Rea

Saka Wikipédia Jawa, bauwarna bébas abasa Jawa

Rea (Basa Yunani : Ῥέα, Rhéa) wonten ing mitologi Yunani punika sedhèrèk sarta garwanipun Kronos. Saking hubunganipun kalihan Kronos, Rea kagungan laré-laré ingkang samangké badhé dados panguwasa Olimpus, laré-laré kasebut inggih punika Demeter, Hades, Hestia, Poseidon, Hera, lan Zeus. Rea sesarengan kalihan Kronos dados pemimpinipun para Titan [1].

Kanggé Homer, Rea punika ibunipun para dewa, sanajan sanès ibu kanggé alam semesta kados Kibele. Miturut legenda Rea punika nylametaken Zeus ingkang nembé wiyos kanthi cara mbeta Zeus dhateng Pulo Kreta kanthi ancas supados boten dipunpangan déning Kronos kados kakang-kakangipun. Kronos punika mangsa laré-larénipun piyambak amargi Kronos ajrih kalihan ramalan ingkang ngandharaken bilih kuasaning Kronos badhé dipunandhapaken déning turunanipun piyambak kados Kronos ngrebut kekuwasaan saking bapakipun inggih punika Uranus [2]. Rea punika pitados bilih Zeus dipunurus déning para pendhèrèkipun ing mriku. Para pendhèrèkipun punika ingkang njagi Zeus lan ngawontenaken upacara-upacara panyembahan.

Versi sanès[besut | besut sumber]

  1. Zeus dipunurus déning Gaia dumugi ageng.
  2. Zeus punika dipunpiara déning manungsa setengah menda kanthi nama Amalthea sesarengan kalihan muridipun Krouretes damel swantun-swantun lan mbengok supados nutupi swantun tangisan bayi kanthi ancas supados Kronos boten mireng.
  3. Zeus dipunpiara déning satunggaling dewi kanthi nama Adamanthea ingkang paring toya susu menda. Amargi Kronos punika nguwasani sadaya dharatan, segara, lan swarga sampun ngulu sadaya putri saking Rea. Adamanthea lajeng mbeta Zeus lajeng dipunmapanaken gumantung ing wit supados Zeus boten kénging dharatan, segara lan langit [1].

Simbol[besut | besut sumber]

Rea punika dipunsimbolaken minangka bulan. Wonten ing mitologi Romawi simbolipun punika Lunar. Simbol sanèsipun punika kéwan banyak (angsa) minangka lambang kalembutan. Rea ugi kalihan kalih singa ingkang narik kretanipun [1].

Tegesing tembung[besut | besut sumber]

Kathah pakar etimologi ingkang sarujuk bilih tembung Rhéa ('Ρέα) punika turunan saking tembung έρα "daratan". Pamanggih sanèsipun punika nama Rhéa gadhah gegayutan kalihan tembung delima, ῥόα, utawi ῥοιά satunggaling jinis woh-wohan wonten ing Yunani. Nama Rhea punika ugi kaginakaken kanggé nama salah satunggaling bulan saking planet Saturnus [1].

Cathetan suku[besut | besut sumber]

  1. ^ a b c d [1], (id) Mitologi Yunani part 2 (dipunakses tanggal 25 Januari 2013).
  2. ^ [2], (id) Sejarah Dewa Zeus dalam mitologi Yunani (dipunakses tanggal 25 Januari 2013).


Sumber artikel punika saking kaca situs web: "https://jv.wikipedia.org/w/index.php?title=Rea&oldid=1014001"