Anas Urbaningrum

Saka Wikipédia Jawa, bauwarna bébas abasa Jawa
Anas Urbaningrum
AUPidatoWiki.jpg
Ketua Umum Parté Dhémokrat ke-3
Lungguh
23 Mei 2010 – Sapunika
Kadhisiki Hadi Utomo
Kagantèni Taksih njabat
Anggota Dewan Perwakilan Rakyat
saking laladan pamilian Jawa Timur VI (medal saking jabatan punika awit Juli 2010)
Lungguh
2009–2014
Anggota Komisi Pemilihan Umum
Lungguh
2001–2005
Rerincèn priangga
Lair (1969-07-15) 15 Juli 1969 (umur 47)
 Indonésia Blitar, Indonésia
Parté pulitik 30px|Lambang Parté Dhémokrat Parté Dhémokrat
Sisihan Athiyyah Laila
Anak Akmal Naseery
Aqeela Nawal Fathina
Aqeel Najih Enayat
Aisara Najma Waleefa
Agama Islam
Sana jaringan www.bunganas.com

Anas Urbaningrum (lair ing Blitar, Jawa Timur, 15 Juli 1969; umur 47 taun) inggih punika salah satunggalipun pulitikus Parté Dhémokrat ingkang dados parté pamenang ing pemilu 2009.[1][2] Panjenenganipun kapilih dados ketua parté ing yuswa 40 taun, lan kalebet pangarsa parté paling enem sa-Indonésia.[1] Anas nate mimpin Divisi Otonomi Pulitik lan Laladan saderengipun dados ketua fraksi Parté Dhémokrat ing DPR.[1]

Pendidikan[besut | besut sumber]

Lair ing désa Ngaglik, Srengat, Blitar, Jawa Wetan, Anas nindakaken pendidikan awit SD ngantos SMA ing Kabupatèn Blitar.[2][3] Sasampunipun lulus saking SMA, Anas nglajengaken dhateng Universitas Airlangga, Surabaya, kanthi jalur Penelusuran Minat dan Kemampuan (PMDK) ing taun 1987.[2] Ing kampus punika Anas sinau ing Jurusan Pulitik, Fakultas Ilmu Sosial lan Pulitik, ngantos lulus ing taun 1992.[2][4]

Anas nglajengaken pendidikanipun ing Program Pascasarjana Universitas Indonésia lan pikantuk gelar master ing bidhang ilmu pulitik ing taun 2000.[4][5] Tesis pascasajananipun sampun dipundamel buku kanthi irah-irahan “Islamo-Dhémokrasi: Pemikiran Nurcholish Madjid” (Républika, 2004).[3][4]

Pendidikan Anas Urbaningrum[besut | besut sumber]

  • Madrasah Tsanawiyah Negeri Kunir, Blitar
  • SMA Negeri Srengat, Blitar
  • S1 Sarjana Ilmu Pulitik Universitas Airlangga, 1992,
  • S2 Magister Sains Ilmu Pulitik UI, 2000.
  • S3 taksih dipunlaksanakaken Program Dhoktor Ilmu Pulitik di Universitas Gajah Mada, Yogyakarta.[5]

Pagesangan Pribadi lan Keluarga[besut | besut sumber]

Anas nggadhahi hobby ulah raga lan maos buku.[4] Anas remen kaliyan ulah raga voli, badminton, lan bal-balan.[4] Panjenenganipun tansah mirsani tetandhingan tim nasional Indonésia.[4] Anas palakrami kaliyan Athiyyah Laila Attabik (Tia).[6] Kekalihipun kepanggih lan tepang ing HMI Yogyakarta.[6] Sapunika Anas pidalem ing laladan Duren Sawit, Jakarta Wetan, kaliyan sekawan putra-putrinipun Akmal Naseery (lair 2000), Aqeela Nawal Fathina (lair 2001), Aqeel Najih Enayat (lair 2003), lan Aisara Najma Waleefa (lahir 2005).[4]

Karier[besut | besut sumber]

Karir Anas ing donyaning pulitik dipunwiwiti ing organisasi obahan mahasiswa. Panjenenganipun nggabung kaliyan Himpunan Mahasiswa Islam (HMI) ngantos dados ketua umum pengurus ageng HMI ing kongres ingkang dipunwontenaken ing Yogyakarta nalika taun 1997;[4] Minangka ketua organisasi paling ageng punika, Anas dados salah satunggalipun tiyang ingkang mangaribawani ewah-ewahan pulitik nalika jaman reformasi 1998.[4] Nalika wekdal punika Anas ugi dados anggota Tim Revisi Undang-Undang Pulitik, utawi Tim Tujuh, ingkang dados salah satunggalipun panyuwunan reformasi.[4]

