Dream High

Saka Wikipédia Jawa, bauwarna mardika basa Jawa
Dream High
GenreKomedi
Romantis
Musik
Ditulis déningPark Hye Ryun
ProduserLee Eung Bok
DiparagakakéKim Soo-Hyun
Taecyeon
Suzy Miss A
Eun Jung
IU
Wooyoung
Pangisi swaraTaecyeon, Wooyoung, Suzy, Kim Soo-Hyun, JOO
NaratorTaecyeon, Wooyoung, Suzy, Kim Soo-Hyun, JOO
Musik déningTaecyeon, Wooyoung, Suzy, Kim Soo-Hyun, JOO
Lagu pambukaDream High, Taecyeon, Wooyoung, Suzy, Kim Soo-Hyun, JOO
Lagu panutupDream High, Taecyeon, Wooyoung, Suzy, Kim Soo-Hyun, JOO
KomposerTaecyeon, Wooyoung, Suzy, Kim Soo-Hyun, JOO
Negara asalKoréa Kidul
Basa asliKoréa
Gunggung mangsa1
Prodhuksi kaloro
Gunggung episode16 (1 spésial)
Prodhuksi
ProdhuserBae Yong Joon
Park Jin Young
KapernahSeoul, Koréa Kidul
SinematografiKorean Broadcasting System
Panata kaméraKorean Broadcasting System
Suwéné acaraSenèn tekan Slasa jam (UTC+09:00) 21:55 KST
ProdhuksiKorean Broadcasting System
DistributorKorean Broadcasting System
Pambabaran
Saluran tiviKBS 1TV
Format gambar480i SDTV
Format swaraDolby Digital
DTS Digital Sound
Sony Dynamic Digital Sound
Dibabar kapisan ing3 Januari 2011
Lakuné acara3 Januari 2011 –
28 Fèbruari 2011
Kronologi
Acara sadurungéMary Stayed Out All Night
Acara sawiséCrime Squad
Pranala jaba
situs resmi (basa Koréa)

Dream High (basa Koréa: 드림하이) iku sérial tivi Koréa Kidul kang dibabaraké déning Korean Broadcasting System. Sérial iki dibabaraké wiwit tanggal 3 Januari nganti tekan 28 Fèbruari 2011. Sajeroning filem iki dimainaké déning Suzy, Taecyeon, Lee Ji Un, Jang Wooyoung, Ham Eun Jung lan Kim Soo-Hyun.[1] Film iki kababar nganti tekan 16 épisode. Drama iki misuwur ing kalangané bocah nom. Épisode spésialé ya iku nalika ana kasting kanggo penampilan ing panggung Dream High Special Concert cedhak karo Seoul, Koréa Kidul lan dibabaraké déning Korean Broadcasting System tanggal 1 Maret 2011. Ora bakalan suwé manèh, Dream High kang dibabaraké déning Korean Broadcasting System tanggal 17 Maret 2011, bakalan diterusaké ing filem kapindhoné ing tanggal 3 Januari 2012.

Film iki nyritakaké enem murid sekolah menengah seni Kirin Art High School kang kepéngin banget bisa ngawujudaké gegayuhané, ya iku dadi bintang ing babagan musik ing Koréa. Go Hye-mi (Suzy) iku murid kang duwé bakat kang gedhé ing babagan musik klasik, nanging kudu nglalèkaké gegayuhané iku kanthi lumebu ing sekolah Kirin amarga arep mbayar utangé bapaké.[2]

Supaya bisa dadi murid Kirin Art High School, Hye-mi kudu bisa nggawa rong murid manèh kanggo lumebu menyang sekolah iku. Loro murid iku ya iku Song Sam-dong (Kim Soo-hyun) kang asalé saka désa lan Jin Guk (Taecyeon) kang minggat amarga dioyak rèntenir. Saliyané iku, Yoon Baeh-hee (Ham Eun-jung) kang dhisiké kanca cedhaké Hye-mi ing pungkasané dadi saingan sengit Hye-mi ing sekolah iku.[3]

Sinospis paraga[besut | besut sumber]

