Universitas Trisakti

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Universitas Trisakti
Trisakti Logo.svg
Motto Menjadi Universitas Terkemuka, Bermutu Internasional dalam Mengembangkan llmu Pengetahuan, Teknologi dan Seni untuk Meningkatkan Kualitas Hidup dan Peradaban
Diadegaké 1965
Jinis Universitas Swasta
Rèktor Prof. Dr. Thoby Mutis
Dosèn 1.019 buah (2005)
Mahasiswa 30.000 orang (2005)
Lokasi Jl. Kyai Tapa No.1, Jakarta Kulon, DKI Jakarta, Indonesia
Werna Biru Tua
Julukan Usakti
Situs wèb http://www.trisakti.ac.id

Universitas Trisakti yaiku salah sijine Pawiyatan luhur (perguruan tinggi) swasta sing mangon ing pusat kutha Jakarta yaiku ing Jalan Kyai Tapa, Grogol, Jakarta Kulon. Yen dodelok saka panggonane, kahanan kampus Universitas Trisakti strategis sanget amerga manggon ing tegah-tengah kutha Jakarta

Sujarah[sunting | sunting sumber]

Universitas Baerki

Ing Pisanan Universitas Trisakti ngadeg jenenge Universitas Baperki sing dingadegake dening dhuwuran organisasi Baperki rikala tahun 1958.[1] Ora suwe saka iku, paseing tahun 1962 jeneng kuwi maleh dadi Universitas Res Publica utawa sing luwih gampang diapal URECA.[1] Universitas iki dibangun kanggo mangsuli sing jarene ana watesan jenjang pendidikan tinggi ing Indonesia, mbuh saka rakyat cilik utawa keturunan wong sugih.[1] Weruh kahanan kaya ngono, mula Siauw Giok Tjhan, wartawan lan aktivis politik mbangun wadah lan medhia pembelajaran akademis kanggo bebrayan agung.[1]

Universitas Res Publika (1962 - 1965)

Kapilihe jeneng Universitas Res Publica dhewe dijupuk saka kethokan pidhato kepresidhenan sing diandharake dening Presiden Soekarno sing tegese "Kanggo Bebrayan Agung", mula Universitas Res Publica rikala semono dadi wadhah pendhidhikan sing ngadeg lan ancase kanggo makili kepentingane rakyat lan bebrayan agung. Tahun 1965 ana kedadeyan G30S PKI lang ngakibatake Baperki dibubarake dening pamarintah Orde Baru ing tahun 1966. Kedadeyan kuwi langsung nyebabake kekuwasaan URECA dijupuk dening pamarentah meneh. Kahanan kaya ngono amerga URECA kalebu sing diarani salah siji kendaraan saka kumpulane Komunis Indonesia sing anti Pancasila, lan dianggep wis berkhianat marang negarane dewe.

Sawise pamarintahane Presidhen Soekarno mudhun, akeh mahasiswa URECA sing sadurunge kedhaftar ing Universitas kuwi, ora gelem ndhaftarake meneh status kemahasiswaane dhewe-dhewe. Kahanan kaya iki amerga akeh saka dheweke kabeh sing wis ndhaftar dadi anggota, partisipan utawa pengurus saka organisasi CGMI (Consentrasi Gerakan Mahasiswa Indonesia) sing biasane nglawan pamarintah utawa mung kuwatir bakal stigmatisasi kiwa sarta paham komunise. Banjur Universitas Trisakti ngadeg sawise dibubarake Universitas Res Publica dening pamarintah orde baru.


Universitas Trisakti (1965 - sekarang)

Miturut konsesus kasebut mula Universitas Trisakti diarani unit perguruan tinggi swata sing nomer siji lan mung ana siji sing diadegake dening pamarintah Republik Indonesia. Pisanan ngadege Universitas Trisakti mung ana 5 fakultas, yaiku Fakultas Teknik sing ing ngisore uga ana 5 jurusan (Teknik Mesin, Teknik Elektro, teknik Sipil, Arsitektur dan Seni Rupa), Fakultas Kedhokteran Gigi, Fakultas Kedhokteran, Fakultas Ekonomi sing duwe 2 jurusan (EkonomiPerusahaan lan Ekonomi Akutansi), sarta Fakultas Hukum dan Pengetahuan Masyarakat.

