Jaran nil

Saka Wikipédia Jawa, bauwarna mardika basa Jawa
Hippopotamus
Common hippopotamus, Hippopotamus amphibius
Klasifikasi ngèlmiah
Karajan: Animalia
Filum: Chordata
Klas: Mammalia
Superordho: Cetartiodactyla
Ordho: Artiodactyla
Famili: Hippopotamidae
Génus: Hippopotamus
Linnaeus, 1758
Spésies: H. amphibius
Jeneng binomial
Hippopotamus amphibius
Linnaeus, 1758[2]
Range map[1]

Jaran nil (Latin: Hippopotamus amphibius) utawa hippo (Grikenlan: ἱπποπόταμος, hippopotamos, saka ἵππος, hippos, jaran, lan ποταμός, potamos, kali') ya iku mamalia saka kulawarga Hippopotamidae kang ukurané gedhé, hèrbivor, kang asalé saka Afrika sub-Sahara.[3] Jaran nil ya iku kéwan dharat kang gedhené nomer telu sawisé gajah lan warak putih.[3]

Kaanan fisik[besut | besut sumber]

Jaran nil duwé awak kang gedhé lan abot.[3] Saliyané iku, kulit jaran nil uga duwé warna klawu kang peteng.[3] Jaran nil nduwé gadhing kang ukurané gedhé.[3] Gadhing iki lumrahé minangka njaga awaké saka predator.[3] Jaran nil duwé ciri awaké kang gedhé, cangkem lan untu kang gedhé, sikil kang cacahé papat kang dhapuré gedhé lan cendhek, lan awaké kang gedhé lan ora ana rambuté.[3] Jaran nil kang wis diwasa boboté kurang luwih 1.5 nganti tekan 3 ton.[3] Sanajan awaké gedhé lan sikilé cendhek, Jaran nil bisa lumayu kanthi rikat. Jaran nil bisa lumayu nganti 30 km/jam, lumayuné Jaran nil ngluwihi lumayuné manungsa lumrahé.[3] Jaran nil duwé watek agresif lan dianggep salah sijiné kéwan kang paling mbebayani ing Afrika.[3] Kéwan kang duwé kekerabatan paling cerak karo jaran nil ya iku golongan Cetacea, kaya ta paus, lumba-lumba lan pesut.[3] Saliyané iku kéwan babi lan kéwan-kwan kang duwé kuku kang cacah ganep uga duwé kakerabatan kang cerak karo Jaran nil.[3]

Habitat[besut | besut sumber]

Jaran nil urip ing Afrika subsahara.[3] Jaran nil lumrahé urip ing sacedhaké banyu tawa kaya ta tlaga lan kali.[3] Kurang luwih ana jaran nil kang cacahé 125 éwu nganti 150 éwu kang urip ing Afrika.[3] Jaran nil kang paling akèh urip ing Zambia lan Tanzania.[3] Jaran nil uga kalebu kéwan kang misuwur ing kebun binatang.[3] Ing Indonésia, Jaran nil uga diingu ing kebon binatang.[4]

Ancaman kang mbebayani tumrap jaran nil ya iku anané perburuan alasan amarga jaran nil kena didol kanthi dijupuk daging lan untu siyungé.[3]

Kauripan[besut | besut sumber]

Jaran nil iku kalebu kéwan hèrbivor kang mangan suket utawa tetuwuhan.[3] Nalika awan, Jaran nil manggon ing banyu utawa blethok supaya awaké adhem.[3] Ing banyu, Jaran nil urip sajeroning golongan-golongan lan nguwasani salah sijiné tlatah.[3] Jaran nil uga turu, kawin lan manak ing banyu.[3] Nalika bengi Jaran nil metu saka banyu utawa blethok lan mangan suket. Ing dharat, jaran nil urip kanthi golongan-golongan lan ora duwé wewengkon teritorial.[3]

Cathetan suku[besut | besut sumber]

  1. a b Lewison, R. & Oliver, W. (IUCN SSC Hippo Specialist Subgroup) (2008). "Hippopotamus amphibius". IUCN Red List of Threatened Species. Version 2008. International Union for Conservation of Nature. Dibukak ing 5 April 2009.{{cite web}}: CS1 maint: uses authors parameter (link) Database entry includes a range map and justification for why this species is vulnerable.
  2. "ITIS on Hippopotamus amphibius". Integrated Taxonomic Information System. Dibukak ing 2007-07-29.
  3. a b c d e f g h i j k l m n o p q r s t u v w uniknya.com(dipunundhuh tanggal 2 Agustus 2011)
  4. megapolitan.kompas.com(dipunundhuh tanggal 2 Agustus 2011)