Go Hye Mi iku paraga baku ing drama iki.[4] Dhèwèké saka kulawarga kang sugih, sawisé ibuné séda, bisnis bapaké bangkrut, banjur kulawargané utang menyang dhèbitur. Hye Mi dioyak-oyak dhèbitur kang jenengé Ma Doo Shik lan pungkasané dhèwèké dikon main drama. Hye Mi ketemu Jin Guk nalika iku Jin Guk nylametaké Hye Mi saka Ma Doo Shik. Ing awal carita, Hye Mi digambaraké minangka bocah wadon kang galak, menengan kang ngécé kanca cedhaké Yoon Baek Hee amarga Hye Mi gagal saka audhisi lumebu Sekolah Seni Kirin.[5] Pungkasané, dhèwèké ditampa ing sekolah Kirin minangka salah siji siswa spésial déning dhirèktur mligi barengan karo Jin Guk lan Sam Dong. Sansaya suwé, Hye Mi bisa dadi bocah kang kuwat, pedhuli, lan bisa awèh sepura marang kanca cedhaké iku. Hye Mi disenengi Sam Dong lan Jin Guk, lan dhèwèké bingung milih saka kekaroné. Ing pungkasan carita, Hye Mi milih Sam Dong kang ninggal dhèwèké menyang Amérika kanggo dadi penyanyi.
Song Sam Dong iku bocah lanang saka désa kang mèlu Hye Mi menyang kutha Seoul sawisé tresna marang Hye Mi.[6] Dhèwèké duwé bakat musik kang luar biyasa, bisa main akord sanajan ora ngerti akord iku apa, nanging dhèwèké bocah kang naif lan duwé masalah karo pangrungu, kang bisa dadi masalah nalika arep ngoyak gegayuhané dadi artis kang misuwur. Sam Dong mbélani Hye Mi nalika kanca sekolahé padha jèngkèl karo Hye Mi, nutupi Hye Mi supaya ora kena endhog kang diuncalaké menyang Hye Mi. Saliyané iku, Sam Dong uga nylametaké Hye Mi supaya ora ketibanan pot kembang saka dhuwur, sanajan bar-barané pot iku malah nibani sirahé Sam Dong dhéwé. Hye Mi ndadèkaké Sam Dong dadi "keren" lan potongan rambuté digawé supaya mirib potongan rambuté Jin Guk, akiré Sam Dong motong rambuté luwih cekak lan nganggo anting-anting. Sam Dong gladhèn main piano supaya bisa tampil barengan Hye Mi nalika nyanyèkaké "Maybe". Ing pungkasan carita, Sam Dong dadi penyanyi kang misuwur kanthi jeneng panggung "K".
Jin Guk iku kancané Hye Mi nalika cilik lan mesthi ngréwangi Hye Mi nalika Hye Mi susah. Jin Guk kerep ngélingaké Hye Mi kenangan nalika isih cilik. Jin Guk unggul ing babagan nari lan nge-rap. Dhèwèké nyanyi tembang "My Valentine". Jin Guk lumebu ing tresna segitelu antarané Go Hye Mi lan Yoon Baek Hee. Sawisé tampil karo Baek Hee ing showcase, dhèwèké debut karo salah siji lembaga hiburan Koréa lan dadi anggota saka "Grup K". Sawisé debut, dhèwèké nembé ngerti yèn dhèwèké seneng karo Hye Mi lan dhèwèké kepéngin urip bareng karo Hye Mi. Nanging, Hye Mi mangkel karo Jin Guk amarga dhèwèké nglakoni debut minangka artis solo nalika dhèwèké janji bakalan debut barengan karo Hye Mi. Jin Guk nyoba nampa kasunyatan yèn Jin Guk jebulé ora bakalan ditampa dadi anaké bapaké, lan bapaké kepéngin Jin Guk supaya sekolah ing Amérikah Sarékat. Ing pungkasan carita Jin Guk ngerti yèn Hye Mi seneng karo Sam Dong lan Jin Guk bisa nglilakaké. Jin Guk ngomong marang Hye Mi yèn dhèwèké bakal dadi kanca apik.

Ingkang maragani[besut | besut sumber]

Paraga Utama

Extended cast

Cameos

Guru Sekolah Kirin

Murid Sekolah Kirin

Soundtrack[besut | besut sumber]

Dream High
No. Irah-irahan Artis Suwené
01. Dream High Taecyeon, Wooyoung, Suzy, Kim Soo-Hyun, JOO 3:47
02. Someday IU 3:38
03. My Valentine Taecyeon & Jang Wooyoung 4:07
04. 가지마 (Don't Leave) Junsu & Lim Jeong Hee 4:20
05. 못 잊은 거죠 (If) Park Jin Young 3:55
06. Maybe SunYe 3:01
07. 사랑하면 안될까 (Can't I Love You?) Changmin & Jinwoon 3:35
08. 어떤이의 꿈 (A Part of This Dream) San E (Feat SoHyang Of POS) 3:16
09. 겨울아이 (Winter Child) Suzy 3:39
10. Dreaming Kim Soo-Hyun 3:42
11. 못 잊은 거죠 (If) (Inst.) Park Jin Young 3:55
12. Maybe (Inst.) Sunye 3:01

Cathetan sikil[besut | besut sumber]

  1. www.mysoju.com Dream High (kaundhuh tanggal 11 Agustus 2011)
  2. www.indosiar.com Archived 2011-08-06 at the Wayback Machine. Dream High (kaundhuh tanggal 11 Agustus 2011)
  3. (ing basa Inggris)youtube Duet Go Hye-Mi & Yoon Baek-Hee (kaundhuh tanggal 12 Agustus 2011)
  4. (ing basa Indonésia)id.omg.yahoo.com Suzy Ingin Perankan Hye Mi Lagi (kaundhuh tanggal 12 Agustus 2011)
  5. (ing basa Indonésia)www.pelangidrama.net Profil Suzy (kaundhuh tanggal 12 Agustus 2011)
  6. (ing basa Indonésia)www.pelangidrama.net Kim Soo-Hyun (kaundhuh tanggal 12 Agustus 2011)
  7. (ing basa Inggris)www.dramacrazy.net Archived 2011-11-07 at the Wayback Machine. Hyun Si Hyuk (kaundhuh tanggal 12 Agustus 2011)
  8. (ing basa Inggris)en.korea.com[pranala mati permanèn] Hyun Si Hyuk My Valentine (kaundhuh tanggal 12 Agustus 2011)