Murbei

Saka Wikipédia Jawa, bauwarna bébas abasa Jawa

Cithakan:Inuseunril

Murbei

Murbei uga kena diarani arbei kalebu tanduran kang bisa dimanfaataké woh lan godhongé.[1] Ananging biyasané godhongé luwih wigati tinimbang wohé.[1] Godhong murbei biyasané kanggo pakan uler sutera.[1] Déné uler sutera iki kena kanggo indhustri tékstil.[1] Uler sutera bisa ngasilaké benang kepompong kang bisa diolah dadi kain sutera kang larang regané.[1] Woh murbei bisa diolah dadi sari buah kang nduwéni khasiat kanggo kaséhatan lan bisa duwé aji tambah kanggo petani murbei.[1]

Saliyané dikenal dadi tanduran kang godhongé bisa kanggo pakan uler sutera kanggo indhustri tékstil, murbei uga kena dadi antioksidan kang bisa ngundhakaké kadar kolésterol HDL lan ngurangi kadar kolésterol LDL.[1] Déné kolesterol LDL iki kang nyebabake lelara jantung koronér.[1] Ing Indonésia woh murbei lumrahé dipangan nalika isih seger.[1]

Salah sijiné cara kanggo ngolah woh murbei ya iku kanthi digawé sari buah murbei.[1] Nalika di tés ing tikus, sari buah murbei bisa nurunaké kadar kolésterol LDL lan triglisérida serum darah lan ngundhakaké kadar HDL.[1]

murbei wis mateng rupane abang utawa ireng

Murbei uga nduwéni khasiat kanggo nambani lelara talasemia.[2] Talasemia ya iku lelara amarga sél darah merah ora bisa mbentuk sèl-sél kang wutuh, biyasané sèl kang kena talasemia bentuké kaya wulan sabit.[2] Murbei kanggo obat talasemia biyasané digawé tèh murbei lan madu royal jelly Jambi.[2]

Murbei nduwéni jeneng latin Fragaria vesca.[3] Tanduran iki dikenal mirib stroberi alpin utawa stroberi cilik.[3] Murbei wernané abang utawa putih gumantung variétase.[3]

Nutrisi[besut | besut sumber]

Zat-zat kang ana ing murbei kang bisa migunani kanggo kaséhatan akèh cacahé.[3]

Miturut Pratélan Komposisi Bahan Makanan (DKBM), saben 100 gram murbei ngandhut akèh nutrisi.[4]

Khasiat[besut | besut sumber]

Murbei ngandhut akèh vitamin C lan zat-zat kang migunani kanggo kaséhatan, mulané murbei nduwéni akèh khasiat.[3]

  • obat sariawan. Kanggo nambani sariawan, woh murbei kang isih seger cacahé kurang luwih 10 gram dikumbah banjur dipangan kaya buah.
  • ncegah kanker
  • kanggo tamba lara maag, carané digawé jus banjur diombé
  • ncegah lelara tifus
  • tamba yèn lagi mencret utawa diare

Saliyané iku murbei uga nduwéni khasiat kanggo kecantikan.[5]

Cathetan suku[besut | besut sumber]

  1. ^ a b c d e f g h i j k http://www.bic.web.id(dipunundhuh tanggal 18 Mèi 2011)
  2. ^ a b c http://forum.detik.com(dipunundhuh tanggal 18 Mèi 2011)
  3. ^ a b c d e health.detik.com(dipunundhuh tanggal 19 Mèi 2011)
  4. ^ gaya-hidup.infogue.com(dipunundhuh tanggal 19 Mèi 2011)
  5. ^ suaramedia.com(dipunundhuh tanggal 19 Mèi 2011)