Polifenol

Saka Wikipédia Jawa, bauwarna bébas abasa Jawa
Jump to navigation Jump to search
Susunan molekul Polifenol ing tetuwuhan

Polifenol (poliphenol) ya iku golongan bahan kimia kng ndarbèni punjul siji unit fenol saben molekul.[1] Polifenol tinemu kanthi alami ing tetuwuhan.[1] Polifenol migunani kanggo mènèhi warna ing tetuwuhan, tuladhané warna godhong nalika alum utawa arep gogrog.[1] Polifenol alami uga ngayomi tuwuhan nglawan patogen, parasit, lan predator.[2] Jinis polifenol kang paling asring tinemu ing tetuwuhan ya iku flavonoid, asam fenolat, catechin, anthocyanin, isoflavin, quercetin, lan resveratrol.[1] Wis akèh penelitiyan kang njlèntrèhaké yèn polifenol ndarbèni mupangat kanggo awak manungsa.[1]

Sumber Polifenol[besut | besut sumber]

Woh-wohan, jejanganan, lan teh kalebu panganan kang ngandhut akèh polifenol.[1] Stroberi, blackberry, apel, delima, anggur, pir, lan plum kalebu woh-wohan kang ngandhut polifenol kang dhuwur.[1] Déné jejanganan kang ngandhut polifenol ya iku kubis, brokoli, bawang, peterseli, lan seledri.[1] Kajaba iku, polifenol bisa tinemu ing anggur abang, kopi, teh, coklat, lenga zaitun, kacang-kacangan, kenari, mete, hezelnut, pecan, lan kacang brol.[1]

Mupangat[besut | besut sumber]

Sawatara polifenol nduwé mupangat wigati banget, kaya ta flavon, flavonoid, lan isoflavon kang dimagertèni duwé sipat antioksidan.[1] Antioksidan iki dipracaya nduwé khasiat ngundhakaké kemampuan anti-inflamasi lan kanggo kekebalan awak.[1] Kandhutan antioksidan ing polifenol bisa netralaké radhikal bébas kang nduwé èfèk ngrusak sèl-sèl lan jaringan awak lan uga bisa ngalang-ngalangi prosès dadi tuwa amarga radhikal bébas mau.[1] Polifenol uga nguwataké sistem kekebalan awak kanggo njaga kasarasan lan nyegah tuwuhé lelara.[1]

Cathetan suku[besut | besut sumber]

  1. ^ a b c d e f g h i j k l m Manfaat Polifenol(diundhuh 7 Januari 2013)
  2. ^ kamus Keséhatan, Arti Polifenol(diundhuh 7 Januari 2013)