꧀ ꦊꦒꦶ ꦌꦱ꧀ ꦱꦶꦁ ꦲꦶꦱꦶꦤꦺ ꦠꦺꦠꦺꦱ꧀ ꦗꦺꦭꦶ ꦒ꧀ꦭꦼꦥꦸꦁ ꦧꦼꦫꦱ꧀ ꦲꦶꦗꦺꦴ, ꦱꦤ꧀ꦠꦼꦤ꧀, ꦭꦤ꧀ ꦱꦶꦫꦸꦥ꧀ ꦒꦸꦭ ꦲꦫꦺꦤ꧀.
- ꦭꦸꦥꦶꦱ꧀, ꦏꦸꦮꦺ ꦊꦒꦶ ꦠꦿꦣꦶꦱꦶꦪꦺꦴꦤꦭ꧀ ꦢꦶꦒꦮꦺ ꦱꦏ ꦏꦼꦠꦤ꧀, ꦢꦶꦱꦮꦸꦂꦫꦶ ꦏꦫꦺꦴ ꦏ꧀ꦭꦥ ꦥꦫꦸꦠ꧀ ꦭꦤ꧀ ꦢꦶꦱꦶꦫꦩ꧀ ꦱꦶꦫꦸꦥ꧀ ꦒꦸꦭ ꦏ꧀ꦭꦥ ꦏꦁ ꦏꦼꦤ꧀ꦛꦼꦭ꧀.
ꦫꦺꦥ꦳ꦼꦫꦺꦤ꧀ꦱꦶ
[besut | besut sumber]- ↑ "Sate Ayam Madura | Sate Ayam Madura Recipe | Online Indonesian Food and Recipes at IndonesiaEats.com". Diarsip saka sing asli ing 2012-08-17. Dibukak ing 2022-02-19.