Iga Mawarni
Iga Mawarni ya iku penyanyi jazz lan penari saka Indonésia.[1] Dhèwèké lair ing Bogor 24 Juli 1973.[1]
Karier[besut | besut sumber]
Wiwit cilik, Iga wis cedhak karo seni.[2] Sanajan lair ing Bogor nanging rikala cilik dhèwèké manggon ing Sala.[2] Ana ing kutha iku, Iga sinau nari.[2] Saben acara Pekan Ulah raga dan Seni (Porseni) tingkat SD, dhèwèké menang kabèh kategori canang seni.[2] Wiwit saka nyanyi, marching band, ulah raga, nari lan maca geguritan.[2]
Prestasi iku diterusake nganti SMA. Ana ing Porseni tingkat SMA, dhèwèké mèlu lomba nyanyi lan nari tingkat provinsi.[2] Iga juara kaloro Bintang Radio lan Televisi Tingkat nasional taun 1989. Predikat iku nggawa dhèwèké menyang dapur rekaman.[2] Iga uga nandatangani kontrak rekaman karo prusahaan rekaman JK Record.[2] Bareng prusahaan iki, Iga wis ngentokake 2 album, album ramai-ramai lan kang kapindho judhule Kasmaran.[2] Lagu "Kasmaran" kang ndadèkaké dhèwèké misuwur ing taun 1991.[2]
Liyane vokal, Iga uga terjun ing seni peran.[2] Tahun 1998 putri saka Saliman T Siswoyo iki dadi wartawan ing sinétron "Tajuk" kang disutradarai déning Slamet Raharjo.[2] Iga uga ora ninggal seni jogèd kang wis dilakoni wiwit cilik.[2] Iga tahu mèlu nyengkuyung pentas jogèd "Ketika Anggrek Hitam Berbunga" karya saka koreografer Deddy Luthan, Pentas drama jogèd "Cut Nyak... Perempuan itu ada", lan pergelaran jogèd kontemporer "Jalan Panjang Tubuh dan Pikiranku".[2]
Iga Mawarni uga kereb nganakake acara.[2] Kaya taun 2007 dadi Ketua Pelaksana Nugraha Bhakti Musik Indonésia (NBMI) kaping 4.[2] Acara mau dianakake saben taun mawa wujud anghargyan kang paling dhuwur kanggo aktifis musik kang duwé andil ing ngrembakane musik Indonésia.[2] Iga uga dadu Skretaris Umum "Sala International Ethnic Music Festival and Conference" (SIEMFC) ing Benteng Vastenburg, Sala rikala tanggal 1-5 September 2007.[3] 8 nagara kang ngirimake sesulih kanggo mèlu ya iku Walanda, Irak, Yunani, Bangali, Koréa, India, Filipina lan Australia.[3] Acara mau diisi déning musisi-musisi etnik saka Kalimantan, Papua, Makassar, Ujungpandang, Madura, Acèh, Bandung, lan Sala.[3]
Saiki bareng karo Rieka Roeslan, Nina Tamam, Andien, lan Yuni Shara mbentuk kelompok vokal kang anggotane wong 5 lan diwènèhi jenng 5 Wanita.[3]
Tanggal 21 Maret 2013 pemutaran perdana filem pungkasane Iga, Hasduk Berpola bareng karo Idris Sardi karyané Harris Nizam.[2]
Pendhidhikan[besut | besut sumber]
Iga mentingake banget babagan pendhidhikan.[3] Malah dhèwèké tahu kecathet dadi mahasiswa jurusan Sastra Walanda, Universitas Indonésia, Iga nulak akèh tawanan maen filem, kaya saka Garin lan tawanan nyanyi liya amarga middle test.[3]
Lakune Urip[besut | besut sumber]
Iga digedhegake ing kulawarga Katulik.[3] Iga mamang karo agama kang wis dinut wiwit cilik sawisé ana diskusi bareng kanca-kanca sakagama ing kampus.[3] Iku kang nyebabake Iga Mawarni pindhah menyang agama Islam lan ngucapake syahadat ing tanggal 23 Maret 1994 ing Malang, Jawa Timur.[3]
Iga nikah karo pangusaha ing babagan jasa pesawat terbang Charles Rubiyan Arifin.[4] Dhèwèké nikah tanggal 21 Mèi 2000.[4] Saka kawinane iku lair anak lanang ing 22 Fèbruari 2001.[4]
Iga uga tahu dadi salah sijining direktur prusahan/studio animasi ing Jakarta, kang jenenge Bening Uro-Uro bareng kaliyan George Kamrullah, El Manik, sarta Ali Reza.[4]
Diskografi[besut | besut sumber]
Filmografi[besut | besut sumber]
- Get Married (2007)[5]
- The Tarix Jabrix (2008)[5]
- Lastri (2008)[5]
Cathetan suku[besut | besut sumber]
- ↑ a b c d e Iga Mawarni (dipunundhuh tanggal 28 September 2012)
- ↑ a b c d e f g h i j k l m n o p q r tokoh indonesia Archived 2012-04-16 at the Wayback Machine. (dipunundhuh tanggal 28 September 2012)
- ↑ a b c d e f g h i Iga Mawarni Mualaf Archived 2013-01-27 at the Wayback Machine. (dipunundhuh tanggal 28 September 2012)
- ↑ a b c d Kapanlagi (dipunundhuh tanggal 28 September 2012)
- ↑ a b c Status Selebritis[pranala mati permanèn] (dipunundhuh tanggal 28 September 2012)