Cabé lempuyang
Jamu cabé lempuyang utawa Cabé puyang iku salah sawijining jamu kang kondhang ing masayarakat Jawa, jamu iki bisa kanggo tamba pegel linu uga bisa ngilangaké cikalen, pegel lan linu-linu ing awak, kalebu rasa pegel ing boyok. Jamu iki kalebu jamu gèndhong. saliyané cabé puyang macemé jamu gèndhong liyané ana jamu kunir asem, jamu sinom, jamu beras kencur, jamu paitan, jamu kunci suruh, jamu kudu laos lan jamu uyup-uyup utawa gepyokan.[1]. Cabé puyang iku kalebu ombèn-ombèn obat tradhisional Jawa kang wis ana kawit jaman biyèn, racikané diturun-temurunaké saka jaman Majapait lan nganti saiki isih diuri-uri, nuli dilestarikaké lan dadi salah sijining kasil saka kabudayan Jawa[2].
Kasiyaté jamu cabé puyang
[besut | besut sumber]Jamu cabé puyang iki duwé kasiat kang apik kanggo awak antarané kaya ta:
- bisa ngilangaké rasa pegel-pegel lan rasa gringgingen
- bisa didadèkaké obat awak panas utawa benter
- obat mbobot (meteng tuwa)
- uga bisa kanggo nambani struk
| No. | Kasiyat | Bahané |
|---|---|---|
| 01. | pegel | cabé, puyang, asem kawak, kudu, adas, gula |
| 02. | sikil kesel | cikalen, cabé, puyang, asem, gula |
| 03. | pegel, linu | cabé, asem, puyang, gula |
| 04. | cikalen | cabé, puyang, jaé, mrica, kunci |
| 05. | pegel, linu | cabé, puyang, kedawung, gula, asem kawak |
| 06. | gringgingen | cabé, asem, puyang, gula |
| 07. | pegel, adhem panas | cabé, puyang, kunir, temu ireng, temulawak |
| 08. | pegel-pegel, (ampasé jamu iki bisa didadèkaké ‘bobok’) | cabé, puyang, Jaé, kunir, adas pulosari |
| 09. | pegel-pegel | cabé, puyang, merica, gula abang utawa gula putih, empon-empon |
| 10. | pegel-pegel | kedawung, keningar, cabé, kunir, Jaé |
| 11. | pegel-pegel, nyèhataké awak | cabé, kedawung, puyang, gula abang, uyah |
| 12. | mriyang | cabé, puyang, kunir, asem, Jaé |
| 13. | mbobot (meteng tuwa) lan ngilangaké rasa pegel-pegel ing awak | cabé, puyang, beras, kunir, gula abang |
Bahan-bahané jamu cabé puyang
[besut | besut sumber]Bahan utama saka jamu cabé puyang yaiku[4] . Cabé jamu lan puyang. ditambah karo bahan liyan, kaya ta temu ireng, temulawak, jaé, kudu, adas pulosari, kunir, mrica, kedhawung, keningar, asem, lan kunci. Bèn supaya legi, bisa ditambahaké karo gula abang utawa gula putih. Bahan jejangkepan liyan, bisa ditambahaké uyah.
Cara gawé jamu cabé puyang
[besut | besut sumber]Carané nggawé jamu cabé puyang [5]
- Kang kapisan, godhog banyu karo bahan-bahané nganti umeb
- Bahan kang wis digodhog mau didheplok kasar nganggo lumpang karo alu wesi utawa watu
Cathetan suku
[besut | besut sumber]- ↑ Bahan Baku, Khasiat, dan Cara Pengolahan Jamu Gendong: Studi Kasus di Kotamadya Surabaya, 1998 Archived 2011-07-19 at the Wayback Machine. (dipunundhuh tanggal 30 Maret 2011)
- ↑ SEJARAH JAMU Archived 2010-12-24 at the Wayback Machine. (dipunundhuh tanggal 30 Maret 2011)
- ↑ http://www.iptek.net (dipunundhuh tanggal 30 Maret 2011)
- ↑ http://www.kerajaannusantara.com Archived 2011-02-08 at the Wayback Machine. (dipunundhuh tanggal 02 April 2011)
- ↑ Jamu Gendong, Ramuan Tradisional Khas Indonésia (dipunundhuh tanggal 02 April 2011)