Nalika pamilian umum dhémokratis taun 1999, Anas dados anggota Tim Seleksi Parté Pulitik, utawi Tim Sebelas, ingkang nggadhahi tugas meverifikasi kalayakan parté pulitik kangge ndherek pemilu.[4] Salajengipun Anas dados anggota komisi Pamilian Umum periodhe 2001-2005.[4]

Sasampunipun medal saking Komisi Pamilian Umum (KPU), Anas nggabung kaliyan Parté dhémokrat awit taun 2005 minangka Ketua Bidhang Pulitik lan Otonomi Laladan.[4]

Karier lan Padamelanipun[besut | besut sumber]

  • Ketua Umum Parté Dhémokrat Periode 2010-2015
  • Ketua Fraksi Parté Dhémokrat DPR RI Periode 2009-2014
  • Pimpinan Kolektif Nasional KAHMI, 2009
  • Ketua Yayasan Wakaf Paramadina, 2006-sapunika
  • Ketua DPP Parté Dhémokrat, 2005-sapunika
  • Anggota KPU Periode 2001-2005
  • Anggota Tim Seleksi Parpol Peserta pemilu 1999 (tim 11), 1999
  • Anggota Tim Revisi UU Pulitik (tim 7), 1998
  • Ketua Umum PB HMI Periode 1997-1999 [5]

Wekdal Reformasi 1998 lan Transisi Pulitik[besut | besut sumber]

Anas dipunpilih dados anggota tim revisi undang-undang pulitik utawi misuwur kanthi nami Tim Tujuh. Tim punika dipunpimpin déning Ryaas Rasyid kanthi anggota sanesipun inggih punika Affan Gaffar (alm.), Andi Mallarangeng, Djohermansyah Djohan, Luthfi Mutty, lan Ramlan Surbakti. Tim punika ngasilaken paket undhang-undhang pemilu ingkang dipunsahaken DPR RI dados UU No. 2/1999 ngengingi Pulitik, UU No. 3/1999 ngengingi Pamilhan Umum, lan UU No. 4/1999 ngengingi Susunan lan Kedudukan MPR, DPR lan DPRD.[4]

Nalika nyiapaken pemilu dhémokratis ingkang kapisan nalika taun 1999, pamarentah damel Panitia Persiapan Pembentukan Komisi Pamilian Umum ing taun 3 Februari 1999 ingkang dipunngertosi kanthi nama Tim Sawelas. Tugas tim punika inggih punika meverifikasi panjangkepan syarat administari parté kangge ndherek pemilu. Anas dipunpilih minangka anggota tim ingkang dipunpimpin Nurcholish Madjid (alm.). Anggota sanesipun inggih punika Adi Andojo Sutjipto, Adnan Buyung Nasution, Affan Gaffar (alm.), Andi Mallarangeng, Eep Saefulloh Fatah, Kastorius Sinaga, Miriam Budiardjo (alm.), Mulyana W. Kusumah, lan Rama Pratama.[4]

Sasampunipun ngawontenaken verifikasi, tim punika ngumumaken 48 Parté ingkang nggadhahi hak dados peserta pemilu 1999.[4]

Dados Anggota Komisi Pemilihan Umum[besut | besut sumber]

Anas dipunlantik dados anggota Komisi Pemilian umum (KPU) ing periodhe 2000-2007 déning Presiden Abdurrahman Wahid (alm.) ing tanggal 24 April 2001.[4] Anas dados anggota KPU sareng kaliyan Chusnul Mar’iyah, Daan Dimara, Hamid Awaludin, Imam Prasodjo, Mudji Sutrisno, Mulyana W Kusuma, Nazaruddin Syamsuddin, Ramlan Surbakti, Rusadi Kantaprawira, lan Valina Singka Subekti.[4] Tugas ageng KPU periodhe punika inggih punika nglaksanankaken pamilian presidhèn kanthi langsung ingkang kapisan ing salebetipun sajarah ingkang ugi dados bab ingkang awrat (penting) kangge dhémokratisasi ing Indonésia.[4] Anas medal saking KPU nalika tanggal 8 Juni 2005.[4]

