Buncis

Saka Wikipédia Jawa, bauwarna bébas abasa Jawa
Jump to navigation Jump to search
Polong buncis

Buncis (asalé saka basa Walanda, boontjes, Phaseolus vulgaris L.) ya iku tuwuhan polong-polongan sing bisa dipangan.[1]. Woh, wiji, lan godhongé bisa digawé jangan.[1] Buncis ngandhut protèin kang akèh.[1] Dipercaya asalé saka Amérika Tengah lan Amérika Latin.[1]

Dhèskripsi[besut | besut sumber]

Tuwuhan buncis iku tuwuhan mrambat, dhuwuré nganti 2-3 mèter, bisa urip apik ing papan kang dhuwuré watara 1.000-1.500 m dpl.[2] Pang buncis wernané ijo, jejeg, bunder, empuk lan mrambat.[2] Godhongé iku godhong majemuk, dhapuré lonjong, dawané watara 8–13 cm lan ambané 5–9 cm, ana rambuté lan mucuk, bongkoté mbunder, pinggiré rata, rangka godhongé nyirip, gagang pesagi, duwé anak godhong cacahé telu, wernané dudu ijo tuwa.[2]

Cathetan sikil[besut | besut sumber]