Sutra

Saka Wikipédia Jawa, bauwarna bébas abasa Jawa
Patang jinis ngengat sutra ternakan sing wigati.
Wong bakul kain sutra ing Khotan.
Pamintalan bolah sutra saka kepompong uler sutra.

Sutra arupa serat protein alami sing bisa ditenun dadi tèkstil. Jinis sutra sing paling umum ya iku sutra saka kepompong sing diasilaké larva uler sutra murbei (Bombyx mori) sing diternak (paternakan uler iku diarani serikultur). Sutra duwé tèkstur mulus, lembut, nanging tidak licin. Rupa meling-meling sing dadi daya tarik sutra asalé saka struktur kaya prisma segi tiga sajeroning serat mau sing gawé kain sutra bisa mbiasaké cahya saka manéka pojok.

"Sutra alasan" diasilaké déning uler saliyané uler sutra murbei lan bisa uga diolah. Manéka sutra alasan ditepungi lan digunakaké ing Cina, Asia Kidul, lan Éropah wiwit biyèn, nanging skala prodhuksiné mesthi adoh luwih cilik tinimbang sutra ternakan. Sutra alasan béda saka sutra ternakan saka sisih warna lan tèkstur, sarta kepompong alasan sing diklumpukaké lumrahé wis dirusak déning ngengat sing metu sadurungé kepompong mau dijupuk, saéngga bolah sutra sing mbentuk kepompong iku wis pedhot dadi cendhak. Uler sutra ternakan dipatèni kanthi diclup menyang banyu umub sadurungé metuné ngengat diwasa, utawa dicoblos nganggo dom, saéngga kabèh kepompong bisa diurai dadi sahelai bolah sing ora pedhot. Iki marakaké sutra bisa ditenun dadi kain sing luwih kuwat. Sutra alasan lumrahé uga luwih angèl diclup warna tinimbang sutra ternakan.

Sutra uga diasilaké déning sapérangan jinis srangga liya, nanging mung jinis sutra saka uler sutra sing gawé tèkstil. Tau uga dilakokaké kajiyan tumrap sutra-sutra liya sing ngétokaké prabédan saka aspèk molekul. Sutra diasilaké mligi déning larva srangga sing ngalami metamorfosis jangkep, nanging uga diasilaké déning sapérangan srangga diwasa kaya déné Embioptera. Prodhuksi sutra uga kerep ditemoni mliginé ing srangga ordho hymenoptera (lebah, tabuhan, lan semut), lan sok-sok minangka gawé susuh. Jinis-jinis arthropoda sing liya uga ngasilaké sutra, mligi arachnida kaya déné laba-laba.

Pranala njaba[besut | besut sumber]

Wiktionary-logo.svg
Pirsani informasi ngenani Sutra ing KamusWiki.