Dewan Perwakilan Rakyat

Saka Wikipédia Jawa, bauwarna bébas abasa Jawa

Dewan Perwakilan Rakyat (dicekak DPR) iku lembaga tinggi nagara sajeroning sistem ketatanagaraan Indonésia sing dadi lembaga perwakilan rakyat lan nyekel kakuwasan gawé Undhang-Undhang. DPR duwé fungsi legislasi, anggaran, lan pengawasan.

DPR dumadi saka anggota parté pulitik peserta pamilihan umum, sing dipilih miturut asil Pamilihan Umum. Anggota DPR periode 2004-2009 cacahé 550. Ing periode 2009-2014, cacahing anggota DPR nambah dadi 560. Mangsa kalungguhan anggota DPR ya iku 5 taun, lan mungkasi bebarengan wektu anggota DPR sing anyar ngucapaké sumpah utawa janji.

Ketua DPR wektu iki ya iku Setya Novanto.

Hak[besut | besut sumber]

Anggota DPR duwé hak interpelasi, hak angket, lan hak mratélakaké panemu. Anggota DPR uga duwé hak ngajokaké RUU, ngajokaké pitakonan, usul lan panemu, mbéla dhiri, hak imunitas, sarta hak protokoler.

Miturut Undhang-Undhang Nomer 22 Taun 2003 ngenani Susduk MPR, DPR, DPD, lan DPRD, sajeroning ngayahi tugas lan wewenangé, DPR duwé hak njaluk marang para pejabat nagara, pejabat pamaréntah, badan hukum, utawa warga masarakat kanggo mènèhi katrangan. Yèn panjaluk iki ora dituruti, bisa dikenakaké panggilan peksa (miturut peraturan perundhang-undhangan). Yèn panggilan peksa iki ora dituruti tanpa alesan sing sah, bisa disandera paling lawas 15 dina (miturut peraturan perundhang-undhangan).

Uga delengen[besut | besut sumber]

Pranala njaba[besut | besut sumber]