Joko Widodo

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Joko Widodo
Joko Widodo

Isih Mengku jabatan
Miwiti Mengku jabatan 
20 Oktober 2014
Wakil Jusuf Kalla
Pejabat sadurungé Susilo Bambang Yudhoyono

Isih Mengku jabatan
Miwiti Mengku jabatan 
15 Oktober 2012
Wakil Basuki Tjahaja Purnama
Pejabat sadurungé Fauzi Bowo

Mangsa jabatan
28 Juli 2005 – 1 Oktober 2012
Panguwasa monarki Pakubuwana XIII
Wakil F.X. Hadi Rudyatmo
Pejabat sadurungé Slamet Suryanto
Pengganti F.X. Hadi Rudyatmo

Lair 21 Juni 1961 (umur 53)
Flag of Indonesia.svg Surakarta, Jawa Tengah, Indonesia
Kabangsan Indonesia
Partai pulitik Partai Demokrasi Indonesia Perjuangan
Pasangan Iriana[1]
Anak Gibran Rakabuming Raka[2]
Kahiyang Ayu
Kaesang Pangarep
Almamater Universitas Gadjah Mada
Pegawéyan Pengusaha
Agama Islam

Ir. H. Joko Widodo (Basa Jawa: ꦗꦏꦮꦶꦢꦢ: Jaka Widada) (lair ing Surakarta, 21 Juni 1961; umur 53 taun),[3][4] inggih menika presidhen Indonesia ka-pitu. Saderengipun njabat presidhen, Joko Widodo njabat dados Gubernur Jakarta awit tanggal 15 Oktober 2012.[1] Panjenenganipun dados gubernur ka-17 ingkang ngasta ing ibukutha negari Indhonésia.[5] Panjenenganipun asring dipuntimbali kanthi asma Jokowi (cekakan saking asma Joko Widodo).[6]

Sadèrèngipun ngasta gubernur Jakarta, panjenenganipun ngasta dados Walikutha Surakarta (Sala), Jawa Tengah ngantos kalih periodhe, inggih menika awit 2005 ngantos 2010 lan 2010 ngantos 2015.[5] Ananging nalika nembé ngasta kalih taun ing periodhe kaping kalih menika, Jokowi pikantuk amanah saking bebrayan umum Jakarta kanggé dados pangarsaning DKI Jakarta.[5] Nalika semanten Jokowi dipuncalonaken gubernur DKI Jakarta dening Partai Demokrasi Indonesia Perjuangan (PDIP).[7] Wonten ing pancalonan kasebat, panjenenganipun dipunpasangaken kaliyan Basuki Tjahaja Purnama utawi Ahok.[7]

Sajarah asma "Jokowi"[sunting | sunting sumber]

Panjenenganipun miyos kanthi asma asli Joko Widodo.[6] Ananging nalika taksih aktif ing jagad bisnis mèbel lan kagungan tiyang ingkang tumbas saking Prancis.[6] Tiyang Prancis menika ngraos bingung, amargi nalika tumbas ing Jepara, Semarang, lan Surabaya tansah kepanggih kaliyan tiyang ingkang asmanipun Joko.[6] Nalika kepanggih kaliyan Joko Widodo ing Sala, kangge mbéntenaken saking Joko-Joko ingkang sanés, tiyang Prancis kalawau paring timbalan Jokowi.[6]

Mangsa alit Jokowi[sunting | sunting sumber]

Miyos ing Sala, 21 Juni 1961, saking sarimbit Natamiharja lan Sujiatmi, awit alit Jokowi sampun ngraosaken gesang ingkang sarwa kirang.[6] Sareng kaliyan tiyang sepuh lan tiga sadherek èstri, Jokowi kedah pindhah griya saking satunggal panggénan dhateng panggénan sanés.[6] Panggénan kalawau papanipun ing sapinggiring lèpèn.[6] Amargi mboten saged tumbas griya, Natamiharja kapeksa ndhawuhi kulawarganipun pindhah dhateng peken kajeng lan pring Gilingan, ingkang mapan ing sakidulipun lepen Kali Anyar.[6] Ing Papan menika Natamiharja miwiti usaha sadean kajeng.[4]

Pendhidhikan[sunting | sunting sumber]

Karir[sunting | sunting sumber]

  • Pengusaha mébel lan pertamanan,[9]
  • Pangadeg Koperasi Pengembangan Industri Alit Sala (1990),[11]
  • Ketua Bidhang Pertambangan lan Ènergi Kamar Dhagang lan Indhustri Surakarta (1992-1996),[11]
  • Ketua Asosiasi Permebelan lan Industri Kerajinan Indonesia Surakarta (2002-2007),[11]
  • Walikutha Surakarta (2005-2015)[11][12]
  • Gubernur DKI Jakarta[13]

Karir Politik[sunting | sunting sumber]

