Clana

Saka Wikipédia Jawa, bauwarna mardika basa Jawa
Clana dawa

Clana utawa kathok ya iku sandhangan kang dianggo ing awak pérangan ngisor.[1] Clana dianggo nutupi awak wiwit bangkékan nganti sikil.[1] Ana uga kang diarani 'clana cendhak' ya iku clana kang dianggo nutupi pérangan awak saka bangkékan nganti tekan dhengkul utawa sadhuwuring dhengkul.[1] Déné 'clana dawa' ya iku jinisé clana kang bisa nutupi pérangan awak wiwit bangkékan nagnti mata sikil utawa tungkak.[1] Clana jaman biyèn mung kena dianggo wong lanang, nanging saiki clana uga dianggo wong wadon.[1]

Clana duwé warna-warna wujud lan warna.[2] Celana uga digawé saka bahan kang béda-béda.[2] Wujud clana klasik umpamané, saliyané iku uga ana clana kanthi wangun cropped, nganti modhèl paperbag (high-waist lan modhel talinan).[2] Clana kang duwé lipit ing bangkékan iki rada longgar ing pérangan ndhuwur lan rada cilik utawa sesek ing pérangan ngisoré.[2] Clana lumrahé digawé modhél ana sak ing kiwa tengené, saliyané iku uga ana kang duwé sak ing sisih mburi.[2] Clana lumrahé dianggo karo sabuk, ancasé supaya ora mlorot lan ana uga kang pancén kanggo mode utawa gaya.[2] Modhel clana kang diarani clana pensil ya iku clana yèn dianggo ukurané ngepasi karo sikil, dadi kaya mlipit sikil, saéngga kétok kaya potlot.[2] Clana ana kang digawé saka bahan katun, bludru, kain nilon.[2] Motifé uga ana kang polos kanthi warna ireng, coklat, lan warna liyané.[2] Saiki clana uga ana kang digawé kanthi motif kohak-kothak, kembang-kembang, garis-garis, lan motif army

Cathetan suku[besut | besut sumber]

  1. a b c d e basa.cs.ui.ac.id[pranala mati permanèn](dipunundhuh tanggal 22 Juni 2011)
  2. a b c d e f g h i female.kompas.com(dipunundhuh tanggal 22 Juni 2011)