Bisnis

Saka Wikipédia Jawa, bauwarna bébas abasa Jawa
Bursa Èfèk ing Meksiko Paseo de la Reforma, Mexico City

Sajeroning èlmu ékonomi, bisnis iku sawijining organisasi sing adol barang utawa jasa marang konsumèn utawa bisnis liyané, supaya antuk bathi. Sacara historis tembung bisnis saka basa Inggris business, saka tembung dhasar busy sing maknané "sibuk" sajeroning kontèks individu, komunitas, utawa masarakat. Maksudé sibuk ngayahi aktivitas lan pegawéyan sing nekakaké kauntungan.

Sajeroning ékonomi kapitalis, akèh-akèhé bisnis diduwèni d’ening pihak swasta, bisnis diwangun kanggo antuk profit lan ngundhakaké kemakmuran sing duwé bisnis. Pemilik lan operator saka sawiji bisnis antuk imbalan miturut wektu, usaha, utawa gedhéné kapitalé. Nanging ora kabèh bisnis golèk kauntungan kaya iki, ana uga bisnis koperatif sing tujuané ningkatakén kasajahtran kabèh anggotané utawa institusi pamaréntah sing tujuané ngundhakaké kasajahtran rakyat. Modhèl bisnis kaya iki kontras karo sistem sosialistik, ing ngendi bisnis gedhé diduwèni déning pamaréntah,masarakat umum, utawa sarékat pekerja.