Walikutha Surakarta[sunting | sunting sumber]

Awit kathahipun pengalaman ing mangsa mudhanipun, Jokowi saged ngembangaken Sala ingkang sadèrèngipun awon ing tatanan kutha lan manèka panulakan saking masyarakat kanggé dipuntertibaken.[14] Jokowi saged ndadosaken Sala dados langkung saé saèngga dados satunggaling kajian saking universitas mancanegari.[14]

Rebranding Sala[sunting | sunting sumber]

Branding kangge kutha Sala dipunlaksanakaken kanthi nyarujuki slogan kutha Sala (Solo) "Solo: The Spirit of Java".[7][15] Tindakan saking Joko Widodo menika kalebet progresif kangge ukuran kutha-kutha ing Jawa.[7] Joko Widodo ugi saged ngrelokasi para pedhagang piranti bekas ing Taman Banjarsari kanthi lancar kangge damel fungsi panggenan taman.[7] Panjenenganipun ugi paring syarat dhateng para investor kangge purun mikiraken kapentingan publik, ngawontenaken komunikasi langsung kaliyan masyarakat.[16] Taman Balekambang, ingkang saderengipun mboten karumat, dening Jokowi dipundamel taman. Jokowi ugi mboten ajrih nulak investor ingkang mboten sarujuk kaliyan prinsip Jokowi.[13]

Ndadosaken Sala minangka "tuan rumah" Konferensi Organisasi Kutha-kutha Warisan Donya[sunting | sunting sumber]

Awit taun 2006 kapungkur kutha Surakarta sampun dados anggota Organisasi Kutha-kutha Warisan Donya.[9] Kanthi menika, ing tahun salajengipun (2007) Sala dados panggènan Festival Musik Dunia (FMD) ingkang dipunwontenaken ing Benteng Vastenburg.[9] Wontenipun acara menika nggadhahi misi kanggé nylametaken situs sajarah amargi bèntèng kasebat kaancem badhé dipunicalaken kanggé kapentingan bisnis.[9] Taun 2008, Sala dados "tuan rumah" konferensi Organisasi Kutha-kutha Warisan Donya.[9]

Ndhamekaken Kraton Surakarta[sunting | sunting sumber]

Nalika tanggal 11 Juni 2004, Paku Buwono XII tilar donya tanpa paring wasiat dhateng permaisuri utawi putra mahkota, saengga wonten kadadosan konflik pamanggih antawisipun putra-putranipun PK XII, Sampeyan Dalem Ingkang Sinuwun Kanjeng Susuhunan (SDISKS) Paku Buwono XIII lan Kanjeng Gusti Pangeran Haryo (KGPH) Panembahan Agung Tedjowulan.[17] Sadangunipun pitung taun wonten kalih raja ingkang dipuntunjuk dening kalih pihak ing satunggal kraton.[17]

Gubernur DKI Jakarta[sunting | sunting sumber]

Joko Widodo ingkang nyalonaken piyambak minangka Gubernur DKI Jakarta saged menang ing Pilkadha DKI Jakarta kanthi ngliwati proses pemilu kalih putaran.[13] Nalika 15 Oktober 2012, Jokowi dipunlantik minangka Gunernur DKI Jakarta.[13]

Bebingah[sunting | sunting sumber]

Bebingah pribadhi[sunting | sunting sumber]

  • Joko Widodo kapilih minangka salah satunggalipun "10 Tokoh 2008",[9]
  • Walikutha paling sae taun 2009,[18]
  • Bung Hatta Anticorruption Award (2010),[18]
  • Universitas Sebelas Maret Surakarta (UNS) Award,[10]
  • Charta Politica Award (2011),[18]
  • Walikutha teladan saking Kementerian Dalam Negeri (2011),[18]
  • Salah satunggal Walikutha paling sae sandonya 2012.[19]

Bebingah minangka Walikutha Sala[sunting | sunting sumber]