Dados Anggota DPR RI[besut | besut sumber]

Anas kapilih dados anggota DPR RI ing Pemilu 2009 saking laladan pamilihan Jawa Wetan VII ingkang kaperang saking pinten-pinten laladan Kota Blitar, Kabupatèn Blitar, Kota Kediri, Kabupatèn Kediri lan Kabupatèn Tulungagung lan angsal swanten paling kathah, cacahipun 178.381 swanten, nglangkungi angka Wilangan Pembagi Pemilih (BPP) ingkang cacahipun 177.374 swanten.[4]

Nalika 1 Oktober 2009, Anas dipunpilih dados Ketua Fraksi Parté Dhémokrat ing DPR RI.[7] Tugas ageng ingkang kasil kanthi sae ndadosaken solid-ipun sadaya anggota Fraksi Parté Dhémokrat ing voting Kasus Bank Century.[4]

Kapilih dados Ketua Umum DPP Parté Dhémokrat[besut | besut sumber]

Minangka pamenang Pemilu 2009, kongres ka-2 Parté Dhémokrat ing Bandung ingkang dipunlaksanakaken 20-23 Mei 2010 dados satunggaling prastawa mirunggan ing donyaning pulitik Indonésia.[7] Anas ndheklarasikaken pancalonanipun ing Jakarta ing tanggal 15 April 2010.[4] Ing salebetipun kongres palian ketua umum, Anas menang ngalahaken Andi Mallarangeng lan Marzuki Ali.[7]

Medal saking Parte Dhémokrat[besut | besut sumber]

Nalika wulan Februari 2013, Anas Urbaningrum mandhap saking jabatan Ketua Umum Parté Dhémokrat. Panjenenganipun mandhap amargi dipuntetepaken minangka tersangka kasus dugaan korupsi proyek Hambalang déning KPK. Sanesipun punika, Anas ugi mandhap saking kadher Parte Dhémokrat. Sanajan mekaten, Anas tetep ngudi ing babagan pulitik. Panjenenganipun damel satunggaling organisasi masyarakat ingkang nami Perhimpunan Perobahan Indonésia (PPI). Ormas kasebat dados wadhahing loyalis (pandherek) Anas sasampunipun medal saking Parte Dhémokrat.

Bebingah ingkang dipuntampi Anas[besut | besut sumber]

Kasus Korupsi[besut | besut sumber]

Dinten Jumat, 22 februari 2013, Anas Urbaningrum resmi dipundadosaken tersangka korupsi déning Komisi Pemberantasan Korupsi (KPK). Anas dipuntuduh angsal hadhiyah utawi janji ingkang wonten gayutanipun kaliyan kawenanganipun minangka anggota DPR 2009-2014.[8] Anas dipundadoaken tersangka kasus korupsi pambangunan pusat pelatian pendidikan lan sekolah ulah raga nasional Bukit Hambalang, Jawa Kilen.[9]

Cathetan suku[besut | besut sumber]

  1. ^ a b c (id)Anas Urbaningrum dipunundhuh tanggal 22 Februari 2013)
  2. ^ a b c d (id)Profil/Biografi Anas Urbaningrum dipunundhuh tanggal 22 Februari 2013)
  3. ^ a b (id)[Koran Suara Merdeka edisi 23 Februari 2013, Semarang Anas "Menuju Monas"] dipunwaos tanggal 23 Februari 2013)
  4. ^ a b c d e f g h i j k l m n o p q r s t u v w (id)Biografi Anas Urbaningrum, Dhémokrat dipunundhuh tanggal 23 Februari 2013)
  5. ^ a b c d (id)Anas Urbaningrum dipunwaos tanggal 23 Februari 2013)
  6. ^ a b (id)Biografi Anas Urbaningrum" dipunwaos tanggal 23 Februari 2013)
  7. ^ a b c (id)Piawai Memilih Kata dipunundhuh tanggal 22 Februari 2013)
  8. ^ (id)Kekuasaan Anas Urbaningrum Berakhir di Dhémokrat dipunundhuh tanggal 23 Februari 2013)
  9. ^ (id)KPK Persilahkan Anas Urbaningrum Ungkap Bukti Kasus Hambalang dipunundhuh tanggal 26 Februari 2013)
Sumber artikel punika saking kaca situs web: "https://jv.wikipedia.org/w/index.php?title=Anas_Urbaningrum&oldid=1093320"