Bae Yong Joon

Saka Wikipédia Jawa, bauwarna bébas abasa Jawa
Jump to navigation Jump to search
Bae Yong Joon
Bae Yong Joon.jpg
Miyos 29 Agustus 1972 (umur 45)
Seoul, Koréa Kidul
Pakaryan Pameran
Taun aktif 1995-saiki
Situs resmi www.byj.co.kr
Jeneng Koréa
Hangul 배용준
Hanja 裵勇俊
Alih aksara
Anyar
Bae Yong-jun
McCune-
Reischauer
Pae Yong-chun

Bae Yong Joon (배용준, (lair ing Seoul, Koréa Kidul, 29 Agustus 1972; umur 45 taun), dhèwèké iku aktor Koréa Kidul kang kondhang amarga mainaké peran ing filem-filem drama. Penggemaré nyebut dhèwèké mawa singkatan BYJ, nanging penggemar ing Jepang ngundang nganggo undangan kurmatan Yon-sama (ヨン様 Tuan Yon?).

Dhèwèké miwiti kariré ing donya seni peran lumantar filem kang judhulé PPILKU kang dirilis ing taun 2004.[1] Saka peran iki, Bae Yong Jun nuli olèh tawaran kanggo mbintangi peran ing filem drama kaya ta SALUT D'AMOUR lan SIX STEPS TO SEPARATION.[1] Nanging nembé lumantar perané ing filem SUNNY PLACE OF THE YOUNG, aktor iki olèh sorotan saka para kritikus filem.[1] Kasuksèsan peran iki agawé dhèwèké olèh tawaran kanggo main ing filem "FIRST LOVE" kang agawé dhèwèké tambah kondhang.[1]

Sawisé sempet mutusaké kanggo ninggal donya peran kanggo nerusaké pendhidhikané ing Sung Kyun Kwan University, Bae Yong Jun akiré bali manèh ing donya filem lan mbintangi filem sérial tivi "HOTELIER".[1] Jeneng Bae Yong Jun iku malah kondhang kanthi internasional nalika dhèwèké mainaké peran ing filem kang judhulé "WINTER SONATA".[1] Film iki uga kang akiré agawé pambukan anggoné dhèwèké mainaké filem-filem Koréa kanggo nembus pasar Jepang.[1]

Wis nganti ana limalas filem kang tau dibintangi dhèwèké, Bae Yong Jun akiré bisa olèh bebungah.[1] Dhèwèké olèh bebungah ora kurang saka sepuluh bebungah, kaya ta saka ajang KBS, Bak Sang, Blue Dragon lan MBC.[1]

Ing taun 2011, Bae Yong Jun kang mbintangi filem DREAM HIGH, nekani konsèr ing Jepang.[2] Masarakat Jepang ngerti filem mau ing channel Koréa KBS2TV, lan ditayangaké ing Jepang diputer déning stasiun tivi DATV.[2]

Tanggal 14 Maret 2011, Bae Yong Jun nyumbang 1 milyar won utawa 72 yuta yèn ($900.000 USD) kanggo mbantu para kurban bencana ing Jepang.[2] Sumbangan iku ora bisa diomong sithik, dhuwit iku bakal diwènèhaké marang Kepala Japan Tourism Agency, kang dienggo kanggo organisasi kang nyambut gawéné mulihaké pasca bencana.[2]

Cathetan sikil[besut | besut sumber]

  1. ^ a b c d e f g h i biografi Bae Yong Jun diundhuh tanggal 20 Agustus 2011
  2. ^ a b c d berita Bae Yong Jun diundhuh tanggal 20 Agustus 2011