  • Kutha kanthi Tata Ruang paling saé nomer kalih ing Indonésia,[18]
  • Piala lan Piagam Citra Bhakti Abdi Negara saking Presiden Republik Indonesia (2009), kangge kinerja kutha ing babagan panyedhiaan sarana pelayanan Publik, Kabijakan Deregulasi, Panegakan Disiplin lan Pangembangan Manajemen Pelayanan,[18]
  • Piala Citra Bidang Palayanan Prima Tingkat Nasional dening Mentri Negara Pendayagunaan Aparatur Negara Republik Indonesia (2009),[18]
  • Bebingah saking Departemen Keuangan arupi dana hibah ingkang agengipun 19,2 miliar kangge nglaksanakaken parumatan keuangan ingkang sae (2009),[18]
  • Bebingah saking UNICEF kanggé Program panjagian laré (2006),[18]
  • Indonesia Tourism Award 2009 ing Kategori Indonesia Best Destination saking Departemen Kebudayaan lan Pariwisata RI,[18]
  • Bebingah Kutha Sala minangka inkubator bisnis lan teknologi (2010) saking Asosiasi Inkubator Bisnis Indonesia (AIBI),[18]
  • Grand Award Layanan Publik ing bidhang Pendidikan (2009),[18]
  • 5 bebingah Anugerah Wahana Tata Nugraha (2006-2011) - Bebingah Tata Tertib Lalu Lintas lan Angkutan Umum,[18]
  • Bebingah Manggala Karya Bhakti Husada Arutala saking DepKes (2009),[18]
  • Kutha paling favorit Wisatawan 2010 ing Indonesia Tourism Award 2010 ingkang dipunselenggarakaken Kementerian Kebudayaan lan Pariwisata,[18]
  • Pemerintah Kutha Sala pikantuk bebingah kutha/kabupaten pengembang UMKM paling sae versi Universitas Negeri Sebelas Maret utawi UNS SME's Awards 2012,[18]
  • Bebingah saking Presidhen RI, Susilo Bambang Yudhoyono minangka salah satunggaling kutha paling sae ing bab panyelenggaraan program pangembangan mujudaken Kutha Layak Anak (KLA) 2011,[18]
  • Bebingah Langit Biru 2011 saking Kementerian Lingkungan Hidup kangge kategori Kutha kanthi kualitas hawa paling resik,[18]
  • Bebingah saking Presidhen Susilo Bambang Yudoyono ing bidhang Pelopor Inovasi Pelayanan Prima (2010).[18]
  • Bebingah Tandha Kaurmatan Bintang Jasa Utama saking Presidhen Susilo Bambang Yudhoyono.[20]

Pirsani ugi[sunting | sunting sumber]

Cathetan suku[sunting | sunting sumber]

  1. ^ a b (id)Jokowi: Jakarta Tidak Seseram Bayangan Saya (dipunundhuh tanggal 28 Februari 2013)
  2. ^ (id)Ayah Jadi Gubernur Gibran cuek
  3. ^ (id)"Insan Berprestasi", UGM Daring, (dipunakses Februari 2013)
  4. ^ a b (id)Tumbuh di Bantaran Kali (dipunundhuh tanggal 15 Februari 2013)
  5. ^ a b c (id)oto Profil Jokowi (Joko Widodo) Terbaru (dipunundhuh tanggal 15 Februari 2013)
  6. ^ a b c d e f g h i (id)Sejarah Perjalanan hidup Jokowi atau Joko Widodo (dipunundhuh tanggal 15 Februari 2013)
  7. ^ a b c d e (id)Profil Joko Widodo (dipunundhuh tanggal 16 Februari 2013)
  8. ^ (id)Joko Widodo (dipunundhuh tanggal 28 Februari 2013)
  9. ^ a b c d e f g h i (id)Joko Widodo (dipunundhuh tanggal 16 Februari 2013)
  10. ^ a b (id)Profil Jokowi Cagub Jakarta kandidat 25 Walikota terbaik dunia (dipunundhuh tanggal 16 Februari 2013)
  11. ^ a b c d (id)Biografi Jokowi (Joko Widodo) (dipunundhuh tanggal 16 Februari 2013)
  12. ^ (id)Biodata - Profil Joko Widodo (Jokowi) dipunundhuh tanggal 16 Februari 2013)
  13. ^ a b c d (id)Biografi Jokowi (Joko Widodo) (dipunundhuh tanggal 16 Februari 2013)
  14. ^ a b (en)Defusing A Volatile City, Igniting Reforms: Joko Widodo and Surakarta, Indonesia, 2005 - 2011 (dipunundhuh tanggal 16 Februari 2013)
  15. ^ (id)Joko Widodo, Wali Kota Solo "Urusannya Hanya Pemilihan Gubernur" (dipunundhuh tanggal 1 Maret 2013)
  16. ^ (id)Gubernur Bibit Setuju Tunda Bongkar Sari Petojo (dipunundhuh tanggal 16 Februari 2013)
  17. ^ a b (id)Keluarga Raja/Sunan, diakses dari situs Kasunanan Surakarta Hadiningrat. (dipunakses saking situs Kasunanan Surakarta Hadiningrat, Februari 2013)
  18. ^ a b c d e f g h i j k l m n o p q r s (id)H.Joko Widodo (Jokowi) (dipunundhuh tanggal 16 Februari 2013)
  19. ^ (en)Testimonials for Joko Widodo Mayor of Surakarta (Indonesia) (dipunundhuh tanggal 16 Februari 2013)
  20. ^ (id)Jokowi raih penghargaan Bintang Jasa Utama (dipunundhuh tanggal 26 februari 2013)

Pranala njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Joko_Widodo&oldid=886539"