Paris

Paris adalah ibu kutha Prancis lan uga minangka ibu kutha région Île-de-France, kang dhaérahé nyakup kutha Paris sarta dhaérah pinggirané. Kutha iki nduwé pedhunung 2.144.700 jiwa (2005). Éwadéné dhaérah metropolitan Paris utawa Paris Raya duwèni pedunung 11.174.743 jiwa (1999). Paris minangka kutha paling padhet ing Uni Eropah lan kutha metropolitan paling gedhé kaloro ing Eropah (sawisé Moskwa, setara karo London), lan uga kutha metropolitan mawa pedunung paling akèh ka-20 ing donya.

Dhaérah Paris Metropolitan Raya, kanthi total PDB kang luwih dhuwur tinimbang Brasil utawa Rusia ing taun 2003, kuwi punjer kauangan lan bisnis paling gedhé ing Eropah (kalebu London), nampung luwih saka 30% populasi pegawé kantoran, lan uga luwih saka 40% saka kantor pusat perusahaan-perusahaan Prancis, kanthi distrik bisnis paling gedhé ing Eropah (La Défense) lan pasar bursa paling gedhé kaloro ing Eropa (Euronext).

Misuwur minangka 'Kutha abyor déning cahya lampu' (la Ville Lumière), Paris dadi tujuan wisata kawentar wiwit jaman biyèn. Kutha iki dikenal bab arsitektur wangunané kang éndah, pangaturan kutha lan dalan-dalan gedhéné, lan uga kolèksi museum-museumé. Dibangun ing pinggir kali Seine, kutha iki dipérang dadi rong bagéan: Pinggir Tengen mangalor lan Pinggir Kiwa yang luwih cilik mangidul.

Sdurungé, Paris minangka ibu kutha karajaan kang koloniné paling akèh ing limang bawana, wektu iki Paris isih disebut minangka pusat donya basa Prancis lan njaga posisi kang kuwat ing donya minangka tuan rumah markas besar OECD lan UNESCO. Bab iki, dijangkepi karo anané kagiatan keuangan, bisnis, politik, lan wisata, wis ndadèkaké Paris minangka salah siji rangkaian transportasi utama ing donya. New York, London, Tokyo, lan Paris sering disebut minangka papat kutha utama paling gedhé ing donya.

Geografi

Paris dumunung ing saubengé Kali Seine, kalebu loro puloné Île Saint-Louis lan Île de la Cité, kang dadi bagéan paling tuwa kutha iki. Paris dumunung ing tlatah kang warata kanthi elevasi paling cendhèk 35 meter saka lumahing segara. Salyané kuwi, ing Paris uga ana sawetara bukit, kang paling dhuwur yakuwi Montmartre kang dhuwuré 130 meter. Paris nyakup tlatah kang jembaré 86,9 km². Yèn ditambah manèh karo loro taman, yakuwi Bois de Boulogne lan Bois de Vincennes kang dilebokaké dadi wilayah Paris ing taun 1929, jembaré dadi 105,4 km²

Paris duwèni iklim segara, dipengaruhi déning Arus Atlantik Lor, saéngga suhu ing kutha iki ora tau dhuwur utawa endhèk banget. Suhu rata-rata taunan Paris paling dhuwur 15°C, paling endhèk 7°C. Suhu paling dhuwur kang naté kacathet yakuwi 40,4°C ing tanggal 28 Juli 1948 déné kang paling endhèk yakuwi -23,9°C ing tanggal 10 Desember 1879. Pungkasan iki, Paris ngalami cuaca ekstrim kayadéné anané Gelombang Panas Eropah 2003 lan Gelombang Dingin Eropah 2006

Demografi

Peta lokasi Paris

Perkembangan demografi Paris antara 1801 sampai 1926
1801	1851	1881	1926
547.800	1.053.000	2.240.000	2.871.000

Ana ing sensus taun 1999, pedunung Paris (ora kalebu pinggiran) cacahé 2.125.246 jiwa lan gunggung cacahing pedunung ing dhaérah metropolitan ana 11.174.743 jiwa. Angka mau durung tekan titik puncak kayadéné taun 1921 yaiku 2,9 yuta jiwa. Pedunung uga wiwit gèsèr menyang dhaérah pinggiran sarta dhaérah kutha Paris dhéwé luwih akèh dianggo perkantoran dibandingaké pemukiman.

