Apem
Aksara Latin
|
 | |
| Panggonan asal | Indonésia |
|---|---|
| Tlatah utawa praja | Jawa |
| Woworan pokok | Glepung beras |
 Buku masakan: Apem  Médhia: Apem | |
Apem ya iku panganan kang digawé saka glepung beras lan santen. Ing jaman biyèn, apem mung ana ing adicara-adicara tartamtu lan mung ana siji rasa, ya iku mung rasa legi saka gula. Jaman dhisik, apem mung ana ing adicara kendhuri, wujudé conthong lan ésih dibuntel godhong. Adate masarakat Jawa apem dicethak nganggo conthongan godhong nangka. Nanging, saiki apem wis ana ing ngendi-endi lan wis akèh jinisé, ana sing rasa coklat, lan manéka rasa woh-wohan. Apem akèh kang didol ing toko panganan, pasar, utawa pusat olèh-olèh.
Filosofi Apem
[besut | besut sumber]Akeh sumber kang maneka njentrahe asale kuwih siji iki. Nanging kang lumrah dipitayani ing masyarakat yaiku apem kang asale saka basa Arab, kapethik saka tembung afwan utawa afuwwun kang ateges apura.[1] Pramila apem iki dadi sarana jejaluk pangapura marang sapadha manungsa utawa uga marang Gusti kang digawe lan diandumake nalika ana acara tartamtu.
Ing sadrunge wulan Ramlan (Pasa) lan Sawal kanggo mapag wulan-wulan iki ing saperangan papan para warga padha nggawe utawa andum apem marang tangga teparo lan sadhereke.[2]
Cara gawé apem
[besut | besut sumber]- Endhog 2 diublek bareng glepung beras seprapat kilo, ragi setengah pak, panili sebungkus, mertéga 2 sendhok kang wis dicuwèraké, gula, karo santen.
- Banjur dimenengake setengah jam supaya jladrenan iku rada ngembang.
- Banjur didadar ing cethakan. Yèn wernané wis rada coklat tegesé wis kudu dientas.
- Apem wis bisa dipangan. Luwih énak dipangan nalika isih anget.
- ↑ Reza, A. "Asal-usul Kue Apem, Ternyata Dibawa dari Mekah?". Good News From Indonesia (ing basa Indonesia). Dibukak ing 2025-03-10.
- ↑ Liputan6.com (2023-03-06). "Makna Kue Apem dalam Tradisi Ruwahan Jelang Bulan Ramadan". liputan6.com (ing basa Indonesia). Dibukak ing 2025-03-10.