Dewan Perwakilan Rakyat

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Coat of arms of the People's Representative Council of Indonesia.svg

Dewan Perwakilan Rakyat (dicekak DPR) iku lembaga tinggi negara jroning sistem ketatanegaraan Indonesia sing dadi lembaga perwakilan rakyat lan nyekel kakuwasan gawé Undhang-Undhang. DPR duwé fungsi legislasi, anggaran, lan pengawasan.

DPR dumadi saka anggota partai pulitik peserta pamilihan umum, sing dipilih miturut asil Pamilihan Umum. Anggota DPR periode 2004-2009 cacahé 550. Ing periode 2009-2014, cacahing anggota DPR nambah dadi 560. Mangsa jabatan anggota DPR yakuwi 5 taun, lan mungkasi bebarengan wektu anggota DPR sing anyar ngucapaké sumpah utawa janji.

Ketua DPR wektu iki yakuwi Agung Laksono.

Hak[sunting | sunting sumber]

Anggota DPR nduwèni hak interpelasi, hak angket, lan hak mratélakaké panemu (pendapat). Anggota DPR uga nduwèni hak ngajokaké RUU, ngajokaké pitakonan, usul lan panemu, mbéla dhiri, hak imunitas, sarta hak protokoler.

Miturut Undhang-Undhang Nomer 22 Taun 2003 ngenani Susduk MPR, DPR, DPD, lan DPRD, jroning ngayahi tugas lan wewenangé, DPR duwé hak njaluk marang para pejabat negara, pejabat pemerintah, badan hukum, utawa warga masyarakat kanggo mènèhi katrangan. Yèn panjaluk iki ora dituruti, bisa dikenakaké panggilan peksa (miturut peraturan perundhang-undhangan). Yèn panggilan peksa iki ora dituruti tanpa alesan sing sah, bisa disandera paling lawas 15 dina (miturut peraturan perundhang-undhangan).

Deleng uga[sunting | sunting sumber]

Pranala njaba[sunting | sunting sumber]