Basuki Tjahaja Purnama

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Basuki Tjahaja Purnama
Basuki Tjahaja Purnama

Bupati Belitung Timur
Mangsa jabatan
3 Agustus 2005 – 22 Desember 2010
Wakil Khairul Efendi, B.Sc.
Pejabat sadurungé Drs. H. Usman Saleh, M.M.
Pengganti Khairul Efendi, B.Sc.

Lair 29 Juni 1966 (umur 48)
Flag of Indonesia.svg Manggar, Belitung Timur
Kabangsan Indonesia
Partai pulitik Golkar (?-2012)
Partai Gerindra (2012-sekarang)
Pasangan Veronica, S.T.
Anak Nicholas (1998)
Nathania (2001)
Daud Albeenner (2006)
Almamater Universitas Trisakti
Agama Kristen Protestan

Ir. Basuki Tjahaja Purnama, M.M. (EYD: Basuki Cahaya Purnama, nama Tionghoa: Zhong Wan Xie) (lair ing Manggar, Belitung Timur, 29 Juni 1966; umur 48 taun), utawa dikenal dening sebutan Hakka Ahok, yaiku salah sawijining anggota Komisi II Dewan Perwakilan Rakyat periode 2009-2014 saka Partai Golkar[1].Sakdurunge dheweke tau dadi Bupati Belitung Timur periode 2005-2006.

Taun 2012, dheweké nyalon dadi Wakil Gubernur DKI Jakarta bareng Joko Widodo, wali kota Solo[1]. Basuki uga duwé adhi kang dadi bupati yaiku Basuri Tjahaja Purnama, Bupati Belitung Timur periode 2010-2015[1].

Nalika Cilik[sunting | sunting sumber]

Basuki kuwi anak mbarep saka Indra Tjahaja Purnama (Zhong Kim Nam) lan Buniarti Ningsing (Bun Nen Caw). Dheweké duwé adhi telu, yaiku Dr. Basuri T. Purnama (dokter PNS lan Bupati di Kabupaten Belitung Timur), Fifi Lety, S.H., L.L.M. (praktisi hukum), Harry Basuki, M.B.A. (praktisi lan konsultan bidang pariwisata dan perhotelan). Kaluwarganéé isih nduwéni keturunan Tionghoa-Indonesia saka suku Hakka (Kejia)[2].

Nalika cilik Basuki manggon ana ing Desa Gantung, Kecamatan Gantung, Kabupaten Belitung Timur, tekan lulus SMP. Banjur dheweke nerusake sekolah menyang Jakarta[2].

Pendidikan lan bisnis[sunting | sunting sumber]

Basuki nerusake SMA lan kuliah ing Jakarta. Dheweké milih Fakultas Teknologi Mineral jurusan Teknik Geologi Universitas Trisakti[3]. Sakwisé oleh gelar Insinyur Geologi taun 1989, Basuki bali menyang kampungé lan manggon ana kana, banjur ngedekaké perusahaan CV Panda sing ngelola ing bidang kontraktor pertambangan PT Timah[3]. Sakwise rong taun, Basuki banjur kuliyah S-2 njupuk jurusan manajemen keuangan ing Sekolah Tinggi Manajemen Prasetiya Mulya Jakarta. Banjur dheweké oleh gelar Magister Manajemen (M.M.) , lan kerja ana ing PT Simaxindo Primadaya ing Jakarta sing ngelola ana ing bidang kontraktor pembangunan pembangkit listrik. Dheweké njabat dadi staf direksi bidang analisa biaya lan keuangan proyek[3].

Taun 1992 Basuki ngedekaké PT Nurindra Ekapersada minangka persiapan mbangun pabrik Gravel Pack Sand (GPS) taun 1995. Taun 1995, Basuki metu kerja saka PT Simaxindo Primadaya. Dheweké banjur ngedekaké pabrik ing Dusun Burung Mandi, Desa Mengkubang, Kecamatan Manggar, Belitung Timur. Pabrik pengolahan pasir kuarsa kuwi pabrik sing sepisan dibangun ing Pulau Belitung, lan migunakaké teknologi Amerika dan Jerman. Panggonan pabrik kuwi uga dadi cikal bakal anané kawasan industri pelabuhan samudra, kanthi jeneng Kawasan Industri Air Kelik (KIAK)[3].

Taun 2004, investor saka Korea bisa nyatakaké kanggo mbangun Smelter (peleburan bijih timah) ing KIAK. Investor asing mau kagered karo konsep sing wis disepakati kanggo nyediani fasilitas komplek pabrik uga pergudangan lengkap karo pelabuhan taraf internasional ing KIAK[3].

Karier, sosial, lan politik[sunting | sunting sumber]

Taun 2004 Basukinjegur ing politik lan kagabung ing Partai Perhimpunan Indonesia Baru (Partai PIB) minangka ketua DPC Partai PIB Kabupaten Belitung Timur. Ing pemilu 2004 dhewekényalon dadi anggota legislatif lan kapilih dadi anggota DPRD Kabupaten Belitung Timur periode 2004-2009[3].

Ana ing Pemilihan Kepala Daerah (Pilkada) Kabupaten Belitung Timur Taun 2005, Basuki duet karo Khairul Effendi, B.Sc. Partai Nasional Banteng Kemerdekaan (PNBK) dadi Bupati-Wakil Bupati Belitung Timur periode 2005-2010[3]. Tanggal 22 Desember 2006, dheweké resmi nyerahaké jabatané marang wakilé , Khairul Effendi.

Ing pilkada Gubernur Bangka Belitung taun 2007, Basuki dadi kandidat calon Gubernur. Mantan Presiden K.H. Abdurrahman Wahid (Gus Dur) ndukung Basuki dadi Gubernur Bangka Belitung lan melu kampanye dheweké. Nanging ahok ora menang ana ing pemilu kuwi, dheweké dikalahaké dening Eko Maulana Ali.

Taun 2008, dheweké nulis buku biografi kanthi judul "Merubah Indonesia".

Taun 2012, Basuki nyalon dadi Wakil Gubernur DKI Jakarta karo Joko Widodo.

Kaluwarga[sunting | sunting sumber]

Basuki nikah karo Veronica, S.T.sing lair ana ing Medan, Sumatera Utara, lan banjur kekarone nduweni putra 3, yaiku Nicholas, Nathania, lan Daud Albeenner[3].

Referensi[sunting | sunting sumber]

  1. ^ a b c [1]
  2. ^ a b id-id.facebook.com/ahokbtp   Profil Facebook Resmi Basuki T. Purnama]
  3. ^ a b c d e f g h [Ahok.org   Situs Kerja Resmi Basuki T. Purnama]

Pranala Njaba[sunting | sunting sumber]