Praja Salakanagara
Pambuka
[besut | besut sumber]Karajan Salakanagara (Salaka=Perak) utawa Rajatapura iku kalebu kraton Hindhu riwayaté utawa sumberé kecantum ing Naskah Wangsakerta. Karajan iki diyasa taun 130 Masehi ing pasisir Lempongan Lada (wewengkon Kabupatèn Pandeglang, Banten). Raja kang murwani yaiku Dewawarman sing nganggo gelar Prabu Darmalokapala Dewawarman Haji Raja Gapura Sagara sing merentah nganti taun 168 M. Carita bab kraton iki isih kontroversial miturut sumberé.
Babad Salakanagara
[besut | besut sumber]Ing Babad suku Sunda, kutha Perak iki sedurunge diparentah déning sesepuh ing kono yaiku Aki Tirem Sang Aki Luhur Mulya utawa Aki Tirem, wektu iku kutha iki jenenge Pulasari. Aki Tirem dhaupake putrine sing jenenge Pohaci Larasati karo Dewawarman. Dewawarman iki sajatiné Pangeran sing asalé saka nagari Palawa ing India kidul.
Ing babad suku Betawi uga ana carita bab kraton Salakanagara iki nanging rada béda pernahé. Miturut babad Betawi kutha Perak iku ora ning pasisir pasisir dadi tegesé ing laladan wana-arga (cedhak gunung) yaiku gunung Salak.
Dewawarman I (130-168 M)
- Dewawarman II (putra Dewarman I karo Pohaci Larasati)
- Dewawarman III
- Dewawarman IV
- Dewawarman V
- Dewawarman VI
- Dewawarman VII
- Dewawarman VIII (348-363 M)
- Dewawarman VII
- Dewawarman VI
- Dewawarman V
- Dewawarman IV
- Dewawarman III
Wewengkon
[besut | besut sumber]Laladan panguwasane kraton iki kang kalebu kabèhe pasisir selat Sunda yaiku pasisir Pandeglang, Banten ana ing bang wétan nganti Agrabintapura (Gunung Padang, Cianjur), uga pulo-pulo ing selat Sunda kayata gunung Krakatau utawa Apuynusa (Nusa api) lan nganti pasisir kidul Swarnabumi (pulo Sumatera).
Berita
[besut | besut sumber]Ana kang nduga yèn kutha Argyre sing ditemoaké Claudius Ptolemeus taun 150 M iku ya kutha Perak utawa Salakanagara iki. Ing pawarta saka Cina tegesé saka dinasti Han, ana cathetan yèn raja Tiao-Pien (Tiao=Déwa, Pien=Warman) saka kraton Yehtiao utawa Jawa, ngirim utusan/duta menyang nagara China taun 132 M.
Cikal bakal Tarumanagara
[besut | besut sumber]Raja pungkasan ing kraton iki yaiku Dewawarman VIII kang jejuluk Prabu Darmawirya Dewawarman (348-363 M) sing banjur masrahaké bawad panguwasane marang mantune yaiku Jaya Singawarman. Jaya Singawarman banjur ngganti jenenge Krajan mau dadi Tarumanagara lan mindhahake kuthagarane ana ing sisih wétan yaiku cedhak Bekasi saiki kanggo sauntara wektu Krajan Salakanagara dhéwé statuse dadi kraton bawahan.
Jaya Singawarman iku sajatiné Maharesi sing asalé saka Salankayana ing India, sing ngungsi menyang Nusantara amarga nagarané ditelukaké déning Maharaja Samudragupta saka Krajan Magada ing India.
Deleng uga
[besut | besut sumber]
|
0-600 (Hindu-Buddha Mataram Kuna): Salakanagara | Tarumanagara | Galuh | Sundha | Kalingga | |