Lunpia

Saka Wikipédia Jawa, bauwarna bébas abasa Jawa
(Dilih saka Lumpia)
Lunpia
Lumpia.JPG
Gawé lunpia
Panggonan asal Indonésia
Tlatah utawa praja Jawa
Woworan pokok glepung lan janganan
Buku masakan: Lunpia  Médhia: Lunpia
Lunpia

Lunpia utawa lumpia (Hanzi: 潤餅, hanyu pinyin: run bing) iku sajinis penganan tradhisional Tionghoa. Tembung lunpia asal saka dhialèk Hokkian saka pelafalan runbing sajeroning dhialèk Lor. Lunpia arupa lembaran tipis saka glepung gandum sing didadèkaké kulit banjur digunakaké minangka pambungkus isèn-isèn sing racaké arupa rebung, endhog, janganan, daging, utawa panganan segara.

Lunpia iku panganan khas ing Indonésia, mliginé ing Semarang, Jawa Tengah kanthi cara masak lan bumbu-bumbu kang disesuwèkaké karo laladan Semarang. Rasané lunpia khas Semarang iku campuran antarané Tionghoa lan Indonésia amarga lunpia khas Semarang pisanan digawé wong Tionghoa kang dadi bojoné wong Indonésia lan manggon ing Semarang. Panganan iki wiwit ditepungi masarakat nalika ing Semarang dianakaké GANEFO (pagelaran ulah raga) kang dianakaké ing pameréntahan Présidhèn Soekarno.

Ing Semarang, lunpia akèh dijajakaké ing Jl. Pandhanaran Semarang. Ing kana uga didol panganan khas Semarang liyané, kaya ta bandeng presto lan wingko babat. Jaman biyèn, lunpia mung duwé sarasa thok, ya iku rebung. Nanging saiki lunpia akèh macemé, ana kang isiné iwak pitik, urang, lan campuran saka rebung karo iwak pitik, utawa rebung karo urang. Yèn arep tuku lunpia, mesthi waé diwènèhi pitakonan: "sing teles apa gorèng?" Amarga wong kang adol lunpia uga nyajèkake lunpia kang durung digorèng lan lunpia kang wis digorèng. Ana kang seneng lunpia didhahar nalika durung digorèng lan ana uga wong kang seneng lunpia kang wis digorèng. Kabèh iku miturut selérané dhéwé-dhéwé.

Kulit lunpia[besut | besut sumber]

Resèp kulit lunpia (kanggo 60 lembar) ya iku:

Bahan
  1. 1.000 gram glepung terigu
  2. 30 gram lenga goreng
  3. endhog 1
  4. uyah sasendhok teh
  5. banyu ki utawa banyu abu 2 sendhok teh
  6. 950 ml banyu
Carané gawé
  • Glepung diayaki, banjur lenga gorèngé dicampur karo banyu abu, uyah, lan endhog, diudheg nganti rata.
  • Banjur banyuné dicampur diulèni, lan dibanting supaya kalis.
  • Yèn wis kalis diumbarké suwéné 12 jam.
  • Panaské wajan, jipuk ulènan bahan sacukupé, diputer digawé tipis ing sadhuwuré wajan mau.
  • Banjur dipanaské manèh, coplok kulit saka wajan alon-alon.

Uga delengen[besut | besut sumber]

Cathetan sikil[besut | besut sumber]