Cabé lempuyang

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
ombèn-ombèn obat tradhisional Jawa

Jamu cabé lempuyang utawa Cabé puyang iku salah sawijiné jamu kang kondhang ing masayarakat Jawa,jamu iki bisa kanggo obat pegel linu uga bisa ngilangaké cikalen, pegel lan linu-linu ning awak, kelebu rasa pegel ning boyok. Jamu iki kelebu jamu gendong. saliyané cabé puyang macemé jamu gendhong liyané ana jamu kunir asem, jamu sinom, jamu beras kencur, jamu pahitan, jamu kunci suruh, jamu kudu laos lan jamu uyup-uyup atawa gepyokan.[1]. Cabé puyang iku kalebu ombèn-ombèn obat tradhisional Jawa kang wis ana ket jaman biyèn, racikané diturun-temurunké saka jaman Majapait lan nganti saiki isih diuri-uri, nuli dilestarikaké lan dadi salahsijining kasil saka kabudayan Jawa[2].

Kasiaté jamu cabé puyang[besut | besut sumber]

Jamu cabé puyang iki duwé kasiat kang apik kanggo awak antarané kaya ta:

  • bisa ngilangaké rasa pegel-pegel lan rasa gringgingen
  • bisa didadikaké obat awak panas atawa benter
  • obat mbobot (meteng tuwa)
  • uga bisa kanggo nambani struk
Racikan Jamu Cabé Puyang [3]
No. Kasiat Bahané
01. pegel cabé, puyang, asém kawak, kudu, adas, gula
02. sikil kesel cikalen, cabé, puyang, asem, gula
03. pegel, linu cabé, asém, puyang, gula
04. cikalen cabé, puyang, jaé, merica, kunci
05. pegel, linu cabé, puyang, kedawung, gula, asém kawak
06. kesemutan cabé, asém, puyang, gula
07. pegel, adem panas cabé, puyang, kunir, temu ireng, temulawak
08. pegel-pegel, (ampase jamu iki bisa didadikake ‘bobok’) cabé, puyang, Jaé, kunir, adas pulosari
09. pegel-pegel cabé, puyang, merica, gula abang utawa gula putih, empon-empon
10. pegel-pegel kedawung, keningar, cabé, kunir, Jaé
11. pegel-pegel, nyehatke awak cabé, kedawung, puyang, gula abang, uyah
12. mriyang cabé, puyang, kunir, asém, Jaé
13. mbobot (hamil tuwa) lan ngilangaké rasa pegel-pegel ning awak cabé, puyang, beras, kunir, gula abang

Bahan-bahané jamu cabé puyang[besut | besut sumber]

Bahan utama saka jamu cabé puyang ya iku[4] cabé jamu lan puyang. ditambah karo bahan liyan, kaya ta temu ireng, temulawak, jaé, kudu, adas pulosari, kunir, mrica, kedhawung, keningar, asem, lan kunci. Kanggo pemanis, bisa ditambahi gula abang utawa gula pasir. Bahan pelengkap liyan, bisa ditambahi uyah.

Cara Gawe Jamu Cabé Puyang[besut | besut sumber]

careané nggawé jamu cabé puyang [5]

  • ingkang kapisan, godok banyu karo bahan-bahane tekan umeb
  • Bahan kang wis digodog mau ditumbuk kasar nganggo lumpang karo alu wesi atawa watu

Cithakan:Bumbon crakèn

Cathetan suku[besut | besut sumber]

  1. Bahan Baku, Khasiat, dan Cara Pengolahan Jamu Gendong: Studi Kasus di Kotamadya Surabaya, 1998 (dipununduh tanggal 30 Maret 2011)
  2. SEJARAH JAMU (dipununduh tanggal 30 Maret 2011)
  3. http://www.iptek.net (dipununduh tanggal 30 Maret 2011)
  4. http://www.kerajaannusantara.com (dipununduh tanggal 02 April 2011)
  5. Jamu Gendong, Ramuan Tradisional Khas Indonésia (dipununduh tanggal 02 April 2011)