Ngablak, Cluwak, Pathi
| Ngablak | |
|---|---|
| Désa | |
| Barkas:Locator kabupatèn pati.png Petha dunungé Désa Ngablak | |
| Nagara |  Indonésia |
| Provinsi | Jawa Tengah |
| Kabupatèn | Pathi |
| Kacamatan | Cluwak |
| Jembar | - |
| Gunggunging warga | 4.355 |
| Pepadhet | - |
Ngablak iku désa ing kecamatan Cluwak, Pathi, Provinsi Jawa Tengah, Indonésia.[1] Warga désa ngablak rata-rata pegawéané tani lan dagang.[1] Désa Ngablak duwèni 11 perdukuhan, antarané ya iku Ngablak, Damaran, Ngluwuk, Soka, Dukuh, Krajan, Kramat, Guwangkong, Plandan, Ngrau, lan Kebolanjam.[2] Jumlah warga ing Désa Ngablak ana 4.355 jiwa.[3] Désa Ngablak uga dikenal Désa kang akèh ngasilaké woh Rambutan lan Durèn.[4]
Hasil Bumi
[besut | besut sumber]Désa Ngablak iku uga dikenal minangka désa agraris, utawa désa tani.[4] Hasil bumi iku antarané ya iku, Jering, Cengkèh, Karèt, Téla, Tebu, Rambutan, Durèn, lan isih akèh tunggalé.[4] Amarga ning kana akèh wit cengkèh, ning Désa Ngablak uga ana pabrik lenga cengkèh.[4] Ning Désa Ngablak uga dadi désa tujuan para warga kang duwèni kasenengan mangan Durèn, amarga ing Ngablak akèh wit Durèn.[4]
Warga
[besut | besut sumber]Cacahing warga pandhudhuk ing désa Ngablak ana 4.355 jiwa, iku kapethik saka Sensus Penduduk ing taun 2010.[3] Cacahé warga kang jinis kelamin lanang ana 2.126 jiwa, lan sing wadon ana 2.229 jiwa.[3] Mayoritas warga ing Ngablak pagawéané tani, nanging uga ana sing dagang lan mrantau ning jabané jawa kaya ta ing Sumatra, Kalimantan, Sulawesi, lan liya-liyané.[2]
Agama
[besut | besut sumber]Ing Désa Ngablak ora ana mayoritas agama, amarga ing Désa Ngablak ana 3 agama kang cacah umaté pada akèhé.[5] 3 agama iku ya iku: Islam, Kristen Protèstan, lan Buda.[5] Antarané 3 agama iku mau, kabèh umaté padha rukun marang umat agama liyané lan nganti saiki durung naté ana para warga crah amarga rubédané agama kang dianut.[5] Mula saka iku ana bab kang béda ing désa Ngablak tinimbang désa-désa kang ana ing Kabupatèn Pati, ya iku kuburan kang cacahé 3 ing antarané kuburan Islam, kuburan Kristen, lan kuburan Buda kang panggone jèjèran mung diwatesi dalan.[5]
Cathetan suku
[besut | besut sumber]- ↑ a b pekerjaan Archived 2011-08-06 at the Wayback Machine.(28 Maret 2011 Désa Ngablak)
- ↑ a b Pati[pranala mati permanèn] (06 Mèi 2011)
- ↑ a b c BPS Pati Archived 2011-07-19 at the Wayback Machine. (06 Mèi 2011)
- ↑ a b c d e Hasil Bumi(06 Mèi 2011)
- ↑ a b c d Ngablak, Cluwak, Pati Archived 2010-12-31 at the Wayback Machine. (06 Mèi 2011)
 | Artikel bab désa lan kalurahan iki minangka artikel rintisan. Kowé bisa ngéwangi Wikipédia ngembangaké. |