Anies Baswedan

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Anies Baswedan
Anies Baswedan

Lair 7 Mei 1969 (umur 45)
Flag of Indonesia.svg , Indonesia
Pegawéyan Rektor Universitas Paramadina

Anies Baswedan,Ph.D., (lair ing Kuningan, Jawa Kulon, 7 Mei 1969; umur 45 taun) yaiku rektor Universitas Paramadina ing Jakarta, Indonesia.[1] Dhèwèké ketua Yayasan Indonesia Mengajar.Ing taun 2005, Anies dadi direktur risèt ing The Indonesian Institute.[2] Banjur ing taun 2008, dhèwèké éntuk anugrah dadi salah sawijing saka 100 wong pinter sing isih enom ing donya vèrsi Kalawarti Foreign Policy saka Amérika Sarékat.[3] Ing taun iku uga, nalika umuré isih 38 taun, dhèwèké dadi rektor Universitas Paramadina ing Jakarta, Indonesia.[2] Senadyan lair ing Kuningan, Jawa Kulon, Anies nalika cilik nganti kuliah urip ing Yogyakarta.[4]


Nalika cilik[sunting | sunting sumber]

Anies lan keluwargané manggon ing dalemé simbah kakungé, yaiku Abdurrachman Baswedan (AR Baswedan).[4] Simbah kakungé dadi jurnalis lan pejuwang sing tau dadi Mentri Penerangan (1946) lan anggota konstituante (Dewan Perwakilan Rakyat).[4]

Wong tuwané Anies kabèh dadi dhosèn, Rasyid Baswedan, Bapaké Anies, tau dadi wakil rektor Universitas Islam Indonesia, lan Aliyah Rasyid, ibu Anies, salah sawijining guru besar ing Universitas Negeri Yogyakarta.[4]

Pendhidhikan Anies diwiwiti ing umur limang taun.[4] Dhèwèké sekolah ing TK Masjid Syuhada, Kota Baru, Yogyakarta.[2] Banjur, umur nem taun Anies sekolah ing SD Laboratori Yogyakarta.[4] Anies neruské SMP né ing SMP Negeri 5 Yogyakarta.[4] Nalika SMA, Anies sekolah ing SMA Negeri 2 Yogyakarta sakwéné 4 taun saka taun 1985 tekan 1989 amarga kepilih dadi peserta ing program pertukaran pelajar AFS Intercultural Programs, sing nganakaké yaiku Bina Antarbudaya, sakwéné setaun ing, Milwaukee, Wisconsin, Amérika Sarékat (1987 tekan 1988).[4]

Jiwa kapamimpinan[sunting | sunting sumber]

Nalika cilik Anies wis seneng organisasi lan kapamimpinan.[4] Nalika umuré isih 12 taun, Anies nggawé klompok bocah watara umur 7-15 taun ing kampungé sing dijenengi 'Kelabang' (Klub Anak Berkembang).[4] Bocah-bocah mau nggawé sragam sing ana gambaré kéwan klabang, lan nggawé kagiyatan olahraga lan seni.[4] Nalika SMA, Anies naté dadi ketua OSIS sak-Indonesia wektu dhèwèké mèlu pelatian kapamimpinan ing Jakarta sasi September 1985.[4] Dhèwèké dadi ketua saka 300 delegasi SMA-SMA sak-Indonesia, wektu iku Anies isih kelas siji SMA.[4]

Saka aktivis nganti dadi rektor[sunting | sunting sumber]

Nalika isih kuliah ing Universitas Gadjah Mada (UGM) (1989-1995), dhèwèké aktif ing gerakan mahasiswa lan dadi Ketua Umum Senat Mahasiswa UGM.[4] Wektu dadi mahasiswa UGM, dhèwèké éntuk beasiswa Japan Airlines Foundation kanggo mèlu kuliah mangsa panas ing babagan pelajaran Asia ing Universitas Sophia ing Tokyo, Jepang.[2] Sawisé lulus kuliah saka UGM taun 1995, Anies nyambut gawé ing Pusat Antar Universitas Studi Ekonomi ing UGM.[2] Banjur, Anies éntuk beasiswa Fullbright Master ing babagan kaamanan internasional lan kawicaksanan ékonomi ing Universitas Maryland, College Park.[2]

Cathetan suku[sunting | sunting sumber]

  1. ^ (id)Anies Baswedan Tokoh Dunia Berpengaruh(dipuntingali 28 Mei 2011)
  2. ^ a b c d e f (id)Anies Baswedan(dipuntingali 5 Juni 2011)
  3. ^ (id)Anies Baswedan Masuk Top 100 Intelektual Dunia(dipuntingali 3 Juni 2011)
  4. ^ a b c d e f g h i j k l m n (id)Anies Baswedan Intelektual Indonesia Kelas Dunia(dipuntingali 5 Juni 2011)
Sumber artikel punika saking kaca situs web: "http://jv.wikipedia.org/w/index.php?title=Anies_Baswedan&oldid=830292"