Rieke Diah Pitaloka

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Rieke Diah Pitaloka
Rieke dyah pitaloka 073.jpg
Lair Rieke Diah Pitaloka Intan Permatasari
Pakaryan aktris
Bojo Donny Gahral Adian

Rieke Diah Pitaloka Intan Permatasari (lair ing Garut, Jawa Barat, 8 Januari 1974; umur 45 taun) iku sawijiné penulis buku, presenter, juru main sinétron Indonésia, lan aktivis pulitik.[1] Rieke Diah Pitaloka nikah karo dhosen filsafat Universitas Indonésia, Donny Gahral Adian nalika dina Setu, 23 Juli 2005 ing Garut, Jawa Barat.[2].

Pandhidhikan[besut | besut sumber]

Sawisé namatake pandhidhikan S-1 ing Fakultas Sastra Walanda Universitas Indonésia lan S-1 Filsafat STF Driyakara, Jakarta Rieke uga nerusaké pandhidhikan.[1] Sanajan sibuk karo kagiyatané ing donyaning hiburan, Rieke bisa ngrampungaké pandhidhikan S-2 ne ing jurusan Filsafat Universitas Indonésia (UI).[1] Malah tesisé kang judhulé Banalitas Kejahatan: Aku yang tak Mengenal Diriku, Telaah Hannah Arendt Perihal Kekerasan Nagara dadi buku kang judhulé Kekerasan Nagara Menular ke Masarakat.[1] Buku iki diterbitake karo Galang Press[1].

Karir[besut | besut sumber]

Rieke wiwit dikenal nalika dadi bintang iklan Kondom Sutra kanthi jargon Meong.[3] Kajaba iku dhèwèké uga dikenal nalika meranaké dadi Oneng kang "o'on" ing sinétron komedi Bajaj Bajuri.[3] Rieke uga dikenal dadi presenter ing acara Good Morning lan nulis buku.[3] Salah siji judhul bukune ya iku Renungan Kloset.[3]

Saliyané sinétron, Rieke uga main teater.[3] Rieke mèlu pentas teater kang judhule 'Cipoa' garapan Putu Wijaya.[3] Rieke uga njajal kanggo akting ing layar lebar.[3] Rieke miwiti akting ing layar lebar utawa biyoskup dadi Dwi, ya iku wong wédok kang dipoligami ing filem Berbagi Suami.[4] Ketagihan main filem, Rieke main ing filem antologi kang digarap déning sutradara wadon kang cacahé papat.[4] Film iki judhulé Lotus Requiem[4] Film iki banjur diganti judhule dadi Perempuan Punya Cerita.[4]

Kagiyatan pulitik lan sosial[besut | besut sumber]

Rieke aktif ing kagiyatan pulitik, malah tau duwé kalungguhan wakil sekretaris jendral DPP Parté Kebangkitan Bangsa (PKB) pimpinan Muhaimin Iskandar.[5]. Rieke banjur mundur saka parté kang duwé basis Islam iki banjur nggabung ing Partai Demokrasi Indonesia Perjuangan (PDI-P) pimpinan Megawati Soekarnoputri.[6]. Dhèwèké dadi anggota DPR periode 2009-2014 saka PDI-P nalika Laladan Pemilihan Jawa Barat II.[6] Rieke Dyah Pitaloka uga nggawé yayasan kang jenengé "Yayasan Pitaloka".[6] Yayasan iki kalebu yayasan ing babagan sastra lan sosial.[6]

Cathetan suku[besut | besut sumber]

  1. a b c d e Rieke Dyah Pitaloka Bukukan Thesis S2-nya(dipunundhuh tanggal 7 Juli 2011)
  2. Perjanjian Pranikah Rieke Diah Pitaloka dan Donny Gahral Adian(dipunundhuh tanggal 7 Juli 2011)
  3. a b c d e f g Rieke Dyah Pitaloka Ingin Hilangkan Image 'Oon'(dipunundhuh tanggal 7 Juli 2011)
  4. a b c d Puas di Teater, Rieke Dyah Pitaloka Rambah Layar Lebar(dipunundhuh tanggal 7 Juli 2011)
  5. Rieke Diah 'Oneng' Pitaloka Kunjungi Dua Balita Gizi Buruk(dipunundhuh tanggal 7 Juli 2011)
  6. a b c d Oneng Bergabung PDIP(dipunundhuh tanggal 7 Juli 2011)