Objek turisme ing Paris

Paris

Kutha Paris minangka kutha turisme. Yutan turis teka ing kutha iki kanggo nikmati suasana khas kutha sarta citrané minangka salah siji pusat seni modèren. Kutha iki uga duwé akèh museum kanthi kolèksi wigati. Ing ngisor iki sawetara obyek turisme utama ing Paris:

• Menara Eiffel
• l'Arc de Triomphe
• Champs Elysée
• Katedral Hati Kudus Montmartre
• Museum Louvre
• Museum Orsay
• Katedral Notre Dame
• Kabaret Moulin Rouge

Delengen uga

• Kerusuhan pinggiran Paris 2005
• Daftar negara
• Daftar negara miturut bawana

Pranala njaba

• Situs resmi
• Situs resmi pariwisata
• Paris Vacation
• FromParis - Image Bank
• Apartment Info Paris

Departemen Prancis
Prancis Dharatan: 01 Ain 02 Aisne 03 Allier 04 Alpes-de-Haute-Provence 05 Hautes-Alpes 06 Alpes-Maritimes 07 Ardèche 08 Ardennes 09 Ariège 10 Aube 11 Aude 12 Aveyron 13 Bouches-du-Rhône 14 Calvados 15 Cantal 16 Charente 17 Charente-Maritime 18 Cher 19 Corrèze 2A Corse-du-Sud 2B Haute-Corse 21 Côte-d'Or 22 Côtes-d'Armor 23 Creuse 24 Dordogne 25 Doubs 26 Drôme	27 Eure 28 Eure-et-Loir 29 Finistère 30 Gard 31 Haute-Garonne 32 Gers 33 Gironde 34 Hérault 35 Ille-et-Vilaine 36 Indre 37 Indre-et-Loire 38 Isère 39 Jura 40 Landes 41 Loir-et-Cher 42 Loire 43 Haute-Loire 44 Loire-Atlantique 45 Loiret 46 Lot 47 Lot-et-Garonne 48 Lozère 49 Maine-et-Loire 50 Manche 51 Marne 52 Haute-Marne 53 Mayenne 54 Meurthe-et-Moselle	55 Meuse 56 Morbihan 57 Moselle 58 Nièvre 59 Nord 60 Oise 61 Orne 62 Pas-de-Calais 63 Puy-de-Dôme 64 Pyrénées-Atlantiques 65 Hautes-Pyrénées 66 Pyrénées-Orientales 67 Bas-Rhin 68 Haut-Rhin 69 Rhône - Métropole de Lyon 70 Haute-Saône 71 Saône-et-Loire 72 Sarthe 73 Savoie 74 Haute-Savoie 75 Paris 76 Seine-Maritime 77 Seine-et-Marne 78 Yvelines 79 Deux-Sèvres 80 Somme 81 Tarn 82 Tarn-et-Garonne	83 Var 84 Vaucluse 85 Vendée 86 Vienne 87 Haute-Vienne 88 Vosges 89 Yonne 90 Territoire de Belfort 91 Essonne 92 Hauts-de-Seine 93 Seine-Saint-Denis 94 Val-de-Marne 95 Val-d'Oise Departemen jaban rangkah: 971 Guadeloupe 972 Martinique 973 Guyane 974 Reunion 976 Mayotte Komunitas jaban rangkah: 975 Saint-Pierre-et-Miquelon 986 Wallis-et-Futuna 987 Polinesia Prancis (negara sebrang segara)