Badminton

Saka Wikipédia Jawa, bauwarna bébas abasa Jawa
Disambig variants icon.svg
Kanggé kagunan sanès saking ', mangga mriksani [[]].
Badminton
Badminton Peter Gade.jpg
Danish badminton player Peter Gade
Organisasi Badminton World Federation
Dimainaké pisanan Abad ka-17
Characteristics
Kontak Ora ana
Anggota tim Singel utawa dobel
Kategorisasi Ulah raga mawa rakèt
Piranti Shuttlecock
Olimpiade 1992-saiki
Gambar:Ardy BW.jpg
Ardy B. Wiranata, pemain badminton misuwur saka Indonésia

Badminton utawa bulu tangkis iku ulah raga mawa rakèt sing dimainaké déning wong loro (tumrap tunggal) utawa rong pasangan (tumrap gandha) sing silih tetandhingan.

Mèmper karo tenis, badminton duwé tujuan nampèl bal permainan ("kok" utawa "shuttlecock") ngliwati jaring supaya tiba ing babagan permainan lawan sing wis ditemtoké lan ngupaya nyegah lawan nglakoni bab sing padha.

Parté[besut | besut sumber]

Gambar:Bulutangkis ukuran.jpg
Lapangan badminton

Ana lima parté sing biyasa dimainaké sajeroning badminton, ya iku:

  1. Tunggal putra
  2. Tunggal putri
  3. Gandha putra
  4. Gandha putri
  5. Gandha campuran

Lapangan lan jaring[besut | besut sumber]

Lapangan badminton awangun pesagi dawa lan duwé ukuran kaya katon ing gambar. Garis-garis sing ana duwé kandel 40 mm lan kudu awarna kontras karo warna lapangan. Warna sing diprayogakaké kanggo garis ya iku putih utawa kuning. Lumahing lapangan diprayogakaké kagawé saka kayu utawa bahan sintetis sing empuk. Permukaan lapangan sing kagawé saka beton utawa bahan sintetik sing atos ora diprayogakaké banget amarga bisa agawé cidra pemain. Jaring sing dhuwuré 1,55 m dumunung ana ing tengah lapangan. Jaring kudu awarna peteng kajaba lambé jaring sing duwé kandel 75 mm kudu awarna putih.

Perlengkapan[besut | besut sumber]

  • Rakèt

Sacara tradhisional rakèt digawé saka kayu. Sabanjuré saka aluminium utawa logam ringan liyané dadi bahan sing dipilih. Saiki, mèh kabèh rakèt badminton profèsional digawé saka komposit serat karbon (plastik abalung grafit). Serat karbon duwé kakuwatan hébat tumrap perbandingan bobot, kaku, lan mènèhi perpindahan ènergi kinetik sing apik. Nanging, sawetara modèl sing luwih murah isih migunakaké waja utawa aluminium kanggo sapérangan utawa sakabèhané bahan rakèt.

  • Senar

Manawa salah siji saka pérangan sing paling diwigatèkaké sajeroning badminton ya iku senar. Jinis senar béda duwé ciri-ciri tanggap sing béda-béda. Awèt orané senar kanthi umum uga béda-béda. Akèh-akèhé senar mawa katebalan 21 ukuran lan diuntai kanthi ketegangan 18 nganti 30+ lb. Pilihan pribadi sang pemain duwé peran sing utama sajeroning selèksi senar.

  • Kok

Kok iku bal sing dipigunakaké sajeroning ulah raga badminton, kagawé saka rerangkèn wulu banyak sing disusun mbentuk kerucut, kanthi pangkal awangun setengah bola sing kagawé saka gabus. Sajeroning latihan utawa tetandhingan ora resmi digunakna uga kok saka plastik.

Induk organisasi[besut | besut sumber]

International Badminton Federation (IBF) diadegaké taun 1934 kanthi Inggris, Irlandia, Sekotlan, Wales, Denmark, Walanda, Kanada, Niu Selan, lan Prancis minangka anggota-anggota pelopor. India gabung minangka afiliat ing taun 1936. Sajeroning IBF Extraordinary General Meeting ing Madrid, Spanyol, September 2006, usulan kanggo ngowahi jeneng International Badminton Federation dadi Badminton World Federation (BWF) ditampa déning kabèh 206 wakil sing rawuh.

Ulah raga iki dadi ulah raga Olimpiade Musim Panas ing Olimpiade Barcelona taun 1992. Indonésia lan Koréa Kidul antuk loro medhali emas taun iku.

Uga delengen[besut | besut sumber]

Pranala njaba[besut | besut sumber]

Gladri[besut | besut sumber]