Obi (sabuk)

Saka Wikipédia Jawa, bauwarna mardika basa Jawa
Jump to navigation Jump to search
Obi kakung, model iketan kai no kuchi

Obi (?) inggih punika sabuk pinggang saking kain ingkang dipun-ginakaken nalika ngagem kimono utawi keikogi [1]. Obi kanggé kimono padatanipun dipundamel saking kain sutra. Kimono kakung dipun-ginakaken sareng kaliyan obi saking kain kaku ingkang sempit, utawi saged ugi kain lentur ingkang dawa. Kimono wanita dipun-ginakaken sareng kaliyan obi mawi rerenggan corak tenun utawi bordir. Obi dipunubetaken kados déné ngagem setagen.

Jinis Obi[besut | besut sumber]

Obi wanita[besut | besut sumber]

Miturut ukuran wiyaripun kain, kanthi umum wonten tigang jinis obi. Saben obi punika namung coock dipunagem sareng kaliyan jinis kimono tartamtu [2].

  • Fukuro obi (lebar 31 cm lan dawa 4,2 m) punika kanggé kimono formal (tomesode, furisode, iromuji, tsukesage), saking kain mawi corak ingkang mewah asil saking tenunan.
  • Nagoya obi (lebar 16 cm lan 31 cm, dawa 3,65 m) punika kanggé komon lan tsumugi, saking kain mawi corak ing kalih papan (wingking lan ngajeng) asil celupan ugi asil tenunan.
  • Hanhaba obi (lebar 15,2 cm lan dawa 3,65 m) jinis punika kanggé yukata lan tsumugi, saking kain werni mawi corak sedawaning kain asil tenunan utai tanpa corak.

Obi kakung[besut | besut sumber]

  • Kaku obi (lebar 10 cm lan dawa 4 m) ingkang jinis punika kanggé kimono ingkang formal.
  • Heko obi saking kain lentur lan tipis kanggé kimono busana santé wonten ing griya. Dipuntalèni ing wingking kados talènan kupu-kupu. Ugi nalika laré wadon lan lanang ngginakaken yukata.

Model iketan[besut | besut sumber]

Iketan taiko

Wonten kathah sanget model iketan obi, nanging namung jinis obi tartamtu ingkang jumbuh kaliyan model iketan tartamtu. Kados ingkang dipunandharaken wonten ing ngandhap punika:

Obi wanita[besut | besut sumber]

Fukuro obi
  • Nijūdaiko (versi iketan taiko ingkang kapérang dados kalih lapis), jinis iketan punika kanggé sadaya umur.
  • Fukura suzume punika kanggé furisode
  • Bunko kanggé tiyang èstri ingkang taksih enèm
Nagoya obi
  • Taiko punika kanggé sadaya kemawon
Hanhaba obi
  • Bunko kanggé yukata
  • Kai no kuchi (mulut kerang) punika kanggé kimono ingkang santé (yukata)

Obi kakung[besut | besut sumber]

  • Kai no kuchi
  • Shokunin
  • Katabasami

Jangkepan[besut | besut sumber]

Obi punika dipunagem sareng kaliyan obiage lan obijime.

  • Obi-age, inggih punika kain mawi werni ingkang dipunubetaken wonten ing sangandhaping obi supados obi mau boten mlorot.
  • Obi-jime, inggih punika tali alit ingkang dipuntalekaken wonten ing sanginggilipun obi supados papanipun obi mau boten éwah. Kajawi punika saged ugi mbiyantu iketan obi.

Cathetan suku[besut | besut sumber]

  1. Ikat pinggang obi, (dipunakses tanggal 24 Fèbruari 2013)
  2. Obi Sebagai Pelengkap , (dipunakses tanggal 24 Fèbruari 2013)
  • 着付けと帯結び (Kitsuke to obi musubi). Tokyo: Sekai Bunkasha. 1996. kk. 14–17. ISBN 4-418-9613-3 Priksa gandra |isbn= (pitulung).