Manuk unta

Saka Wikipédia Jawa, bauwarna bébas abasa Jawa
Manuk unta
Status konsèrvasi
Klasifikasi èlmiah
Krajan: Animalia
Filum: Chordata
Kelas: Aves
Ordo: Struthioniformes
Kulawarga: Struthionidae
Vigors, 1825
Marga: Struthio
Jinis: S. camelus
Jeneng binomial
Struthio camelus
Linnaeus, 1758

Manuk unta (Struthio camelus) kalebu manuk kang ukurané paling gedhé kang isih urip.[1] Manuk unta nduwèni dhuwur 2,5 méter.[1] Manuk unta uga kena ditumpaki wong diwasa ananging awaké cilik.[1] Manuk unta kang ditunganggi dadi kewan kang dilombakaké.[1] Umumé iki dianakaké ing Afrika Utara lan Arab.[1] Sanajan kalebu jinising manuk ananging manuk unta ora bisa mabur.[1] Manuk unta kalebu kumpulan primitif kang kurang dikenal ya iku ratit (Palaeognaths).[butuh rujukan]

Manuk unta asalé saka sabana lan bagéyan ara-ara Afrika ing zona alas khatulistiwa.[1] Spesies kang ana ing Timur Tengah, ya iku S. c. syriacus,ananging spesiés jinis iki wis punah.[1] Manuk unta diingoni lan dadi sumber daging ing kawasan kang sejuk kayata Swedia.[1] Manuk unta nduwé daging kang rasané kaya daging kang ora ana lemaké.[1] Miturut kapitayan para pandhudhuh, manuk unta dikenal awit ndhelikaké endhasé ing jero lemah nalika ana bebaya.[1] Manuk unta ndelikaké endhasé ing jero lemah nalika ndhéwéké rumangsa wedi, dadi tujuwané kanggo njaga awaké nalika ana predhator kang nyeraki.[1] Nalika rumangsa keancem, manuk unta bisa nggawé predhator tatu kanthi nendhang lan nyadhuk nganggo sikilé kang kuwat.[1] Anggota liyané klompok Palaeognaths kalebu manuk rea, emu, kasuari lan manuk kang ukurané paling gedhé ya iku Aepyornis, ananging manuk jinis iki saiki wis punah.[1]

Deskripsi[besut | besut sumber]

Manuk unta kalebu kéwan kang getihe panas, nduwé elar lan awak kang ditutupi wulu.[2] Wuluné nduwé fungsi dadi krajang udara, Wulune manuk unta tau populér dadi topi kang dianggo wong wadon.[2] Cucuké ora ana untuné lan bentuké lincip.[2] Manuk unta nduwé gulu kang dawa lan bisa mlayu nganti 65 km/jam.[2] Manuk unta nduwèni susoh kanggo angkrem.[2] Susoh dikenal kanthi jeneng susoh sarang masyarakat.[2] Tegesé luwih saka siji manuk unta bakal ngendhog ing susoh kang padha.[2] Nalika awan manuk unta betina kang angkrem déné nalika bengi manuk unta lanang kang angkrem.[2] Endhog manuk unta dadi endhog manuk kang paling gedhé.[2]

Cathetan suku[besut | besut sumber]

  1. ^ a b c d e f g h i j k l m n (en)animals.nationalgeographic.com(dipunundhuh tanggal 19 Juni 2011)
  2. ^ a b c d e f g h i (en)azcentral.com(dipunundhuh tanggal 19 Juni 2011)


Sumber artikel punika saking kaca situs web: "https://jv.wikipedia.org/w/index.php?title=Manuk_unta&oldid=1056166"