Kimono

Saka Wikipédia, bauwarna bébas basa Jawa
Kimono kang dianggo nalika ngantenan diarani shiromuku
Kimono gegambaran

Kimono (着物?) ya iku sandhangan tradhisional Jepang.[1] Kimono tegesé klambi utawa barang kang dianggo (ki tegesé anggo, lan mono tegesé barang).[1]

Jaman saiki, kimono bentuké kaya huruf "T", mirip mantel kang lengené dawa lan ana krahé.[1] Dawané kimono digawé nganti ing sikil bagéyan ngisor.[1] Wong wadon kang nganggo kimono bentuké klambiné ya iku klambi terusan, ananging wong lanang nggunakaké kimono kang bentuké stelan.[1] Krah bagéyan tengen kuduné ana ing ngisor krah bagéyan tengen.[1] Sabuk kain kang diarani obi dianggo ing bagéyan weteng utawa bangkékan lan ditaléni ing bagéyan geger.[1] Nalika nganggo kimono uga kudu nganggo zōri utawa geta kanggo nutup tlapakan sikil.[1]

Kimono saiki luwih kerep dianggo wong wédok.[1] Kimono dianggo nalika ana acara-acara kang khusus.[1] Wong wadon kang durung kawin nganggo kimono kang diarani furisode.[1] Ciri khas furisode ya iku lengené kang amba meh tekan ngisor.[1] Wong wadon kang umure wis 20 taun nganggo furisode kanggo nekani seijin shiki.[1] Wong lanang nganggo kimono ing riyaya nganténan, upacara ngombé teh, lan ing acara] formal liyané.[1] Nalika ing njaba panggonan sumo, pesumo kang profesional kudu nganggo kimono.[2] Bocah-bocah nganggo kimono nalika nekani acara perayaan Shichi-Go-San.[1] Saliyané iku kimono uga dianggo wong kang kerja ing bidhang industri jasa lan pariwisata, pelayan wadon ing rumah makan tradhisional (ryōtei) lan pegawé panginepan tradhisional (ryokan).[2]

Aksésori lan pelengkap[besut | besut sumber]

Hakama ya iku clana dawa wong lanang kang digawé saka bahan kang wernané peteng.[1] Clana jinis iki asalé saka daratan Cina lan wiwit dikenal wiwit zaman Asuka.[1] Saliyané dianggo pandhita Shinto, hakama uga dianggo wong lanang lan wong wadon ing bidhang ulah raga bela diri kayata kendo utawa kyudo.[1]
Geta ya iku sandhal kang ana haké.[1] Sandal iki digawé saka kayu.[1] Maiko nganggo geta kang hake dhuwur lan kandel kang diarani pokkuri.[1]
Kanzashi ya iku hiasan rambut kang bentuké kaya tusuk konde kang dianggo ing rambut nalika nganggo kimono.[1]
Obi ya iku sabuk saka kain kang dililitaké ing awak kanggo ngencengaké kimomo.[1]
Tabiya iku kaos kaki dawané nganti tekan betis. Kaos kaki iki dianggo nalika nganggo sandhal.[1]
Waraji ya iku sandhal kang digawé saka anyaman tali dami.[1]
Zōri ya iku sandhal tradhisional kang digawé saka kain utawa anyaman.[1]

Cathetan suku[besut | besut sumber]

  1. ^ a b c d e f g h i j k l m n o p q r s t u v w x y z (en) Tentang kimono hanamiweb.com(dipunundhuh tanggal 2 Juni 2011)
  2. ^ a b (en)[Sharnoff, Lora,Grand Sumo.1993.Weatherhill.isbn=0-8348-0283-x}}


Sumber artikel punika saking kaca situs web: "https://jv.wikipedia.org/w/index.php?title=Kimono&oldid=966505"