Tawap

Saka Wikipédia Jawa, bauwarna mardika basa Jawa
(Kaelih saka Tawaf)
Jump to navigation Jump to search
Artikel iki bagéyan saka sèri
Islam
اللہ کا نام.jpg
Rukun Islam
Syahadat · Shalat · Pasa
Zakat · Kaji
Rukun Iman
Allah · Al-Qur'an · Malaikat
Nabi · Dina Akhir
Qada & Qadar
Tokoh Islam
Muhammad
Nabi & Rasul · Sahabat
Ahlul Bait
Kota Suci
Mekkah ·Madinah · Yerusalem
Najaf · Karbala · Kufah
Kazimain · Mashhad ·Istanbul
Riyaya
Hijrah · Idul Fitri · Idul Adha
· Asyura · Ghadir Khum
Arsitektur
Mesjid ·Menara ·Mihrab
Ka'bah · Arsitektur Islam
Jabatan Fungsional
Khalifah ·Ulama ·
Imam·Mullah·Ayatullah · Mufti
Teks & Hukum
Al-Qur'an ·Hadist · Sunnah
Fiqih · Fatwa · Syariat
Mazhab
Sunni
Hanafi ·Hambali
Maliki ·Syafi'i
Syi'ah
Rolas Imam
Ismailiyah·Zaidiyah
Liyané
Ibadi · Khawarij
Murji'ah·Mu'taziliyah
Delengen uga
Portal Islam
Indeks perkara Islam

Tawap yakuwi ngubengi Kakbah kaping pitu sajeroning kaanan suci saka kadas gedhé lan kadas cilik. Tawap diwiwiti saka lan dipungkasi ing lokasi Watu Ireng (Kajar Aswad) lan mubeng mangiwa (lelawanan karo arah pandom jam). Tawap minangka rukun nalika ngayahi ngibadah kaji lan ngibadah umrah. Nanging uga disunahaké saben mlebu ana ing Masjidil Karam.

Rupa-rupa tawap[besut | besut sumber]

  1. Tawap kudum, yaiku tawap "sugeng rawuh" kanggoné kang lagi teka ing Mekah. Tawap iki diayahi déning wong kang nglakoni ngibadah kaji iprad utawa kiran. Kanggo kang ngayahi kaji tamatu, tawap kudum iki minangka tawap umrah.
  2. Tawap ipalah (ifadhah), ya iku tawap kang kalebu rukun ngibadah kaji,
  3. Tawap sunat, ya iku tawap kang diayahi saben ana kalodhangan mlebu Masjidil Karam, nganggo sandhangan biyasa amarga ora nuju ikram.
  4. Tawap wadak (wada'), ya iku tawap kang diayahi nalika jemangah kaji utawa umrah bakal ninggal kutha Mekah.

Sarat tawap[besut | besut sumber]

  1. Suci saka kadas gedhé lan cilik
  2. Nutup ngorat (aurat)
  3. Pitung étungan diwiwiti saka Watu Ireng lan mungkasi ing Watu Ireng
  4. Ngubengi Kakbah
  5. Ing sajabané Kijir Mangil (Hijir Ismail)
  6. Kakbah tansah ana ing sisih kiwa
  7. Niyat tawap

Sunat tawap[besut | besut sumber]

  1. Ngusap lan ngembung Watu Ireng
  2. Ngusap Rukun Yamani tanpa ngembung
  3. Dedonga
  4. Mlaku kanggo kang kuwawa
  5. Idhtiba ' (ngatonaké bau tengen)
  6. Mlayu indhik-indhik nalika telung ubengan pisanan (tumrap wong lanang)
  7. Urut

Tata cara tawap[besut | besut sumber]

  1. Sadurungé miwiti tawap kudu njupuk wulu lan nutup ngorat
  2. Tawap diwiwiti saka sangarepé Watu Ireng
  3. Nalika miwiti tawap, awak madhep Watu Ireng sinambi ngangkat tangan tengen (setilam) karo ngucapaké Bismilahi Allahu Akbar
  4. Sabanjuré mlaku ngubengi Kakbah kanthi arah mangiwa (Kakbah tansah ana ing sisih kiwa).
  5. Puteran kapindho lan sabanjuré nalika liwat Watu Ireng mléngak kanthi ngangkat tangan lan maca setilam
  6. Puteran tawap diayahi kaping pitu
  7. Saben liwat rukun Yamani disunahaké ngangkat tangan lan setilam
  8. Saben liwat antara Rukun Yamani lan Watu Ireng maca donga: Robbanaa aatina Fid dinya hassanatan wa fil akhirati hasanatan waqinaa adzabannaar. Bisa uga ditambahi: Wa adkhilnal jannata ma'al abrar, ya Aziz, ya Ghaffar, ya Rabbil Alamin.
  9. Puteran pungkasan kudu ngiwati Watu Ireng (minangka tandha mungkasi tawap).
Tawap ngubengi Kakbah.

Ritual sawisé tawap[besut | besut sumber]

  1. Dedonga ing Multazam
  2. Salat sunat tawap 2 rakangat ing saburiné Makam Brahim
  3. Salat sunat mutlak ing Kijir Mangil
  4. Ngombé banyu janjam.

Uga delengen[besut | besut sumber]

Sambungan njaba[besut | besut sumber]