Jaman saiki kampus Universitas Trisakti uga dikenal amerga ana sambung gayute karo kedadeyan 12 Mei 1998 utawa luwih kerep diarani karo Tragedi Trisakti sing nyebabake patang mahasiswa Universitas Trisakti seda ketembak aparat keamanan rikala padha dhemo ing dalan gedhe. Mahasiswa sing wis seda yaiku: Elang Mulya Lesmana, Hafidhin Royan, Hery Hartanto lan Hendriawan Sie.

Lambang[sunting | sunting sumber]

Universitas Trisakti resmi sasi Juni tahun 1966 banjur nggunakake lambang Trisula sing diputusake sawise dianake sayembara nggawe lambang kanggo Universitas Trisakti. Ide nggawe lambang kuwi saka pidhato Dr. Ir. Soekarno Presiden Republik Indonesia sing nomer siji. Ana ing pidhato panjenengane, akeh materi-materi sing akhire ngewenehi inspirasi kaciptane lambang trisula mawa lambang lan identitas diri saka Universitas Trisakti. lambang kasebut yaiku panyempurnaan saka Eko Purwoto MA sing ditugasi kanggo ndhandhani lan nyempurnakake saka akehe desain sing mlebu saka asil sayembara kasebut. Panyempurnaan kuwi dirakake amerga lambang Universitas Trisakti sing anyar bisa ngewakili falsafah urip adedhasar Pancasila. Amerga kuwi gambar tumbak sing kegambar ing gambar trisula kuwi dibusak lan digenti karo sikil cacah lima sing madhani kelopak kembang. “Sikil” lima kuwi nglambangake Pancasila lan ana ing desain lambang didelehake ing ngisor bentuk trisula, sing ngewenehi teges mawa Pancasila dadi adedhasar kanggo Universitas Trisakti. Desain pungkasane yakuwi lambang Universitas Trisakti sing saiki, yaiku logo tanpa dhasar apa-apa. logo kasebut bisa diartikake kaya ngisor iki:

Telung pondhasi pemahaman kuwi diarani mawa istilah Trikarma sing banjur dadi saka guru ing perkembangan lan pertumbuhane Universitas Trisakti ing akeh aspek panguripan kebangsaan lan negara sabanjure.

Fakultas[sunting | sunting sumber]

Jaman saiki Universitas Trisakti duwe total mahasiswa aktif luwih saka 30.000 wong. Universitas Trisakti utawa sing biasa disingkat Usakti sing mawa kampus swasta paling gedhe ing Jakarta sing duwe 9 fakultas yaiku:

  1. Fakultas hukum
  2. Fakultas kedokteran umum
  3. Fakultas kedokteran gigi
  4. Fakultas ekonomi
  5. Fakultas teknik sipil dan perencanaan
  6. Fakultas teknologi industri
  7. Fakultas teknologi kebumian dan energi
  8. Fakultas arsitektur lansekap dan teknologi lingkungan
  9. Fakultas seni rupa dan desain

Program Studi[sunting | sunting sumber]

Universitas Trisakti nduwe 23 program studi Sarjana (S1) ditambah karo 8 program studi pascasarjana (S2). Lan 3 program studi doktoral (S3). Total dhosen pengajar cacahe 1.019 dhosen biasa lan 888 dhosen luar biasa. Saka kabeh dhosen kasebut, 68 wong wis dhuwe jabatan akademis mawa guru besar.

Program Diploma Tiga (D-3)[sunting | sunting sumber]

Program Diploma Universita Trisakti digawe kanggo nyukani solusi mawa cara mbantu nyediani tenaga kerja sing trampil lan siap kerja, mligine tenaga kerja sing nguwasai lan ngeteni masalah umum kantoran padha karo tuntutan perkembangan jaman.

Program Sarjana (S-1)[sunting | sunting sumber]

Universitas Trisakti nduwe 9 fakultas lan 23 jurusan akademis kanggo pembelajaran Strata 1 (S-1)

Program Studi Sarjana[sunting | sunting sumber]

  1. Fakultas Hukum
  2. Fakultas Kedokteran Umum
  3. Fakultas Kedokteran Gigi
  4. Fakultas Ekonomi
  5. Fakultas Teknik Sipil dan Perencanaan
  6. Fakultas Teknologi Industri
  7. Fakultas Teknologi Kebumian dan Energi
  8. Fakultas Arsitektur Lansekap dan Teknologi Lingkungan
  9. Fa

kultas Seni Rupa dan Desain


Pranala njaba[sunting | sunting sumber]

Referensi[sunting | sunting sumber]

  1. ^ a b c d (id)[indo-marxist Sejarah hitam univ. TRISAKTI] [indo-marxist] Sejarah hitam univ. TRISAKTI.